ព័ត៌មានអន្ដរជាតិ
FBI ព្រមានថា អាមេរិក កំពុងប្រឈមនឹងអំពើភេរវកម្ម ដូចការវាយប្រហារនៅ រុស្ស៊ី
អំឡុងពេលផ្តល់សក្ខីកម្មដល់គណៈកម្មាធិការព្រឹទ្ធសភាអាមេរិកក្នុងទីក្រុងវ៉ាស៊ីនតោន កាលពីថ្ងៃពុធទី៥ខែមិថុនា, ប្រមុខ FBI លោក Christopher Wray បានព្រមានថា សហរដ្ឋអាមេរិក កំពុងប្រឈមមុខកាន់តែខ្លាំងឡើងៗ ចំពោះការគំរាមកំហែងវាយប្រហារដោយក្រុមជីហាដនិយម ស្រដៀងទៅនឹងអំពើភេរវកម្មដែលសម្លាប់មនុស្សអស់១៤៥នាក់ នៅឯសាលមហោស្រព Crocus ក្នុងប្រទេសរុស្ស៊ីដែរ។
តាមការចុះផ្សាយរបស់ Fox News, លោក Wray បានព្រមានបែបនេះ ដោយលើកហេតុផលថា ទីភ្នាក់ងាររបស់លោក ត្រូវការបង្កើនមូលនិធិដើម្បីជួយការពារជនជាតិអាមេរិកពីអំពើភេរវកម្ម ហើយវាក៏កើតឡើងផងដែរ ចំពេល FBI ស្នើឲ្យមានការបង្កើនថវិកា ៦.២% ស្មើនឹងទឹកប្រាក់ ១១.៣ពាន់លានដុល្លារសម្រាប់ឆ្នាំសារពើពន្ធបន្ទាប់ ទាំងដែលសមាជិកសភាគណបក្សសាធារណរដ្ឋមួយចំនួន កំពុងជំរុញឲ្យកាត់បន្ថយការចំណាយ។
លោក Wray និយាយថា “គ្រាន់តែអំឡុងពេលខ្ញុំកាន់តំណែងជានាយក FBI, យើងបានរារាំងការវាយប្រហារភេរវកម្មជាច្រើនលើកច្រើនសារួចទៅហើយទាំងនៅក្នុងទីក្រុងនិងសហគមន៍ជុំវិញប្រទេស ដូច្នេះយើងត្រូវការថវិកាដើម្បីបន្តការពារអាមេរិកពីអំពើភេរវកម្ម”។
លោកអះអាងថា ការគំរាមកំហែងភេរវកម្មនៅអាមេរិក បានកើនឡើងយ៉ាងគំហុកចាប់តាំងពីសង្រ្គាមអ៊ីស្រាអែល-ហាម៉ាស ឆាបឆេះកាលពីខែតុលាឆ្នាំមុន ហើយមានក្រុមភេរវករក្លែងក្លាយ នាំគ្នាអំពាវនាវឲ្យមានការវាយប្រហារលើអាមេរិកនិងសម្ព័ន្ធមិត្ត។
ឧក្រិដ្ឋកម្មស្អប់ខ្ពើមនៅសហរដ្ឋអាមេរិក មានការកើនឡើង៦០% ជាពិសេសការវាយប្រហារទៅលើប្រជាជនជ្វីហ្វ ចាប់តាំងពីសង្រ្គាមអ៊ីស្រាអែល-ហាម៉ាស។ បក្សពួកទាំងឡាយ កំពុងបំផុសគំនិត កេងចំណេញពីព្រឹត្តិការណ៍នៅមជ្ឈិមបូព៌ា ដើម្បីប្រកូកប្រកាសឲ្យមានការវាយប្រហារនៅអាមេរិក។ លើសពីនេះ ឥឡូវមានក្តីបារម្ភកាន់តែខ្លាំង ពីសក្តានុពលនៃអំពើភេរវកម្មបណ្តាក់គ្នានៅអាមេរិក ដែលមានសណ្ឋានដូចការវាយប្រហាររបស់ក្រុម ISIS-K នៅរុស្ស៊ី អ៊ីចឹង។
សូមបញ្ជាក់ជាថ្មី ការវាយប្រហារថ្ងៃទី២២ខែមីនា នៅសាលមហោស្រព Crocus ក្បែរទីក្រុងមូស្គូ បានផ្តាច់ជីវិតមនុស្ស១៤៥នាក់ និងជាង៥០០នាក់ទៀតរងរបួស។
ខ្មាន់កាំភ្លើងមានសញ្ជាតិ តាហ្ស៊ីគីស្ថាន បានបាញ់អ្នកទស្សនិកជន ហើយបំផ្ទុះគ្រាប់បែក ដែលបង្កឲ្យមានការឆាបឆេះ ខណៈសេវាសន្តិសុខសហព័ន្ធរុស្ស៊ី ចោទប្រកាន់ថា ចារកម្មអ៊ុយក្រែននៅពីក្រោយការសម្លាប់រង្គាលនេះ ប្រហែលជាប្រើប្រាស់ក្រុមឥស្លាម បើកវាយប្រហារជំនួសមុខឲ្យខ្លួន៕
អត្ថបទ៖ សុខ សុវណ្ណ
ចុចអាន៖ FBI បារម្ភខ្លាច អាមេរិក ផ្ទុះការវាយប្រហារភេរវកម្មដូចនៅ រុស្ស៊ី ដែរ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
ស្លាប់១២នាក់ និងជម្លៀសខ្លួនរាប់ម៉ឺននាក់ ព្រោះទឹកជំនន់នៅថៃ និងម៉ាឡេស៊ី
-
ព័ត៌មានអន្ដរជាតិ១ សប្តាហ៍ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»