ព័ត៌មានអន្ដរជាតិ
អ៊ីស្រាអែល បើកឲ្យលក់អាហារនៅតំបន់ហ្គាហ្សាឡើងវិញ ក្រោយការវាយប្រហាររារាំងជំនួយអន្តរជាតិ
យោធាអ៊ីស្រាអែលបានបើកឲ្យមានការលក់អាហារអ៊ីស្រាអែលនៅក្នុងតំបន់ហ្គាហ្សា និងតំបន់ West Bank ដែលខ្លួនកំពុងកាន់កាប់សាជាថ្មី ខណៈដែលការវាយលុកក្នុងសមរភូមិរបស់អ៉ីស្រាអែលបានរារាំងជំនួយអន្តរជាតិ ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Reuters នៅថ្ងៃទី៣១ ខែឧសភានេះ ។
ប្រជាជនប៉ាឡេស្ទីនបានឲ្យដឹងថា អាជ្ញាធរអ៊ីស្រាអែលបានផ្តល់ភ្លើងខៀវដល់ពាណិជ្ជករដើម្បីបើកលក់អាហារអ៊ីស្រាអែលឡើងវិញដូចជា ផ្លែឈើស្រស់ បន្លែ និងផលិតផលទឹកដោះគោនៅក្នុងខែនេះពោលប៉ុន្មានថ្ងៃ បន្ទាប់ពីកងកម្លាំងអ៊ីស្រាអែលបានបើកការវាយលុកទៅលើទីក្រុង Rafah ដែលជាច្រកសំខាន់ចូលទៅក្នុងតំបន់ហ្គាហ្សាពីប្រទេសអេហ្ស៊ីប ខណៈអ៊ីស្រាអែលក៏កំពុងស្ថិតនៅក្រោមសម្ពាធពិភពលោកកាន់តែខ្លាំងឡើងដើម្បីឲ្យមានការបន្ធូរបន្ថយវិបត្តិនេះ ចំពេលភ្នាក់ងារមនុស្សធម៌ព្រមានពីទុរ្ភិក្សធ្ងន់ធ្ងរ ។
បន្ទាប់ពីការអនុញ្ញាតិនេះមានរថយន្តចំនួន ១២៧ គ្រឿងដែលដឹកផ្លែឪឡឹក ក្រូចឆ្មា ស៊ុត និងទឹកដោះគោ ព្រមទាំងគ្រឿងទេស អង្ករ គ្រាប់ធញ្ញជាតិ ស្ករ និងរបស់ផ្សេងទៀតហើយនោះ ក៏មានការបញ្ជាទិញដោយអ្នកលក់នៅហ្គាហ្សា និងតំបន់ West Bank ផងដែរ ។ ទោះបីជាយ៉ាងណា គ្មានទំនិញឥតគិតថ្លៃ ឬអំណោយសប្បុរសធម៌ត្រូវបានអនុញ្ញាតពី West Bank ឬអ៊ីស្រាអែលនោះទេ ពោលមានតែផលិតផលសម្រាប់លក់ប៉ុណ្ណោះ ។
ទាក់ទងនឹងតម្លៃលក់វិញក៏មិនធូរថ្លៃនោះដែរ ដោយសាររថយន្តដឹកទំនិញត្រូវចំណាយពេលយូរ រង់ចាំការត្រួតពិនិត្យ ហើយជួនកាលត្រូវបានវាយឆ្មក់ដោយជនជាតិអ៊ីស្រាអែលដែលតវ៉ានឹងការនាំចូលទំនិញទៅកាន់តំបន់ហ្គាហ្សា ។ យ៉ាងណាក៏ការអនុញ្ញាតឲ្យវិស័យឯកជននាំយកអាហារមួយចំនួនចូលទៅក្នុងតំបន់នេះ ហើយក៏ជាផ្នែកមួយនៃកិច្ចខិតខំប្រឹងប្រែងដើម្បីបង្កើនបរិមាណអាហារទៅដល់ប្រជាជនប៉ាឡេស្ទីនផងដែរ ។
គួរបញ្ជាក់ថា នេះគឺជាលើកទីមួយហើយដែលទំនិញផលិតក្នុងប្រទេសអ៊ីស្រាអែល ឬតំបន់ West Bank ដែលជាទឹកដីប៉ាឡេស្ទីនកាន់កាប់ដោយអ៊ីស្រាអែល ត្រូវបានអនុញ្ញាតឲ្យចូលទៅក្នុងតំបន់ហ្គាហ្សា ចាប់តាំងពីសង្រ្គាមបានផ្ទុះឡើងក្នុងខែតុលាឆ្នាំមុន ៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា