ព័ត៌មានអន្ដរជាតិ
ឥណ្ឌា ប្រកាសអាសន្ន ខណៈសីតុណ្ហភាព ឡើងដល់ចំណុចកំពូល
ត្បិតតែសីតុណ្ហភាពនៅប្រទេសមួយចំនួន បានថយចុះក៏ពិតមែន ប៉ុន្តែមន្ទីរអាកាសធាតុឥណ្ឌា បានចេញការប្រកាសអាសន្នពណ៌ក្រហម នៅភាគពាយព្យប្រទេស ដោយព្រមានអំពីរលកកម្តៅយ៉ាងធ្ងន់ធ្ងរជាទីបំផុត។
តាមការចុះផ្សាយរបស់ BBC កាលពីថ្ងៃពុធទី២៩ខែឧសភា, ការប្រកាសអាសន្ននេះ កើតឡើងមួយថ្ងៃ បន្ទាប់ពីរដ្ឋធានីដែលី ជួបប្រទះសីតុណ្ហភាពខ្ពស់បំផុតបំបែកកំណត់ត្រា ជិត៥០អង្សាសេ។
ស្របពេលជាមួយគ្នានោះ បើយោងតាមនាយកដ្ឋានឧតុនិយមឥណ្ឌាបានឲ្យដឹងថា ការប្រកាសអាសន្នពណ៌ក្រហម គឺព្រមានមនុស្សអំពីជំងឺដែលបណ្តាលមកពីកម្តៅនិងជំងឺដាច់សរសៃឈាមខួរក្បាល ហើយបានអំពាវនាវឲ្យមានការយកចិត្តទុកដាក់ចំពោះជនងាយរងគ្រោះ។
គ្រាន់តែចូលរដូវក្តៅឆ្នាំនេះភ្លាម ផ្នែកខ្លះនៃប្រទេសឥណ្ឌា បានជួបប្រទះសីតុណ្ហភាពខ្ពស់ជាងរដូវក្តៅរាល់ដងចន្លោះពី ៤.៥អង្សាសេ ទៅ ៦.៤អង្សាសេរួចទៅហើយ។ យ៉ាងណា រដ្ឋាភិបាលទីក្រុងញូវដែលី មិនទាន់បារម្ភខ្លាំងពេកទេ លុះដល់សប្តាហ៍នេះ សីតុណ្ហភាពជាមធ្យម បានហក់ឡើងខ្ពស់ជាងរាល់ដង ៦.៥អង្សាសេ ទើបសម្រេចចេញការប្រកាសអាសន្នតែម្តង។
កន្លែងរងគ្រោះខ្លាំងបំផុតដោយរលកកម្តៅគឺសង្កាត់ Mungeshpur និង Narela នៃទីក្រុងដែលី ដែលសីតុណ្ហភាពបានឈានដល់ ៤៩.៥អង្សាសេ កាលពីថ្ងៃអង្គារទី២៨ខែឧសភា។
ទន្ទឹមនោះ រដ្ឋាភិបាលក្នុងតំបន់នៃក្រុងដែលី ក៏បានរឹតត្បិតលើការផ្គត់ផ្គង់ទឹកផងដែរ ដោយសារតែកម្ដៅខ្លាំងពេក ព្រោះថា កម្រិតទឹកនៅក្នុងទន្លេ Yamuna ដែលជាប្រភពទឹកដ៏សំខាន់ គឺបានធ្លាក់ចុះទាបបំផុត។
សូមបញ្ជាក់ថា រដូវក្តៅឆ្នាំនេះ មនុស្សរាប់ពាន់លាននាក់នៅទូទាំងទ្វីបអាស៊ី រួមទាំងប្រទេសជិតខាងរបស់ឥណ្ឌាគឺ ប៉ាគីស្ថានផងដែរ បាននិងកំពុងជួបប្រទះនូវរដូវក្តៅឆេះខ្លោច ខណៈក្រុមអ្នកវិទ្យាសាស្ត្រអន្តរជាតិអះអាងថា ស្ថានភាពនឹងកាន់តែអាក្រក់ទៅៗដោយសារបម្រែបម្រួលអាកាសធាតុ បង្កឡើងដោយមនុស្សផ្ទាល់តែម្តង៕
អត្ថបទ៖ សុខ សុវណ្ណ
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ២ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ