ព័ត៌មានអន្ដរជាតិ
ស្រីលង្កា ចាត់វិធានការឈប់ឲ្យប្រជាជនចាញ់បោកគេ យកទៅធ្វើសង្គ្រាមនៅរុស្ស៊ី
រដ្ឋាភិបាលស្រីលង្កា នឹងចាត់វិធានការរឹតបន្តឹង ដើម្បីបញ្ឈប់ប្រជាជនរបស់ខ្លួនកុំឲ្យចាញ់ល្បួងរបស់គេយកទៅធ្វើជាទ័ពនៅរុស្ស៊ី ក្នុងសង្គ្រាមប្រយុទ្ធជាមួយអ៊ុយក្រែន។ នេះបើយោងតាមការប្រកាសរបស់ក្រសួងការបរទេសស្រីលង្កា កាលពីថ្ងៃទី៣១ ខែឧសភាកន្លងទៅ។
រដ្ឋមន្ត្រីការបរទេស លោក Tharak Balasuriya បានប្រាប់ថា ស្រីលង្កា នឹងបញ្ជូនគណៈប្រតិភូទៅក្រុងម៉ូស្គូ នៅក្នុងខែមិថុនានេះ ដើម្បីរំដោះប្រជាជនស្រីលង្កាត្រឡប់មកវិញ ក្រោយពីពួកគេបានចាញ់បោកការបញ្ចុះបញ្ចូលមិនពិតឲ្យទៅធ្វើសង្គ្រាម ដើម្បីជាថ្នូរមកវិញនូវប្រាក់ខែ ការធ្វើវីសា និងអត្ថប្រយោជន៍ជាច្រើនទៀត។ លោករដ្ឋមន្ត្រី បន្តថា ការរឹតបន្តឹងថ្មីនេះ នឹងតម្រូវឲ្យបុរសៗជាពលរដ្ឋស្រីលង្កាត្រូវស្នើសុំលិខិតអនុញ្ញាតជាមុនសិនពីក្រសួងការពារជាតិ នៅពេលពួកគេចង់ដាក់វីសាចេញទៅប្រទេសរុស្ស៊ី។
លោក Balasuriya បានបន្ថែមថា “ខ្ញុំទទួលបានទូរសព្ទប្រមាណ១០ដងក្នុង១ថ្ងៃពីប្រជាជន ពាក់ព័ន្ធនឹងបញ្ហានេះ។ យើងមានរបាយការណ៍អំពីប្រជាជនដែលត្រូវបានគេសន្យាថានឹងឲ្យប្រាក់ពួកគេ ប៉ុន្តែបែរជាមិនឃើញលុយលោតចូលអាខោនពួកគេសោះឡើយ។ ប្រជាជនខ្លះបានខ្ចីលុយគេដើម្បីទៅ ហើយមិនអាចសងលុយគេវិញបាន។ ពួកគេកំពុងប្រឈមភាពលំបាកជាច្រើន ហើយយើងចង់រកវិធីនាំពួកគេមកវិញ”។
លោក Balasuriya បានប្រាប់ទៀតថា បច្ចុប្បន្ន មានបណ្ដឹងចំនួន៤៥៥ករណីហើយ ពាក់ព័ន្ធនឹងការបោកឲ្យទៅធ្វើទ័ពនៅរុស្ស៊ី។ លោកថា តួលេខពិតប្រាកដអាចមានច្រើនជាងនេះទៅទៀត។
ទាក់ទិននឹងបញ្ហាខាងលើ លោក Levan S. Dzhagaryan អគ្គរដ្ឋទូតរុស្ស៊ីនៅស្រីលង្កា ធ្លាប់បានប្រកាសតាមសន្និសីទកាសែតកាលពីថ្ងៃទី៣០ឧសភាថា ទូតរបស់លោកនឹងសហការជាមួយរដ្ឋាភិបាលស្រីលង្កា ក្នុងការបញ្ឈប់ប្រជាជនឲ្យធ្វើដំណើរទៅរុស្ស៊ីដោយខុសច្បាប់។ មន្ត្រីរុស្ស៊ីរូបនេះ បានបញ្ជាក់ថា ការកេណ្ឌទ័ពពីស្រីលង្កា គឺមិនជាប់ពាក់ព័ន្ធនឹងរដ្ឋាភិបាលក្រុងម៉ូស្គូនោះឡើយ។
បើតាមក្រសួងការពារជាតិស្រីលង្កា ការបោកបញ្ជោតឲ្យចូលច្បាំងនៅរុស្ស៊ី ធ្វើឡើងតាមការផ្សព្វផ្សាយនៅលើប្រព័ន្ធបណ្ដាញសង្គម WhatsApp ហើយគោលបំណងធំគឺដាក់គោលដៅលើអតីតយោធាស្រីលង្កា។ ក្រសួងការពារជាតិស្រីលង្កា បន្តថា យ៉ាងហោចណាស់ពលរដ្ឋស្រីលង្កាចំនួន ៣៧នាក់បានរងរបួសនៅអ៊ុយក្រែន ខណៈ១៦នាក់ទៀតកំពុងបាត់ខ្លួន៕
ដោយ៖ ឈាង
អគ្គស្នងការរង ណែនាំឱ្យបង្ក្រាបការផ្សាយល្បែងអនឡាញគ្រប់ប្រភេទតាមសារតាមទូរស័ព្ទ និងបណ្ដាញសង្គម
លោក ឃួង ស្រេង សូមឱ្យពលរដ្ឋជឿជាក់លើការដឹកនាំរបស់សម្តេចតេជោ និងសម្ដេចធិបតី
អ្នកនាំពាក្យ៖ ធម្មនុញ្ញវិជ្ជាជីវៈសារព័ត៌មានកំពុងត្រូវបានអនុវត្តយ៉ាងពេញលេញសម្រាប់ការងារ និងតម្រូវការប្រចាំថ្ងៃ
វត្តព្រះពុទ្ធសាសនានៅថៃត្រូវគ្រូបរទេសបង្រៀនអង់គ្លេស ប្រែក្លាយជាការបង្រៀនទ្រឹស្តីសាសនាផ្សេង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
៦ខេត្តរបស់ថៃ នៅតែរងគ្រោះ ដោយទឹកជំនន់
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា