ព័ត៌មានអន្ដរជាតិ

អ្នកស្រាវជ្រាវជប៉ុន រកឃើញរ៉ែម្យ៉ាង ដែលអាចដឹងពីដើមកំណើតព្រះចន្ទ

បានផុស

៤ ខែ មុន

នៅ

ថ្ងៃអង្គារ ២៨ ឧសភា ២០២៤

ដោយ

ក្រុមអ្នកស្រាវជ្រាវជប៉ុន ដែលវិភាគទិន្នន័យប្រមូលបានដោយយានអវកាសចុះចតលើភពព្រះចន្ទកាលពីខែមករាកន្លងទៅ បានបញ្ជាក់ពីវត្តមាននៃប្រភេទរ៉ែម៉្យាងហៅថា អូលីវីន។ គំហើញថ្មីនេះ នឹងជួយស្រាយចម្ងល់អំពីប្រភពដើមកំណើតនៃការកកើតឲ្យមានព្រះចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យាន SLIM (Smart Lander for Investigating Moon) គឺជាយានអវកាសដំបូងគេបង្អស់របស់ជប៉ុន ដែលអាចចុះចតបានយ៉ាងជោគជ័យលើផ្ទៃភពព្រះចន្ទ។

ក្រុមអ្នកស្រាវជ្រាវមកពីសកលវិទ្យាល័យ Ritsumeikan និងសកលវិទ្យាល័យ Aizu បានបង្ហាញពីការរកឃើញថ្មីនេះ កាលពីថ្ងៃចន្ទទី២៧ ខែឧសភា ឆ្នាំ២០២៤ នៅក្នុងកិច្ចប្រជុំសិក្សាមួយ ដែលធ្វើឡើងនៅតំបន់ Chiba ក្បែរទីក្រុងតូក្យូ។

អ្នកស្រាវជ្រាវ បានវិភាគរូបភាពនៃបណ្ដុំថ្មលើផ្ទៃព្រះចន្ទ ដែលថតបានដោយកាមេរ៉ារបស់យាន SLIM។ ក្នុងនោះ គេបានរកឃើញរ៉ែអូលីវីន ដែលជាកត្តាញ៉ាំងឲ្យមានការសិក្សាកាន់តែស៊ីជម្រៅបន្ថែមទៀតពីព្រះចន្ទ ដោយផ្អែកលើសមាសធាតុគីមីលម្អិតនៃរ៉ែអូលីវីន។

ការយករ៉ែអូលីវីននៅលើផែនដី ទៅប្រៀបធៀបនឹងរ៉ែអូលីវីននៅលើព្រះចន្ទ នឹងអាចបង្ហាញចម្លើយពិតទាក់ទិននឹងទ្រឹស្ដីកន្លងមកដែលថា ព្រះចន្ទកើតចេញពីកម្ទេចកម្ទីពីការបុកប៉ះគ្នារវាងផែនដី និងផ្កាយដទៃទៀតក្នុងលំហ៕