ព័ត៌មានអន្ដរជាតិ
ក្រុមសកម្មប្រយុទ្ធនៅ នីហ្សេរីយ៉ា ចាប់ជំរិតមនុស្ស ១៦០ នាក់ និងកំពុងរង់ចាំប្រាក់លោះ
យោងតាមការចេញផ្សាយរបស់សារព័ត៌មាន CNN នៅថ្ងៃទី២៨ ខែឧសភានេះបានឲ្យដឹងថា មនុស្សចំនួន ១០ នាក់ត្រូវបានសម្លាប់ និង ១៦០ នាក់ផ្សេងទៀត រួមទាំងកុមារផងដែរនោះ ត្រូវបានចាប់ពង្រត់ ក្នុងអំឡុងការវាយឆ្មក់ដោយក្រុមសកម្មប្រយុទ្ធ Boko Haram លើភូមិដាច់ស្រយាលមួយកន្លែងនៅភាគខាងជើងប្រទេសនីហ្សេរីយ៉ា ។
ប្រទេសនីហ្សេរីយ៉ាបានជួបប្រទះការចាប់ជំរិតម្តងហើយម្តងទៀត ហើយក្រុមសកម្មប្រយុទ្ធធ្វើសកម្មភាពបែបនេះគឺដើម្បីប្រាក់លោះ ខណៈហេតុការណ៍ចាប់ជំរិតចុងក្រោយបំផុតបានកើតឡើងនៅក្នុងភូមិ Kuchi ស្រុក Munya ក្នុងរដ្ឋ Niger បានបណ្ដាលមនុស្សចំនួន ១០ នាក់ត្រូវបានសម្លាប់ និង ១៦០ នាក់ផ្សេងទៀត រួមទាំងកុមារផងដែរ ត្រូវបានចាប់ពង្រត់ ។
ក្នុងហេតុការណ៍នេះមានខ្មាន់កាំភ្លើងប្រហែល ៣០០ នាក់បានធ្វើប្រតិបត្តិការចាប់ពង្រត់ ខណៈកងកម្លាំងសន្តិសុខមិនទាន់បានចាប់ផ្តើមប្រតិបត្តិការជួយសង្គ្រោះនៅឡើយទេ ។ ហេតុការណ៍នេះមិនមែនជាលើកទីមួយ ឬលើកទីពីរនោះទេ ដែលភូមិ Kuchi ត្រូវរងការវាយប្រហារ តែនេះជាលើកទី ៥ ហើយ ដោយតំបន់នេះតែងរងនូវការចាប់ជំរិតដើម្បីលោះ ប៉ុន្តែក្រុមចាប់ជំរិតមិនទាន់ធ្វើការទាមទារណាមួយទាក់ទងនឹងការចាប់ជំរិតចុងក្រោយនេះនៅឡើយទេ ។
បើយោងតាមអង្គការលើកលែងទោសអន្តរជាតិបានឲ្យដឹងថា ចាប់តាំងពីឆ្នាំ ២០២១ មក ខ្មាន់កាំភ្លើងបានវាយប្រហារភូមិ Kuchi ជាប្រចាំ ហើយថែមទាំងរំលោភស្ត្រី និងក្មេងស្រីផងដែរ ខណៈដែលការលុកលុយភូមិដោយខ្មាន់កាំភ្លើងគឺជាសញ្ញាមួយផ្សេងទៀតនៃការបរាជ័យទាំងស្រុងរបស់អាជ្ញាធរនីហ្សេរីយ៉ាក្នុងការការពារអាយុជីវិតប្រជាជន ។
គួររំឭកថា យ៉ាងហោចណាស់មានសិស្សសាលាចំនួន ១៣៧ នាក់ត្រូវបានចាប់ពង្រត់កាលពីដើមខែមីនានៅក្នុងរដ្ឋ Kaduna ប្រទេសនីហ្សេរីយ៉ា ប៉ុន្តែក្រោយមកត្រូវបានដោះលែងវិញ បន្ទាប់ពីក្រុមចាប់ជំរិតបានទាមទារប្រាក់ជាង ៦៧៥,០០០ ដុល្លារ ហើយបានគំរាមសម្លាប់ពួកគេទាំងអស់ ប្រសិនបើការទាមទាររបស់ពួកគេមិនត្រូវបានឆ្លើយតប ៕
អត្ថបទ៖ ប៊ុន សុភាព
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ