ព័ត៌មានអន្ដរជាតិ
អាមេរិក ជំរុញឲ្យស្ដេចកាតា ដាក់សម្ពាធលើហាម៉ាស ដើម្បីទទួលយកបទឈប់បាញ់ពីអ៊ីស្រាអ៊ែល
ប្រធានាធិបតីអាមេរិកបានជំរុញឲ្យព្រះអង្គម្ចាស់ Tamim bin Hamad Al Thani ពិភាក្សាអំពីបទឈប់បាញ់ និងកិច្ចចរចាដោះលែងចំណាប់ខ្មាំងជាមួយក្រុមហាម៉ាស ដើម្បីបិទបញ្ចប់ជម្លោះនៅតំបន់ហ្គាហ្សា។ ការលើកឡើងរបស់លោក ចូ បៃឌិន ធ្វើឡើងនៅតាមរយៈការបង្ហោះសារនៅលើបណ្ដាញសង្គម X នៅព្រឹកថ្ងៃអង្គារ ទី៤ ខែមិថុនា នេះ។
នៅលើ X លោក ចូ បៃឌិន បានសរសេររៀបរាប់ថា “ខ្ញុំបាននិយាយជាមួយព្រះអង្គម្ចាស់ Amir Sheikh Tamim Bin Hamad Al-Thani នៃប្រទេសកាតា ដើម្បីពិភាក្សាធ្វើយ៉ាងណាឲ្យមានបទឈប់បាញ់ និងសំណើកិច្ចចរចាដោះលែងចំណាប់ខ្មាំង ដែលជាការបើកផ្លូវបញ្ចប់វិបត្តិនៅតំបន់ហ្គាហ្សា។ ខ្ញុំជំរុញឲ្យព្រះអង្គម្ចាស់ Amir Tamim ប្រើគ្រប់វិធានការសមរម្យ ដើម្បីធានាបាននូវការទទួលយកកិច្ចចរចាពីក្រុមហាម៉ាស ហើយអរគុណព្រះអង្គម្ចាស់ និងក្រុមការងាររបស់ទ្រង់ ចំពោះកិច្ចប្រឹងប្រែងដែលមិនចេះនឿយហត់ ក្នុងការធានាបាននូវការដោះលែងចំណាប់ខ្មាំងទាំងអស់នៅហ្គាហ្សា។ សហរដ្ឋអាមេរិក រួមគ្នាជាមួយអេហ្ស៊ីប និងកាតា នឹងធ្វើការធានាការអនុវត្តឲ្យបានពេញលេញចំពោះកិច្ចព្រមព្រៀងនេះ”។
កាលពីថ្ងៃសុក្រសប្ដាហ៍មុន លោក ចូ បៃឌិន បានប្រកាសពីសំណើថ្មីរបស់អ៊ីស្រាអ៊ែលស្ដីពីបទឈប់បាញ់ ដែលសំណើនេះត្រូវបានបញ្ជូនតាមរយៈរដ្ឋាភិបាលកាតាឲ្យទៅក្រុមហាម៉ាស។ ក្នុងសំណើ បានបញ្ជាក់ថា ជាដំណាក់កាលដំបូង មានរយៈពេល៦សប្ដាហ៍ ត្រូវអនុវត្តបទឈប់បាញ់ទាំងស្រុង ព្រមទាំងការដកកងកម្លាំងអ៊ីស្រាអ៊ែលពីតំបន់ប្រជុំជនហ្គាហ្សា។ បន្ថែមពីនេះ ត្រូវមានការដោះលែងចំណាប់ខ្មាំងមួយចំនួនដោយក្រុមហាម៉ាស ដែលមានដូចជា ស្ត្រី មនុស្សចាស់ និងអ្នករងរបួស ជាថ្នូរនឹងការដោះលែងជនជាតិប៉ាឡេស្ទីនរាប់ពាន់នាក់ដែលកំពុងជាប់ឃុំនៅអ៊ីស្រាអ៊ែល។
គួររំឭកថា កិច្ចចរចាផ្ទាល់រវាងអ៊ីស្រាអ៊ែល និងក្រុមហាម៉ាស ពាក់ព័ន្ធនឹងការដោះលែងចំណាប់ខ្មាំង ត្រូវបានផ្អាកកាលពី៣សប្ដាហ៍មុន ដោយសារតែការខ្វែងគំនិតគ្នាលើលក្ខខណ្ឌមួយចំនួន។
សូមបញ្ជាក់ថា ការវាយប្រហារនៅថ្ងៃទី៧ ខែតុលា ឆ្នាំ២០២៣ ដោយក្រុមហាម៉ាស នៅភាគខាងត្បូងប្រទេសអ៊ីស្រាអ៊ែល បានបណ្ដាលឲ្យមានមនុស្សស្លាប់ជាង ១ ១៧០នាក់ ក្នុងនោះភាគច្រើនគឺជាជនស៊ីវិល ហើយក៏មានការចាប់ចំណាប់ខ្មាំងចំនួន ២៥២នាក់ផងដែរ។ នេះបើយោងតាមរបាយការណ៍ចុះផ្សាយដោយសារព័ត៌មាន AFP។
ជាការសងសឹក ក្រុមយោធាអ៊ីស្រាអ៊ែល បានវាយបក និងសម្លាប់មនុស្សយ៉ាងហោចណាស់ ៣៥ ៩៨៤នាក់នៅតំបន់ហ្គាហ្សា ហើយភាគច្រើនគឺជាជនស៊ីវិល៕
ដោយ៖ ឈាង
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អភិបាលខេត្តស្វាយរៀងអរគុណសប្បុរសជនដែលធ្វើបុណ្យជាមួយការអប់រំ
ពលរដ្ឋមួយចំនួនចាត់ទុកការធ្វើបាតុកម្មនៅកូរ៉េជាការបំផ្លាញក្ដីសុខពលរដ្ឋ និងកិត្តិយសប្រទេសកម្ពុជា
ផ្ទះចំនួន ០៨ខ្នង ត្រូវបានបំផ្លាញដោយសារខ្យល់កន្រ្តាក់ នៅស្រុកសំពៅលូន
សម្ដេចធិបតី៖ កម្ពុជា-ចិននៅតែបន្តជំរុញការផ្សព្វផ្សាយវប្បធម៌ ប្រពៃណី និងវប្បធម៌ជាមួយគ្នាទៀត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ