ព័ត៌មានអន្ដរជាតិ
ទើបប្រើ២សប្ដាហ៍ ផែបណ្ដែតទឹកអាមេរិកជាង៣០០លានដុល្លារ ខូចត្រូវជួសជុលឡើងវិញ
ផែបណ្ដែតទឹក ដែលជាផ្លូវនាំយកជំនួយមនុស្សធម៌ចូលក្នុងតំបន់ហ្គាហ្សា នឹងត្រូវដកចេញជាបណ្ដោះអាសន្ន ដើម្បីយកទៅជួសជុល ក្រោយពីរងការខូចខាតដោយសាររលកសមុទ្រ និងកត្តាអាកាសធាតុមិនអំណោយផល។ នេះបើយោងតាមសេចក្ដីប្រកាសរបស់មន្ទីរបញ្ចកោណអាមេរិក កាលពីថ្ងៃទី២៨ ខែឧសភា ឆ្នាំ២០២៤។
លោកស្រី Sabrina Singh អ្នកនាំពាក្យមន្ទីរបញ្ចកោណ បាននិយាយថា នៅត្រឹមថ្ងៃព្រហស្បតិ៍សប្ដាហ៍នេះ បណ្ដុំផែបណ្ដែតទឹកទាំងអស់នឹងត្រូវដកចេញ ហើយបញ្ជូនទៅកាន់ទីក្រុង Ashdod ស្ថិតនៅភាគខាងត្បូងប្រទេសអ៊ីស្រាអ៊ែល ដើម្បីឲ្យបញ្ជាការកណ្ដាលអាមេរិកនៅទីនោះធ្វើការជួសជុល។ ដំណើរការជួសជុលឡើងវិញនេះ នឹងចំណាយពេលយ៉ាងហោចណាស់ក៏ជាង១សប្ដាហ៍ទើបរួច។
ផែបណ្ដែតទឹកអាមេរិកនេះ គឺជាមធ្យោបាយមួយក្នុងចំណោមវិធីប៉ុន្មានទៀត ដែលអាចពាំនាំជំនួយមានដូចជា អាហារ ទឹក និងសម្ភារៈផ្គត់ផ្គង់ចាំបាច់ ចូលទៅឲ្យប្រជាជនប៉ាឡេស្ទីន ដែលអង្គការសហប្រជាជាតិនិយាយថា ពួកគេកំពុងស្ថិតនៅក្នុងស្ថានភាពអត់ឃ្លានរយៈពេលជិត៨ខែកន្លងមកនេះ បន្ទាប់ពីសង្គ្រាមរវាងអ៊ីស្រាអ៊ែល និងក្រុមហាម៉ាស នៅតំបន់ហ្គាហ្សា។
អាមេរិកបានចំណាយប្រាក់អស់ប្រមាណ ៣២០លានដុល្លារ ក្នុងការសាងសង់ផែបណ្ដែតទឹកនេះឡើង ហើយបើគិតមកទល់នឹងពេលនេះ ប្រតិបត្តិការរបស់វាធ្វើឡើងបានត្រឹមតែ២សប្ដាហ៍ប៉ុណ្ណោះ ក៏ត្រូវជួបប្រទះនឹងបញ្ហាជាច្រើនបង្កឲ្យសមាជិកយោធាអាមេរិក៣នាក់រងរបួស និងនាវា៤គ្រឿងត្រូវរលកធំៗបក់បោកទើរចូលក្នុងឆ្នេរសមុទ្រវិញ។
ទន្ទឹមនោះ ការដឹកជញ្ជូនតាមផែបណ្ដែតទឹកនេះត្រូវផ្អាករយៈពេល២ថ្ងៃ កាលពីសប្ដាហ៍មុន ក្រោយការមានការសម្រុកចូលច្រើនពេកនៃរថយន្តដឹកជំនួយ និងករណីមានបុរសប៉ាឡេស្ទីនម្នាក់ត្រូវបានបាញ់សម្លាប់។ បន្ទាប់ពីហេតុការណ៍នេះ យោធាអាមេរិក និងអង្គការ UN ព្រមទាំងមន្ត្រីអ៊ីស្រាអ៊ែល បានពិភាក្សាគ្នាស្វែងរកវិធីដឹកជំនួយផ្សេងទៀតចូលក្នុងតំបន់ហ្គាហ្សា។
សូមបញ្ជាក់ថា បើគិតត្រឹមថ្ងៃសុក្រសប្ដាហ៍មុន ជំនួយមនុស្សធម៌ជាង៨២០តោនត្រូវបានដឹកតាមរយៈផែបណ្ដែតទឹកអាមេរិកចូលក្នុងតំបន់ហ្គាហ្សា មុនការបង្អាក់ដោយកត្តាអាកាសធាតុ។ អាមេរិក សង្កត់ធ្ងន់ថា ជំនួយតាមផ្លូវទឹកនេះមិនអាចផ្គត់ផ្គង់គ្រប់គ្រាន់សម្រាប់ប្រជាជននៅហ្គាហ្សានោះទេ ពោលគឺសមត្ថភាពដឹកជំនួយអតិបរមា បានត្រឹមជួយដល់ប្រជាជន៥០ម៉ឺននាក់ប៉ុណ្ណោះ ក្នុងចំណោមប្រជាជនត្រូវការជំនួយសរុប ១,៨លាននាក់ឯណោះ។ ប្រការនេះហើយទើបអាមេរិក បានប្រកាសថា ប៉ុស្ដិ៍ត្រួតពិនិត្យរថយន្តដឹកជំនួយនៅតាមផ្លូវគោកគួរតែត្រូវដកចេញឲ្យអស់៕
ដោយ៖ ឈាង
អានបន្ថែម៖ អាមេរិក ដំឡើងផែបណ្ដែតទឹក ដឹកជំនួយចូលតំបន់ហ្គាហ្សា
ជំនួយជាង ៥០០តោន ដឹកតាមផែបណ្ដែតទឹកអាមេរិក ចូលទៅកាន់តំបន់ហ្គាហ្សា
មហាជនហួសចិត្តនឹងអ្នកលក់ផលិតផលម្នាក់ ក្រោយដេញពេទ្យឯកទេសរោគស្ត្រីទៅរៀនឡើងវិញ
តើអ្វីជាលក្ខណៈពិសេសនៃនាវាចម្បាំង USS Savannah (LCS 28) ដែលនឹងចូលចតនៅខេត្តព្រះសីហនុចាប់ពីថ្ងៃចន្ទ?
មនុស្សប្រមាណ២ពាន់នាក់ ចូលគ្នារត់ប្រណាំងប្រមូលថវិកាជូនអង្គការគ្រួសារថ្មី គាំទ្រការអប់រំជនមានពិការភាព
អតីតសហការីទណ្ឌិត សម រង្ស៊ី៖ ជនក្បត់ជាតិបីជំនាន់ សម រង្ស៊ី មិនស័ក្តិសមជាធ្វើជាអ្នកដឹកនាំប្រទេសទេ
អ្នកជំនាញយានយន្ត NPIC លើកទឹកចិត្តឱ្យនារីចូលសិក្សាជំនាញមេកានិកយានយន្តឱ្យបានច្រើនថែមទៀត ខណៈកំពុងមានតម្រូវការទីផ្សារខ្ពស់
មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ
វៀតណាមត្រូវការលុយ ១៤ ប៊ីលានដុល្លារ ដើម្បីសាងសង់ស្ថានីយសាកថ្ម EV ទូទាំងប្រទេស
ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម
កម្ពុជារកចំណូលបានជាង១ពាន់លានដុល្លារពីពាណិជ្ជកម្មតាមប្រព័ន្ធអេឡិចត្រូនិកនៅឆ្នាំ២០២៤
ចំណូលរបស់រដ្ឋាករទឹកស្វយ័តក្រុងភ្នំពេញថយចុះតិចតូចនៅត្រីមាសទី៣
-
ព័ត៌មានអន្ដរជាតិ៥ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៧ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ