ព័ត៌មានអន្ដរជាតិ
ចិន៖ ឯករាជ្យភាពរបស់តៃវ៉ាន ស្មើនឹង “សង្គ្រាម”
ថ្លែងនៅក្នុងសន្និសីទសារព័ត៌មាននៅក្រុងប៉េកាំង កាលពីថ្ងៃទី៣០ ខែឧសភាកន្លងទៅ លោក Wu Qian អ្នកនាំពាក្យក្រសួងការពារជាតិចិន បានប្រកាសថា ការទទួលបានឯករាជ្យភាពរបស់តៃវ៉ាន់ មានន័យថា សង្គ្រាមនឹងផ្ទុះឡើង។ លោកសង្កត់ធ្ងន់ថា ការបង្រួបបង្រួមចិនតែមួយ គឺជានិន្នាការប្រវត្តិសាស្ត្រ ដែលមិនអាចកែប្រែបាននោះឡើយ។
ការលើកឡើងរបស់អ្នកនាំពាក្យរូបនេះ ធ្វើឡើងដោយសំដៅចំៗទៅលើសុន្ទរកថារបស់លោក Lai Ching-te ដែលជាប្រធានាធិបតីថ្មីទើបឡើងកាន់តំណែងនៅតៃវ៉ាន់។ លោកថា សម្ដីរបស់លោក Lai គឺជាការសារភាពបង្ហាញពីបំណងចង់ទាមទារឯករាជ្យឲ្យតៃវ៉ាន់ តាមរយៈការប្រើកម្លាំងយោធា និងការពឹងផ្អែកលើកងកម្លាំងពីអន្តរជាតិ។ លោកបន្តថា កងទ័ពរំដោះប្រជាជនចិន ជំទាស់ដាច់អហិង្កានឹងគោលបំណងនេះ ហើយនឹងចាត់វិធានការប្រឆាំងយ៉ាងខ្លាំងក្លា។
លោក Wu Qian បានបន្ថែមថា តៃវ៉ាន់គឺជាអធិបតេយ្យភាពរបស់ចិន ចាប់តាំងពីបុរាណកាលមកម៉្លេះ ដែលនេះគឺជាមូលដ្ឋានគាំទ្រផ្នែកនីតិសាស្ត្រ និងប្រវត្តិសាស្ត្រយ៉ាងច្បាស់លាស់ ជាពិសេសគឺតាមរយៈសេចក្ដីថ្លែងការណ៍ទីក្រុងគែរឆ្នាំ១៩៤៣ និងសេចក្ដីប្រកាស Postsdam Proclamation ឆ្នាំ១៩៤៥ ដែលបានបញ្ជាក់ថា កោះតៃវ៉ាន់ជាទឹកដីរបស់ចិន តែត្រូវបានលួចយកដោយប្រទេសជប៉ុន ហើយគួរតែប្រគល់មកឲ្យប្រទេសចិនវិញ។
សូមបញ្ជាក់ថា ទំនាក់ទំនងរវាងចិន-តៃវ៉ាន បានឃ្លាតឆ្ងាយពីគ្នាចាប់តាំងពីឆ្នាំ២០១៦ នៅក្រោយពេលលោកស្រី Tsai Ing-wen ឡើងកាន់តំណែងជាមេដឹកនាំថ្មីនៅតៃវ៉ាន់ ដែលកាលណោះលោកស្រីបានសន្យាប្ដេជ្ញានឹងការពារអធិបតេយ្យភាពរបស់ដែនកោះមួយនេះ។
ចិន បានអះអាងថា តៃវ៉ាន់គឺជាខេត្តដែលនៅដាច់ឆ្ងាយមួយរបស់ខ្លួន តែចំពោះតៃវ៉ាន់វិញបានបដិសេធ ហើយទាមទារឲ្យមានឯករាជ្យភាពចាប់តាំងពីឆ្នាំ១៩៤៩ ដោយបង្កើតទំនាក់ទំនងការទូតជាមួយតំបន់ និងប្រទេសយ៉ាងហោចណាស់ចំនួន ១៤។
ជាការកត់សម្គាល់ កំឡុងពេល៤ឆ្នាំចុងក្រោយ យោធាចិនតែងបង្កើនសកម្មភាពរបស់ខ្លួននៅក្បែរកោះតៃវ៉ាន់ជានិច្ច ដូចជា ការបញ្ជូនយន្តហោះចម្បាំងហោះរំលងខ្សែបន្ទាត់ព្រំដែនច្រកសមុទ្រតៃវ៉ាន់ ជាដើម។ បន្ទាត់ព្រំដែនច្រកសមុទ្រនេះ មិនត្រូវបានចិនទទួលស្គាល់នោះឡើយ។ ចិន ដែលតែងចាត់ទុកតៃវ៉ាន់ជាអធិបតេយ្យភាពរបស់ខ្លួន មានការមិនពេញចិត្តជាខ្លាំងចំពោះលោក Lai Ching-te ដែលជាប្រធានាធិបតីជាប់ឆ្នោតថ្មី ហើយជឿជាក់ថា លោកគឺជាជនផ្ដាច់ខ្លួននិយម និងតែងតែជំទាស់នឹងសកម្មភាពរបស់ចិន។
មិនខុសពីលោកស្រី Tsai Ing-wen ដែលជាប្រធានាធិបតីទើបអស់អាណត្តិ លោក Lai ក៏នៅរក្សាជំហរបដិសេធផងដែរនូវការអះអាងរបស់ចិន ដែលចង់បានតៃវ៉ាន់ទៅកាន់កាប់។ លោក Lai ថា មានតែប្រជាពលរដ្ឋតៃវ៉ាន់ប៉ុណ្ណោះដែលអាចសម្រេចជោគវាសនាខ្លួនឯងបាន៕
ដោយ៖ ឈាង
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
សម្ដេចតេជោ ស្នើឱ្យរដ្ឋាភិបាល ព្រឹទ្ធសភា រដ្ឋសភា តុលាការ មន្ត្រី កងកម្លាំង ងាកមកបង្កើតក្រុមក្នុង Cool App ដើម្បីសន្តិសុខជាតិ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២១ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ