ព័ត៌មានអន្ដរជាតិ
ចិញ្ចឹមមិនអត់ប្រយោជន៍ទេ! សេកមួយក្បាលជួយម្ចាស់វាឲ្យរួចពីការស្លាប់
បុរសជនជាតិអូស្រ្តាលីម្នាក់និយាយថា គាត់អាចរួចផុតពីហេតុការណ៍ភ្លើងឆេះផ្ទះពេលយប់ជ្រៅ បន្ទាប់ពីសត្វសេកចិញ្ចឹមរបស់គាត់បានដាស់គាត់ឲ្យភ្ញាក់ពីដំណេក ។
លោក Anton Nguyen បានដេកលក់នៅពេលផ្ទះ ២ ជាន់របស់គាត់បានឆាបឆេះនៅទីក្រុង Brisbane រដ្ឋ Queensland នៅថ្ងៃពុធនេះ ។
លោកបានប្រាប់សារព័ត៌មាន ABC ថា “ខ្ញុំបានឮសម្លេងក្ដុងក្ដាំង ហើយសេករបស់ខ្ញុំឈ្មោះ Eric បានចាប់ផ្តើមស្រែកទើបធ្វើឲ្យខ្ញុំភ្ញាក់ឡើង ហើយខ្ញុំបានធុំក្លិនផ្សែង ។ ខ្ញុំបានចាប់ Eric ហើយបើកទ្វារ និងក្រឡេកមើលទៅខាងក្រោយផ្ទះ ហើយឃើញអណ្តាតភ្លើង ដូច្នេះខ្ញុំក៏ស្ទុះលោតចុះទៅជាន់ក្រោម” ។
នៅពេលដែលក្រុមពន្លត់អគ្គិភ័យបានមកដល់នៅម៉ោងប្រហែល ១ រំលងអធ្រាត្រ ផ្ទះនោះត្រូវបានលេបត្របាក់ដោយអណ្តាតភ្លើងទៅហើយ ខណៈដែលអ្នកពន្លត់អគ្គិភ័យ ៤ នាក់បានប្រើពេលមួយម៉ោងដើម្បីពន្លត់ភ្លើងនៅជាយក្រុង Kangaroo Point ។
លោក Nguyen ដែលរស់នៅក្នុងផ្ទះនោះតែម្នាក់ឯងបាននិយាយថា គាត់បានរត់គេចជាមួយបក្សី និងកាបូបលុយ ហើយមិនមានរងរបួសនោះទេ ។
លោក Cameron Thomas អធិការរងសេវាកម្មពន្លត់អគ្គិភ័យ និងសង្គ្រោះបន្ទាន់នៃរដ្ឋ Queensland បាននិយាយថា សេកពណ៌បៃតងបានស្រែកហៅលោក Anton Nguyen ម្តងហើយម្តងទៀតដើម្បីបង្កើនការជូនដំណឹង ។
លោកបាននិយាយថា “ក្នុងផ្ទះនោះក៏មានឧបករណ៍បឺតផ្សែងផងដែរ ប៉ុន្តែសត្វសេកនោះបានជូនដំណឹងមុនពេលឧបករណ៍បឺតផ្សែងបានធ្វើសកម្មភាព” ។
គួរបញ្ជាក់ថា មូលហេតុនៃការឆាបឆេះនេះគេមិនទាន់ដឹងនោះទេ ហើយនៅតែស្ថិតក្រោមការស៊ើបអង្កេតនៅឡើយ ៕
ប្រែសម្រួលដោយ ៖ ជីវ័ន្ត
ប្រភព ៖ BBC
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»