ព័ត៌មានអន្ដរជាតិ
រៀបការរួចមិនប៉ុន្មានថ្ងៃ បុរស ឥណ្ឌូណេស៊ី ម្នាក់ទើបដឹងថា ប្រពន្ធគឺជាប្រុសតែងកាយស្រី
យោងតាមសេចក្ដីរាយការណ៍ពីសារ 8days នៅថ្ងៃទី០១ ខែមិថុនា បានចុះផ្សាយថា បុរសឥណ្ឌូណេស៊ីវ័យ ២៦ឆ្នាំ ដែលត្រូវបានគេស្គាល់ថាឈ្មោះក្រៅថា AK បានណាត់ជួបជាមួយនារីម្នាក់ឈ្មោះ Adinda Kanza អស់រយៈពេលមួយឆ្នាំ មុនពេលពួកគេសម្រេចចិត្តចងចំណងអាពាហ៍ពិពាហ៍។
AK ដែលមកពី Naringgul ក្នុងកោះ Java ប្រទេសឥណ្ឌូណេស៊ីបានជួប Adinda អាយុ ២៦ ឆ្នាំតាមបណ្តាញសង្គមក្នុងឆ្នាំ ២០២៣។ ពីការជួបគ្នាលើកដំបូងរបស់ពួកគេ Adinda ដែលអះអាងថាជាអ្នកកាន់សាសនាឥស្លាម បានពាក់ niqab (ស្បៃមុខ) ដើម្បីគ្របក្បាល និងមុខរបស់នាង។ AK បានសន្មត់ថា វាជាវិធីរបស់នាងក្នុងការបង្ហាញពីការលះបង់ខាងសាសនារបស់នាង ហើយមិនមានបញ្ហាជាមួយវាទេ។
ក្រោយមក គូស្នេហ៍មួយគូនេះបានរៀបការក្នុងពិធីដ៏សមរម្យមួយនៅឯគេហដ្ឋានរបស់ AK កាលពីខែមេសាឆ្នាំនេះ ហើយគ្មានសាច់ញាតិណាម្នាក់មកពីខាង Adinda បានចូលរួមនោះទេ ខណៈដែលនាងអះអាងថាមិនមានសមាជិកគ្រួសារ។ ក្នុងនោះ AK មានការសង្ស័យប្រពន្ធគាត់ភ្លាមៗបន្ទាប់ពីរៀបការ ខណៈនាងបដិសេធមិនទាក់ទងជាមួយក្រុមគ្រួសារគាត់ ហើយពាក់ស្បៃមុខនៅផ្ទះគ្រប់ពេល។
លើសពីនេះ ភរិយារបស់លោក ក៏តែងតែចៀសវាងភាពស្និទ្ធស្នាលខាងរាងកាយ ដោយអះអាងថានាងមករដូវ ឬមានអារម្មណ៍មិនស្រួលខ្លួន។ ដោយដឹងថាមានអ្វីខុស AK បានសម្រេចចិត្តតាមដានអាសយដ្ឋានគ្រួសារ Adinda ហើយដឹងថា នាងមិនមែនជាក្មេងកំព្រាដូចដែលនាងបានអះអាងនោះទេ។
អ្វីដែលកាន់តែភ្ញាក់ផ្អើលបំផុតក្នុងនាំលោកជាស្វាមី ពេលនោះឪពុកម្តាយរបស់ Adinda បានប្រាប់ AK ថា តាមពិតទៅប្រពន្ធរបស់គាត់គឺជាបុរសម្នាក់ឈ្មោះ ESH ហើយគាត់បានស្លៀកពាក់ជានារីតាំងពីឆ្នាំ ២០២០មកម៉្លេះ។ ពួកគេមិនបានដឹងអំពី AK និងទំនាក់ទំនងរបស់គាត់ជាមួយកូនប្រុសគេទេ។
នៅទីបំផុត AK បានដាក់របាយការណ៍ប៉ូលិសប្ដឹងភរិយា ESH ។ ក្រោយមក ESH បានសារភាពចំពោះប៉ូលិសថាគាត់បានរៀបការជាមួយ AK ដើម្បីលួចទ្រព្យសម្បត្តិគ្រួសារស្វាមីតែប៉ុណ្ណោះ។
យ៉ាងណាមិញ ប៉ូលិសបានកត់សម្គាល់ថា ESH អាចបន្តការបោកប្រាស់អស់រយៈពេលជាងមួយឆ្នាំ ខណៈដែលគាត់មើលទៅដូចជាមនុស្សស្រីនៅពេលតុបតែងមុខ ហើយមានសំលេងសុភាពរាបសារទន់ភ្លន់ដូចមនុស្សស្រី។ ចាប់តាំងពីពេលនោះមក ESH ត្រូវបានចាប់ខ្លួន ហើយត្រូវបានគេនិយាយថា កំពុងប្រឈមមុខនឹងការចោទប្រកាន់ពីការក្លែងបន្លំដែលអាចឲ្យគាត់ជាប់គុករហូតដល់ ៤ ឆ្នាំឯណោះ៕
អត្ថបទ៖ សាង ស្រីល័ក្ខ
ចុចអាន៖បុរស ចិន ម្នាក់ ត្រូវក្រុមហ៊ុនបណ្តេញចេញពីការងារ ដោយសារទម្លាប់ចូលបន្ទប់ទឹកយូរៗ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?