ព័ត៌មានអន្ដរជាតិ
ប្រធានាធិបតីឥណ្ឌូណេស៊ី៖ ការសង់រដ្ឋធានីថ្មីនៅតែបន្ត ទោះប្រធានគម្រោងលាលែងពីតំណែង
លោក Joko Widodo បានប្រកាសប្រាប់សាធារណជននៅក្នុងប្រទេសថា គម្រោងរដ្ឋធានីថ្មីនៅតែបន្តធ្វើដូចដើម បើទោះជាមានការលាលែងពីតំណែងរបស់ប្រធានគម្រោងចំនួន២រូបក៏ដោយ។ ការប្រកាសរបស់ប្រធានាធិបតីឥណ្ឌូណេស៊ីរូបនេះ ធ្វើឡើងនៅថ្ងៃទី៤ ខែមិថុនា ក្នុងដំណើរទស្សនកិច្ចនៅកំផែទីក្រុង Balikpapan ដែលនៅកៀកក្បែរគម្រោងរដ្ឋធានីថ្មី Nusantara។
លោក Widodo បានសង្កត់ធ្ងន់ថា រដ្ឋធានីថ្មីនៅតែស្ថិតក្នុងដំណើរការអភិវឌ្ឍន៍ ហើយវានឹងក្លាយជារដ្ឋធានីចម្រុះដោយពណ៌បៃតងបំផុតជាងគេនៅលើពិភពលោក។ មេដឹកនាំវ័យ៦២ឆ្នាំរូបនេះ បានបញ្ជាក់ទៀតថា រដ្ឋធានី Nusantara នឹងពោរពេញទៅដោយបណ្ដុំអគារជាច្រើន ព្រមទាំងឧទ្យានធម្មជាតិលំហែកាយនៅក្នុងទីក្រុងផងដែរ។ លោកថា “ទីក្រុងនៃសុបិននាពេលអនាគត គឺជាទីក្រុងឆ្លាតវៃ ទីក្រុងពោរពេញទៅដោយការឆ្នៃប្រឌិត ហើយរស់រវើក”។
ការលើកឡើងរបស់លោក Widodo ធ្វើឡើង ដើម្បីជាការឆ្លើយតបនឹងដំណឹងកាលពីថ្ងៃទី៣ ខែមិថុនាកន្លងទៅ ពាក់ព័ន្ធនឹងការលាលែងតំណែងរបស់ប្រធាន និងអនុប្រធាននៃគម្រោងរដ្ឋធានីថ្មីរបស់ប្រទេសឥណ្ឌូណេស៊ី។
ក្រៅតែពីការប្រកាសនៅសុន្ទរកថា លោក Widodo ក៏បានបញ្ជាក់ម្ដងហើយម្ដងទៀតនៅលើបណ្ដាញសង្គម Instagram ផងដែរថា ការអភិវឌ្ឍនៃ Nusantara នឹងមិនបញ្ឈប់ទេ ដោយបន្តទៅតាមចក្ខុវិស័យរួមដែលបានបង្កើតឡើង។
សូមបញ្ជាក់ថា កាលពីថ្ងៃទី៣មិថុនា ការិយាល័យប្រធានាធិបតីឥណ្ឌូណេស៊ី បានប្រកាសថា លោក Widodo យល់ព្រមទទួលយកលិខិតលាលែងតំណែងរបស់លោក Bambang Susantono ប្រធានគម្រោង Ibu Kota Nusantara និងលោក Dhony Rahajoe ដែលជាអនុប្រធាន។ លោក Pratikno រដ្ឋលេខាធិការឥណ្ឌូណេស៊ី បានប្រាប់ថា ការលាឈប់នេះ ក៏ព្រោះតែលោក Widodo បានផ្ដល់មុខតំណែងថ្មីឲ្យលោក Bambang នៅក្នុងតួនាទីពង្រឹងកិច្ចសហប្រតិបត្តិការអន្តរជាតិ សម្រាប់ការកសាងរដ្ឋធានីថ្មី។ យ៉ាងណាមិញ ព័ត៌មានលម្អិតដែលថា លោក Bambang នឹងស្ថិតនៅក្នុងក្របខ័ណ្ឌក្រសួងណាមួយនៅមិនទាន់បង្ហើបឲ្យដឹងនោះឡើយ។
លោក Widodo បានតែងតាំងលោក Basuki Hadimuljono រដ្ឋមន្ត្រីក្រសួងការងារសាធារណៈ និងលំនៅដ្ឋាន ជាប្រធានថ្មីនៃគម្រោងរដ្ឋធានីថ្មី ខណៈដែលលោក Raja Juli Antoni អនុរដ្ឋមន្ត្រីក្រសួងផែនការ និងកសិកម្ម នឹងក្លាយជាអនុប្រធាន។
គួររំឭកថា Nusantara នឹងក្លាយជារដ្ឋធានីថ្មីជំនួសឲ្យរដ្ឋធានីចាកាតា នាពេលបច្ចុប្បន្ន ដែលគ្រោងនឹងចំណាយទុនវិនិយោគប្រមាណ ៣២ពាន់លានដុល្លារ លាតសន្ធឹងលើផ្ទៃដី ២៥៦០គីឡូម៉ែត្រការ៉េ ស្ថិតនៅភាគខាងកើតកោះ Borneo ក្នុងខេត្តកាលីម៉ាន់តាន់ខាងកើត។ គម្រោងសាងសង់ បានចាប់ផ្ដើមនៅខែកក្កដា ឆ្នាំ២០២២កន្លងទៅ ហើយត្រៀមនឹងបញ្ចប់ឲ្យរួចរាល់ជាស្ថាពរនៅខែតុលា ឆ្នាំ២០៤៥ខាងមុខ៕
ដោយ៖ ឈាង
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?