ព័ត៌មានអន្ដរជាតិ
កូរ៉េខាងត្បូង ត្រៀមផ្អាកកិច្ចព្រមព្រៀងយោធាជាមួយកូរ៉េខាងជើង ព្រោះរឿងបង្ហោះប៉េងប៉ោងសំរាម
ការិយាល័យប្រធានាធិបតីកូរ៉េខាងត្បូង បានឲ្យដឹងនៅថ្ងៃទី៣ ខែមិថុនា នេះថា រដ្ឋាភិបាលក្រុងសេអ៊ូល នឹងផ្អាកកិច្ចព្រមព្រៀងយោធា ដែលបានចុះហត្ថលេខាជាមួយកូរ៉េខាងជើង ក្នុងគោលបំណងកាត់បន្ថយភាពតានតឹង កាលពីឆ្នាំ២០១៨កន្លងទៅ។ គម្រោងផ្អាកនេះ ធ្វើឡើងក្រោយមានកើតករណីបង្ហោះប៉េងប៉ោងមានភ្ជាប់ជាមួយសំរាម ចូលទៅក្នុងទឹកដីកូរ៉េខាងត្បូង ជិត១សប្ដាហ៍កន្លងមកនេះ។
កូរ៉េខាងជើង បានបាញ់បង្ហោះប៉េងប៉ោងរាប់ម៉ឺនតាមខ្យល់ឆ្លងកាត់ព្រំដែន ដើម្បីទម្លាក់សំរាមឲ្យធ្លាក់ពាសពេញប្រទេសកូរ៉េខាងត្បូង។ ក្រុងសេអ៊ូល បានហៅទង្វើនេះថាជាការបង្ករឿង និងច្រានចោលការអះអាងរបស់កូរ៉េខាងជើង ដែលថា សកម្មជនកូរ៉េខាងត្បូងជាអ្នកបាញ់បង្ហោះប៉េងប៉ោងរំខានមុន។
ក្រុមប្រឹក្សាសន្ដិសុខជាតិកូរ៉េខាងត្បូង បានលើកឡើងថា ខ្លួននឹងលើកយកគម្រោងផ្អាកកិច្ចព្រមព្រៀងយោធានេះសម្រាប់ការអនុម័តដោយគណៈរដ្ឋមន្ត្រី នៅក្នុងការប្រជុំនៅថ្ងៃទី៤ ខែមិថុនា ស្អែកនេះ។
ការផ្អាកកិច្ចព្រមព្រៀងយោធា នឹងត្រួសត្រាយផ្លូវសម្រាប់កូរ៉េខាងត្បូង ក្នុងការធ្វើសមយុទ្ធនៅជិតព្រំដែនយោធាជាមួយកូរ៉េខាងជើង ហើយអាចត្រៀមចាត់វិធានការឲ្យបានគ្រប់គ្រាន់និងជាបន្ទាន់ ដើម្បីឆ្លើយតបនឹងការបង្ករឿងណាមួយដោយរដ្ឋាភិបាលក្រុងព្យុងយ៉ាង។
សូមបញ្ជាក់ថា គិតចាប់ពីយប់ថ្ងៃទី២៨ ខែឧសភា ដល់ព្រឹកថ្ងៃទី២ ខែមិថុនា កូរ៉េខាងជើង បានបង្ហោះសំរាមតាមរយៈប៉េងប៉ោងចំនួន ៣៥ ០០០ប៉េងប៉ោង ចូលកូរ៉េខាងត្បូង ហើយបើគិតជាទម្ងន់សំរាមស្មើនឹង ១៥តោន។ នៅលើប៉េងប៉ោងទាំងនោះមានខិត្តប័ណ្ណឃោសនាសរសើរពីរបបដឹកនាំដោយលោក គីម ជុងអ៊ុន ថង់ប្លាស្ទិកពោរពេញដោយសំរាម និងខ្លះទៀតជាលាមក។
កូរ៉េខាងជើង បាននិយាយថា ការបង្ហោះនេះ គឺជាការសងសឹកចំពោះយុទ្ធនាការឃោសនាដោយក្រុមអ្នករត់ចោលស្រុក និងសកម្មជនកូរ៉េខាងត្បូង តាមរយៈការបង្ហោះប៉េងប៉ោងចូលកូរ៉េខាងជើង ហើយនៅលើប៉េងប៉ោងមានខិត្តប័ណ្ណប្រឆាំងក្រុងព្យុងយ៉ាង ព្រមទាំងអាហារ ថ្នាំពេទ្យ ប្រាក់ និងបន្ទះ USB ផ្ទុកដោយភាពយន្ត និងវីដេអូចម្រៀង K-Pop៕
ដោយ៖ ឈាង
អានបន្ថែម៖ – កូរ៉េខាងជើង បង្ហោះប៉េងប៉ោងចងភ្ជាប់សំរាម និងលាមក ចូលកូរ៉េខាងត្បូង
– កូរ៉េខាងជើង នឹងឈប់បង្ហោះប៉េងប៉ោងចងភ្ជាប់សំរាម និងលាមក ចូលដីកូរ៉េខាងត្បូង
អាជ្ញាធរខេត្តកំពត ចែកប័ណ្ណកម្មសិទ្ធិដីធ្លី២៩០៩ប័ណ្ណ ជូនពលរដ្ឋរស់នៅក្នុងឃុំព្រៃទន្លេ ស្រុកបន្ទាយមាស
សមាគមសិល្បករខ្មែរ ស្នើឱ្យបញ្ឈប់នូវការលេងសើចជ្រុល នាំឱ្យប៉ះពាល់ធ្ងន់ធ្ងរផ្លូវចិត្ត និងសេចក្តីថ្លៃថ្នូរស្ត្រីខ្មែរ
តាមពិត ឆឹង ច័ន្ទមុនីរស្មី ជាម្ចាស់ផេក “ដើរលេង” និងជាតួឯកស្រីដ៏លេចធ្លោក្នុងភាពយន្តអប់រំខ្លី
ឥណ្ឌា គ្រោងរៀបចំទិវាម្ហូបអាហារ នៅតំបន់ផ្លូវថ្មើរជើងមុខវត្តឧណ្ណាលោម
ក្រសួងការងារ ត្រួតពិនិត្យការអនុវត្តកម្មវិធីបណ្តុះបណ្ដាលវិជ្ជាជីវៈខេត្តត្បូងឃ្មុំ ជាពិសេសកម្មវិធី TVET 1.5M
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
សភាអ៊ុយក្រែនចេញមុខស្នើសុំ ដូណាល់ ត្រាំបន្តជួយ និង«ចង់នៅឯករាជ្យ»
ប្រទេសមួយទៀតចេញមុខ គាំទ្រអង់គ្លេស ហើយចង់បញ្ជូនទ័ពទៅអ៊ុយក្រែន ធ្វើជាកងរក្សាសន្តិភាពដែរ
ពិធីករប្រដាល់ប្រើសម្ដីលែបខាយលើនារី, រដ្ឋមន្ត្រីមហាផ្ទៃ ថាជាទង្វើជ្រុលហួស ប៉ះពាល់តម្លៃស្ត្រី
អាមេរិក ចង់ឲ្យ Zelensky ចេញវីដេអូសុំទោស Trump ជាសាធារណៈ ទើបសុខចិត្ត
-
ព័ត៌មានអន្ដរជាតិ៧ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
សន្តិសុខសង្គម១ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានជាតិ៧ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម១ សប្តាហ៍ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ជីវិតកម្សាន្ដ១ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ២១ ម៉ោង agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៤ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ១ សប្តាហ៍ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ