ព័ត៌មានអន្ដរជាតិ
ម៉ិកស៊ិក ទទួលបានប្រធានាធិបតីជាស្រ្តី ទី១ ក្នុងប្រវត្តិសាស្រ្ត
CNN រាយការណ៍នៅថ្ងៃចន្ទទី៣ខែមិថុនា លោកស្រី Claudia Sheinbaum បានជាប់ឆ្នោតជាប្រធានាធិបតីស្ត្រីដំបូងគេរបស់ប្រទេសម៉ិកស៊ិក បន្ទាប់ពីទទួលជោគជ័យជាមួយសំឡេងគាំទ្រភ្លូកទឹកភ្លូកដី ជាប្រវត្តិសាស្រ្ត។

យោងតាមអាជ្ញាធររៀបចំការបោះឆ្នោតផ្លូវការរបស់ប្រទេសម៉ិកស៊ិក, លទ្ធផលបឋមបង្ហាញថា អតីតអភិបាលក្រុងម៉ិកស៊ីកូវ័យ៦១ឆ្នាំរូបនេះបានឈ្នះឆ្នោតក្នុងសំឡេងពី ៥៨% ទៅ ៦០%។ តួលេខនេះនាំឲ្យលោកស្រីឈ្នះដាច់គូប្រជែងដ៏ធំគឺអ្នកជំនួញឈ្មោះ Xóchitl Gálvez ដល់ទៅ៣០%ឯណោះ។
ក្នុងសុន្ទរកថាជ័យជម្នះនៅទីលាន Zócalo ក្នុងទីក្រុង ម៉ិកស៊ីកូ អតីតអ្នកវិទ្យាសាស្ត្រថាមពលរូបនេះ បាននិយាយទៅកាន់អ្នកគាំទ្រថា “ខ្ញុំនឹងមិនធ្វើឲ្យអ្នកខកចិត្តឡើយ ហើយខ្ញុំនឹងបន្តជំរុញលើវឌ្ឍនភាព ដែលអ្នកកាន់តំណែងមុន ខិតខំកសាងឡើងយ៉ាងលំបាក”។

សូមបញ្ជាក់ថា ក្នុងឆ្នាំ២០១៨ លោកស្រីបានក្លាយជាអភិបាលក្រុងម៉ិកស៊ីកូ ភេទស្ត្រីដំបូងគេហើយកាន់មុខតំណែងនេះរហូតដល់ឆ្នាំ២០២៣ ពេលដែលលោកស្រីសុខចិត្តចុះចេញពីតំណែង ដើម្បីឈរឈ្មោះជាប្រធានាធិបតី។
ក្រោយជាប់ឆ្នោត លោកស្រី Sheinbaum នឹងឡើងតំណែង ជំនួសលោក Andrés Manuel López Obrador ដែលត្រូវផុតអាណត្តិនៅថ្ងៃទី១ខែតុលា ខាងមុខ៕
អត្ថបទ៖ សុខ សុវណ្ណ
ចុចអាន៖ បាក់ឆាកឃោសនាបោះឆ្នោតប្រធានាធិបតីម៉ិកស៊ិក ស្លាប់មនុស្ស ៩នាក់

-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?