ព័ត៌មានអន្ដរជាតិ
បទឈប់បាញ់៣ដំណាក់កាល របស់អាមេរិក សម្រាប់បិទបញ្ចប់សង្គ្រាមនៅហ្គាហ្សា មានអ្វីខ្លះ?
លោក ចូ បៃឌិន ប្រធានាធិបតីអាមេរិក កំពុងដាក់សម្ពាធលើមេដឹកនាំនៃគូបដិបក្ខជម្លោះក្នុងសង្គ្រាមអ៊ីស្រាអ៊ែល-ប៉ាឡេស្ទីន ដើម្បីឲ្យឈានទៅដល់ការចុះកិច្ចព្រមព្រៀងលើគម្រោងបទឈប់បាញ់៣ដំណាក់កាល ដែលបង្កើតឡើងនិងប្រកាសដោយសេតវិមាន កាលពីចុងខែឧសភាកន្លងទៅ។
សហរដ្ឋអាមេរិក បានជំរុញឲ្យក្រុមប្រឹក្សាសន្តិសុខអង្គការសហប្រជាជាតិ គាំទ្រគម្រោងបទឈប់បាញ់៣ដំណាក់កាល សម្រាប់ពន្លត់ភ្លើងសង្គ្រាមរយៈពេល៨ខែនៅតំបន់ហ្គាហ្សា ដោយក្នុងនោះមានគោលបំណងធំគឺ ដោះលែងរាល់ចំណាប់ខ្មាំងទាំងអស់ និងបញ្ជូនជំនួយក្នុងទ្រង់ទ្រាយធំ ដើម្បីស្ដារឡើងវិញនូវហេដ្ឋារចនាសម្ព័ន្ធនៅហ្គាហ្សា។
យោងតាមការចុះផ្សាយរបស់សារព័ត៌មាន AP នៅថ្ងៃទី៤ ខែមិថុនា ឆ្នាំ២០២៤ បានឲ្យដឹងថា បទឈប់បាញ់៣ដំណាក់កាល របស់អាមេរិក មានដូចជា៖
ដំណាក់កាលទី១ : បទឈប់បាញ់រយៈពេល៦សប្ដាហ៍
ដំណាក់កាលដំបូងនេះ ទាមទារឲ្យមានការឈប់បាញ់ទាំងស្រុង និងពេញលេញ រយៈពេល៦សប្ដាហ៍។ ក្នុងនោះ ក៏មានការទាមទារឲ្យមានការដកកងកម្លាំងអ៊ីស្រាអ៊ែលទាំងអស់ចេញពីតំបន់ប្រជុំជនហ្គាហ្សា ព្រមទាំងការដោះលែងនៃចំណាប់ខ្មាំងមួយចំនួន ដូចជា ស្ត្រី មនុស្សចាស់ និងអ្នករងរបួស ហើយនិងប្រជាជនអាមេរិកមួយចំនួនផងដែរ ដែលជាថ្នូរក្នុងការដោះលែងប្រជាជនប៉ាឡេស្ទីន ដែលកំពុងជាប់ឃុំនៅអ៊ីស្រាអ៊ែល។
នៅដំណាក់កាលទី១ នេះ លោក ចូ បៃឌិន ថា ជំនួយមនុស្សធម៌នឹងអាចដឹកចូលហ្គាហ្សាបានចំនួន ៦០០រថយន្ត ជារៀងរាល់ថ្ងៃ។ លោក បន្ថែមថា បទឈប់បាញ់ នឹងអាចបន្តទៀត ប្រសិនបើការចរចានៅដំណាក់កាលទី១នេះមានរយៈពេលវែងជាង៦សប្ដាហ៍ច្រើនជាងអ្វីដែលបានគ្រោងទុក។ សហរដ្ឋអាមេរិក អេហ្ស៊ីប និងកាតា នឹងសហការគ្នា ដើម្បីធានាឲ្យកិច្ចព្រមព្រៀងទាំងអស់បានសម្រេច។
ដំណាក់កាលទី២ : ការដោះលែងចំណាប់ខ្មាំងទាំងអស់ និងការដកទ័ពអ៊ីស្រាអ៊ែលចេញទាំងស្រុង
ក្នុងដំណាក់កាលទី២ ទាមទារឲ្យយោធាអ៊ីស្រាអ៊ែល ត្រូវដកទ័ពឲ្យអស់តែម្ដងពីហ្គាហ្សា ជាថ្នូរនឹងការដោះលែងចំណាប់ខ្មាំងដែលនៅរស់ ដូចជា ទាហានប្រុសៗ ជាដើម។ ប្រសិនបើហាម៉ាសគោរពតាមគ្រប់យ៉ាងដែលបានចែងនៅក្នុងគម្រោង នោះអ៊ីស្រាអ៊ែល នឹងយល់ព្រមបញ្ឈប់អរិភាពជាអចិន្ត្រៃយ៍ ដោយមានន័យថា សង្គ្រាម និងអំពើហិង្សានឹងត្រូវបញ្ចប់ជារៀងរហូត។
ដំណាក់កាលទី៣ : ការកសាងឡើងវិញនូវតំបន់ហ្គាហ្សា
ដំណាក់កាលចុងក្រោយ គឺជាការស្ដារឡើងវិញនូវទីក្រុងក្នុងតំបន់ហ្គាហ្សា ជាលក្ខណៈទ្រង់ទ្រាយធំ ដែលមានដូចជា ផ្ទះសម្បែងប្រជាជន សាលារៀន និងមន្ទីរពេទ្យ ដែលត្រូវបានបំផ្លាញដោយសង្គ្រាម។ បណ្ដាប្រទេសអារ៉ាប់ និងសហគមន៍អន្តរជាតិ នឹងចូលរួមក្នុងទប់ស្កាត់មិនឲ្យក្រុមហាម៉ាសធ្វើការវាយបកអ៊ីស្រាអ៊ែលជាថ្មីម្ដងទៀតនោះទេ។
សូមបញ្ជាក់ថា ការវាយប្រហារនៅថ្ងៃទី៧ ខែតុលា ឆ្នាំ២០២៣ ដោយក្រុមហាម៉ាស នៅភាគខាងត្បូងប្រទេសអ៊ីស្រាអ៊ែល បានបណ្ដាលឲ្យមានមនុស្សស្លាប់ជាង ១ ១៧០នាក់ ក្នុងនោះភាគច្រើនគឺជាជនស៊ីវិល ហើយក៏មានការចាប់ចំណាប់ខ្មាំងចំនួន ២៥២នាក់ផងដែរ។ នេះបើយោងតាមរបាយការណ៍ចុះផ្សាយដោយសារព័ត៌មាន AFP។
ជាការសងសឹក ក្រុមយោធាអ៊ីស្រាអ៊ែល បានវាយបក និងសម្លាប់មនុស្សយ៉ាងហោចណាស់ ៣៥ ៩៨៤នាក់នៅតំបន់ហ្គាហ្សា ហើយភាគច្រើនគឺជាជនស៊ីវិល៕
ដោយ៖ ឈាង
ព្រះសង្ឃ គង់ក្នុងវត្តទួលឃ្លាំង ចែកទានបន្តដល់ពលរដ្ឋកំពុងរងគ្រោះដោយទឹកជំនន់ នៅស្រុកកោះសូទិន
អាមេរិកមានកង្វល់រឿង ចិន រុស្ស៊ី និងអ៊ីរ៉ង់ប្រើបច្ចេកវិទ្យា AI ជ្រៀតចូលការបោះឆ្នោត
មន្ទីរសុខាភិបាលខេត្តក្រចេះ ត្រៀមរួចជាស្រេចដើម្បីអន្តរាគមន៍សង្គ្រោះពលរដ្ឋពេលទឹកជំនន់កើតឡើង
អនុគណៈកម្មការសុវត្ថិភាពចរាចរណ៍ផ្លូវគោកខេត្តសៀមរាប អំពាវនាវឱ្យពលរដ្ឋទាំងអស់គោរពច្បាប់ចរាចរណ៍ ដើម្បីកាត់បន្ថយគ្រោះថ្នាក់
លើកដំបូង! រុស្ស៊ី បាញ់មីស៊ីលល្បឿនលឿនជាងសំឡេង ៣គ្រាប់ វាយប្រហារ អ៊ុយក្រែន
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
រដ្ឋ Florida ជួបព្យុះសង្ឃរាកំណាច ប្រឈមហានិភ័យ បង្កគ្រោះមហន្តរាយធំធេង
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
Update ៖ អគ្គិភ័យឆេះឃ្លាំងស្តុកកង់អគ្គិសនីអស់ជិត ៤ ពាន់គ្រឿង ប្រើរថយន្តពន្លត់អគ្គិភ័យជិត ៣០ គ្រឿង
អាមេរិក ជូនរង្វាន់ ២០លានដុល្លារ បើអ្នកណាផ្តល់ព័ត៌មាន ឈានដល់ការចាប់ខ្លួន ជនជាតិអ៊ីរ៉ង់ម្នាក់
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ