ព័ត៌មានអន្ដរជាតិ
លោក Elon Musk អាចក្លាយជាទីប្រឹក្សានយោបាយ បើ ដូណាល់ ត្រាំ ឈ្នះឆ្នោត
លោក ដូណាល់ ត្រាំ កំពុងពិចារណាលើបេក្ខភាពរបស់លោក Elon Musk ឲ្យធ្វើជាទីប្រឹក្សាគោលនយោបាយ ប្រសិនបើគណបក្សសាធារណរដ្ឋរបស់លោក អាចឈ្នះការបោះឆ្នោតជាតិអាមេរិកនៅខែវិច្ឆិកាខាងមុខ។ នេះបើយោងតាមប្រភព ដែលបានបង្ហើបព័ត៌មានឲ្យកាសែត Wall Street Journal (WSJ) កាលពីថ្ងៃទី២៩ ខែឧសភា ឆ្នាំ២០២៤។
កាសែត WSJ បានផ្សាយថា លោក Musk ដែលជាប្រធានក្រុមហ៊ុន Tesla, ក្រុមហ៊ុន SpaceX និងបណ្ដាញសង្គម X បានជូនដំណឹងដល់លោក ដូណាល់ ត្រាំ ថាលោកកំពុងធ្វើយុទ្ធនាការពាក់ព័ន្ធនឹងគោលនយោបាយសន្តិសុខព្រំដែន និងសេដ្ឋកិច្ច ដែលមានគោលបំណងបញ្ចុះបញ្ចូលក្រុមអ្នកជំនួញលំដាប់ៗនៅអាមេរិក មិនឲ្យគាំទ្រលោក ចូ បៃឌិន ដែលជាបេក្ខភាពប្រជែងមកពីគណបក្សប្រជាធិបតេយ្យនោះទេ។ ក្នុងនោះដែរ លោក Musk ក៏បានលើកឡើងពីគម្រោងមូលនិធិប្រឆាំងការក្លែងបន្លំសន្លឹកឆ្នោតផងដែរ។
ពាក់ព័ន្ធនឹងការចុះផ្សាយនេះ តំណាងរបស់លោក ដូណាល់ ត្រាំ ក៏ដូចជាលោក Elon Musk មិនបានធ្វើការឆ្លើយតបណាមួយនៅឡើយទេ។ យ៉ាងណាមិញ បើតាមលោក Brian Hughes អ្នកនាំពាក្យយុទ្ធនាការបោះឆ្នោតរបស់គណបក្សសាធារណរដ្ឋ បានប្រាប់ថា មានតែលោក ត្រាំ នោះទេ ដែលមានសិទ្ធិសម្រេចរើសអ្នកណាឲ្យកាន់តួនាទីអ្វី នៅក្នុងអាណត្តិជាប្រធានាធិបតីរបស់លោក ប្រសិនបើជាលោកឈ្នះការបោះឆ្នោត។
គួររំឭកថា កាលពីខែមីនាកន្លងទៅ ក្រោយជំនួបជាមួយអតីតប្រធានាធិបតីអាមេរិកលោក ដូណាល់ ត្រាំ រួចមក, លោក Elon Musk បានលើកឡើងថា លោកនឹងមិនបរិច្ចាគប្រាក់ឲ្យលោក ត្រាំ ឬក៏លោក បៃឌិន នោះឡើយ។ ផ្ទុយទៅវិញ លោកនឹងប្រើអំណាចរបស់លោក ជួយលោក ត្រាំ ដើម្បីផ្ដួលលោក បៃឌិន តាមរយៈការផ្ដល់ការគាំទ្រពីបណ្ដាសម្ព័ន្ធមិត្តដ៏មានឥទ្ធិពលជាច្រើន។
មហាសេដ្ឋីវ័យ៥២ឆ្នាំរូបនេះ ធ្លាប់បានរិះគន់ជាសាធារណៈចំពោះគោលនយោបាយរបស់លោក ចូ បៃឌិន ប្រធានាធិបតីអាមេរិកនាពេលបច្ចុប្បន្ន ពាក់ព័ន្ធនឹងបញ្ហាអន្តោប្រវេសន៍ រថយន្តអគ្គិសនី និងការអនុវត្តពន្ធ ជាដើម៕
ដោយ៖ ឈាង
មនុស្ស៥៥នាក់ស្លាប់ក្នុងហេតុការណ៍រថយន្តក្រុងធ្លាក់ចូលជ្រោះនៅហ្គាតេម៉ាឡា
នេន ទុំ ដាក់ចំៗទៅអ្នកចាំតែរិះគន់ថា បើមិនចេះសាទរនឹងសមិទ្ធផលគេទេ គួរកុំធ្វើជាអ្នកដែលចាំតែជាន់ពន្លិច
ចៅសង្កាត់ស្ទឹងមានជ័យទី១៖ មួយរយៈនេះអ្នកជិះបញ្ចា្រសបានកាត់បន្ថយច្រើន តែនៅមានអ្នកជិះតាមឡានសារ៉ែន
ហុងកុងគ្រោងប្ដឹងទៅ WTO អំពីពន្ធរបស់សហរដ្ឋអាមេរិក
សម្ដេចតេជោ៖ បើហ៊ានធ្វើទង្វើផ្ទុយពីរដ្ឋធម្មនុញ្ញ និងគោលនយោបាយបក្ស ទោះកូនបង្កើតក៏ត្រូវដកដែរ
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
អង្គរក្សស្រីតាមស្អិតនាយករដ្ឋមន្ត្រី ថៃ ទៅ ចិនធ្លាប់បំបាក់ម្ចាស់ជើងឯកការ៉ាតេជប៉ុន ៥ រូប
អាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត
ករណីផ្សាយថាចោរប្លន់អ្នកសិល្បៈនៅខណ្ឌសែនសុខ៖ ស្នងការថាម្ចាស់ម៉ូតូយកម៉ូតូលក់ តែកុហកថាចោរប្លន់
ផ្អាកបណ្ដាញសង្គម អតីតស្វាមី និងម្តាយក្មេក តួ សាន់ឆាយ ក្រោយបំពាននិងរកលុយពីអ្នកស្លាប់
-
សន្តិសុខសង្គម១ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
ជីវិតកម្សាន្ដ១៩ ម៉ោង agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព