ព័ត៌មានអន្ដរជាតិ
ស្លាប់១៥នាក់ និងរបួសច្រើន ក្រោយអ៊ីស្រាអែលវាយប្រហារចំជុំរុំភៀសខ្លួន២កន្លែងនៅហ្គាហ្សា
យ៉ាងហោចណាស់ ពលរដ្ឋប៉ាឡេស្ទីនចំនួន១៥នាក់ ត្រូវបានសម្លាប់ និងរបួសជាច្រើននាក់ទៀត នៅក្នុងជុំរុំភៀសខ្លួន២កន្លែងនៅតំបន់ហ្គាហ្សា ក្រោយការវាយប្រហារតាមដែនអាកាសពីកងកម្លាំងអ៊ីស្រាអែល។ នេះបើយោងតាមការប្រកាសរបស់ក្រសួងសុខាភិបាលហ្គាហ្សា កាលពីថ្ងៃទី៤ ខែមិថុនាកន្លងទៅ។
អ្នកនាំពាក្យក្រសួងសុខាភិបាលហ្គាហ្សា បានឲ្យដឹងថា ការវាយប្រហារ ធ្វើឡើងនៅជុំរុំភៀសខ្លួន Al-Bureij និងជុំរុំភៀសខ្លួន Al-Maghazi ស្ថិតនៅចំកណ្ដាលតំបន់ហ្គាហ្សាស្ទ្រីបតែម្ដង ហើយភាគច្រើននៃអ្នករងគ្រោះគឺជាជនស៊ីវិល កូនក្មេង និងស្ត្រី។ បច្ចុប្បន្ន ទាំងអ្នកស្លាប់ និងរបួស កំពុងត្រូវបានបញ្ជូនទៅមន្ទីរពេទ្យ Al-Aqsa Martyrs ក្នុងទីក្រុង Deir al-Balah។
ក្រសួងសុខាភិបាលហ្គាហ្សា បានបញ្ជាក់ថា មន្ទីរពេទ្យ Al-Aqsa Martyrs គឺជាកន្លែងផ្ដល់សេវាសុខភាពតែមួយគត់ សម្រាប់មនុស្សជាង១លាននាក់នាពេលបច្ចុប្បន្ន ហើយសមត្ថភាពនៃការទទួលអ្នកជំងឺបន្ថែមកំពុងជួបប្រទះនឹងបញ្ហាប្រឈមខ្លាំង។
ក្នុងសេចក្ដីថ្លែងការណ៍របស់ក្រសួងសុខាភិបាលហ្គាហ្សា បានរៀបរាប់ថា “ចំនួនអ្នករបួស និងអ្នកជំងឺ នៅក្នុងនាយកដ្ឋានមន្ទីរពេទ្យបានលើសពីសមត្ថភាពព្យាបាលធម្មតាដល់ទៅជាង៣ដងឯណោះ។ យើងស្នើឲ្យសហគមន៍អន្តរជាតិ និងគ្រប់អង្គការអន្តរជាតិ ព្រមទាំងអង្គការ UN មកពីគ្រប់ប្រទេសសេរីទាំងអស់នៅលើពិភពលោកជួយជាបន្ទាន់ និងប្រញាប់បញ្ជូនមន្ទីរពេទ្យចល័ត និងក្រុមការងារវេជ្ជសាស្ត្រ ដើម្បីជួយសង្គ្រោះស្ថានភាពសុខាភិបាលនៅហ្គាហ្សាស្ទ្រីប ហើយនិងគ្រប់គ្រងស្ថានភាពនៃអ្នករបួសរាប់សិបម៉ឺននាក់ ដែលកំពុងរងការគំរាមកំហែងដល់ជីវិត”។
មន្ត្រីតំបន់ហ្គាហ្សា បានអះអាងថា អ៊ីស្រាអែល នៅតែបន្តវាយប្រហារយ៉ាងឃោរឃៅនៅហ្គាហ្សា ចាប់តាំងពីព្រឹត្តិការណ៍ថ្ងៃទី៧តុលា បើទោះជាក្រុមប្រឹក្សាសន្តិសុខអង្គការសហប្រជាជាតិទាមទារឲ្យមានបទឈប់បាញ់ក៏ដោយ។ ពលដ្ឋប៉ាឡេស្ទីនជាង ៣៦ ៥០០នាក់ត្រូបានសម្លាប់ ហើយភាគច្រើនគឺជាស្ត្រី និងកុមារតូចៗ ខណៈចំនួនអ្នករបួសមានជិត ៨៣ ០០០នាក់។
សូមបញ្ជាក់ថា សង្គ្រាម៨ខែកន្លងមកនេះរវាងអ៊ីស្រាអែល និងប៉ាឡេស្ទីន បានធ្វើឲ្យមានការខូចខាតយ៉ាងដំណំនៅតំបន់ហ្គាហ្សា ហើយក្នុងនោះក៏មានការរាំងស្ទះនៃជំនួយមនុស្សធម៌ដូចជា អាហារ ទឹកស្អាត និងថ្នាំសង្កូវ ទៅកាន់ប្រជាពលរដ្ឋដែលកំពុងរងគ្រោះ៕
ដោយ៖ ឈាង
បណ្ដាអ្នកផ្សព្វផ្សាយតាមបណ្តាញសង្គម (Influencer) ពេញចិត្តប្រើប្រាស់ «បញ្ជរសេវាសាធារណៈចល័តរបស់ក្រសួងការងារ ជាសមិទ្ធិផលថ្មីបង្កើតឡើងដោយកូនខ្មែរ
អាជ្ញាធរខេត្តកណ្ដាលប្រាប់ពលរដ្ឋឃុំព្រៃពួច ស្រុកអង្គស្នួល មកផ្ទៀងផ្ទាត់ឯកសារវិនិច្ឆ័យក្បាលដី
ដល់រដូវសត្វក្រៀល បន្លាស់ទីមកដល់អន្លង់ព្រីង ខណៈសត្វកម្រទម្លាប់ដេកជាប់ដី ក្លាយជាទស្សនីយភាពទាក់ទាញទេសចរឆ្ងាយជិតមកទស្សនា
អភិបាលរងខេត្តកណ្ដាល ផ្ដាំអាជ្ញាធរជាប់ព្រំដែន រឹតបន្តឹងលើជនបរទេសដែលលួចជ្រៀតចូលខុសច្បាប់
គម្រោងប្រព័ន្ធធារាសាស្រ្តដ៏ធំ ស្រោចស្រពលើផ្ទៃដីបង្កបង្កើនផល៣០ម៉ឺនហិកតា សម្រេចបាន ១០%
អាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
អេស៊ីលីដាទទួលបានការបញ្ជាទិញសញ្ញាបណ្ណជាង៨៥លានដុល្លារនៃការធ្វើបរិវិសកម្មដំណាក់ទី១
ស្ត្រីវ័យ៥៩ឆ្នាំ សម្លាប់ខ្លួនដោយសារតែជំងឺប្រចាំកាយ
ឃាត់ខ្លួនស្ត្រីម្នាក់ ករណីក្លែងបន្លំជាស្ថាប័នអគ្គិសនីកម្ពុជា (EDC) លួចផ្ទេរប្រាក់ពីគណនីធនាគាររបស់ជនរងគ្រោះ
-
ចរាចរណ៍៥ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
សន្តិសុខសង្គម៥ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ៤ ម៉ោង agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានអន្ដរជាតិ២ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានអន្ដរជាតិ២ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ១ ថ្ងៃ agoទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានអន្ដរជាតិ៣ ថ្ងៃ agoយោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត