ព័ត៌មានអន្ដរជាតិ
អាមេរិក តែងតែឈរពីក្រោយខ្នងលោក Zelensky លើគ្រប់ជំហានទាំងអស់នៃរូបមន្តសន្តិភាព អ៊ុយក្រែន
សហរដ្ឋអាមេរិកតែងតែឈរនៅពីក្រោយខ្នងលោកប្រធានាធិបតីអ៊ុយក្រែន Volodymyr Zelensky គ្រប់ជំហានទាំងអស់ពាក់ព័ន្ធនឹងរូបមន្តសន្តិភាព ក៏ដូចជាដំណោះស្រាយពន្លត់ភ្លើងសង្គ្រាមនៅអ៊ុយក្រែន ។ នេះជាការលើកឡើងរបស់អ្នកនាំពាក្យសេតវិមានលោក John Kirby និងចេញផ្សាយដោយទីភ្នាក់ងារព័ត៌មាន TASS កាលពីថ្ងៃទី៥ ខែមិថុនាកន្លងទៅ ។
ថ្លែងប្រាប់អ្នកសារព័ត៌មានក្នុងសន្និសីទតាមអនឡាញកាលពីថ្ងៃពុធ, លោក Kirby បាននិយាយថា “ចាប់តាំងពីលោក Zelensky ដាក់ចេញរូបមន្តសន្តិភាព ១០ ចំណុចមក គ្មានប្រទេសណាចេញមុខជំរុញ ក៏ដូចជាសម្របសម្រួលឲ្យវាដំណើរការខ្លាំងជាងអាមេរិកនោះទេ ដូច្នេះយើងនៅពីក្រោយគ្រប់ជំហានមួយៗទាំងអស់នៃរូបមន្តសន្តិភាពរបស់រដ្ឋាភិបាលទីក្រុងកៀវ” ។
ទោះយ៉ាងណា លោកប្រធានាធិបតី Joe Biden នឹងមិនអញ្ជើញចូលរួមក្នុងកិច្ចប្រជុំកំពូលស្ដីពីសន្តិភាពអ៊ុយក្រែនដែលរៀបចំឡើងនៅប្រទេសស្វីសនាថ្ងៃទី១៥ ដល់ថ្ងៃទី១៦ ខែមិថុនាខាងមុខនេះនោះទេ ប៉ុន្តែនឹងបញ្ជូនលោកស្រីអនុប្រធានាធិបតី Kamala Harris និងទីប្រឹក្សាសន្តិសុខជាតិលោក Jake Sullivan ធ្វើជាអ្នកតំណាងឲ្យសហរដ្ឋអាមេរិកនៅក្នុងព្រឹត្តិការណ៍មួយនេះ ។
កិច្ចប្រជុំកំពូលស្ដីពីសន្តិភាពអ៊ុយក្រែនដែលនឹងរៀបចំឡើងនៅរមណីយដ្ឋាន Burgenstock ក្នុងប្រទេសស្វីសបានអញ្ជើញគណៈប្រតិភូជាង ១៦០ ប្រទេសឲ្យចូលរួមអង្គុយចរចារកពន្លឺនៃការពន្លត់ភ្លើងសង្គ្រាមនៅអ៊ុយក្រែន ហើយក្នុងនោះក៏មានរួមទាំងក្រុមប្រទេស G7, G20 និង BRICS ផងដែរ ។ យ៉ាងណាមិញ អាជ្ញាធរស្វីសមិនបានហារមាត់ហៅប្រទេសរុស្ស៊ីឲ្យចូលរួមនោះទេ ។
ពាក់ព័ន្ធនឹងបញ្ហានេះដែរ លោកប្រធានាធិបតីរុស្ស៊ី វ្ល៉ាឌីមៀរ ពូទីន បាននិយាយថា រុស្ស៊ីនឹងមិនស្នើសុំឲ្យគេអញ្ជើញចូលរួមក្នុងព្រឹត្តិការណ៍នេះទេ ប្រសិនបើទីក្រុងមូស្គូមិនចង់នៅទីនោះ ។ ទន្ទឹមនោះ រដ្ឋមន្ត្រីការបរទេសរុស្ស៊ីលោក Sergey Lavrov ក៏បានកត់សម្គាល់ដែរថា កិច្ចប្រជុំនេះគឺគ្មានន័យ ហើយទីក្រុងមូស្គូមិនបានឃើញការត្រៀមខ្លួនរបស់បស្ចិមប្រទេសសម្រាប់កិច្ចសន្ទនាដោយស្មោះត្រង់នោះទេ ។ ទោះយ៉ាងណា រុស្ស៊ីមិនដែលបដិសេធគំនិតនៃការចរចាដោះស្រាយជម្លោះជាមួយទីក្រុងកៀវឡើយ ។
គួរបញ្ជាក់ថា កិច្ចប្រជុំកំពូលស្ដីពីសន្តិភាពអ៊ុយក្រែនដែលស្នើរៀបចំឡើងដោយលោកប្រធានាធិបតី Volodymyr Zelensky នៅប្រទេសស្វីសមានគោលបំណងកសាងរូបមន្តសន្តិភាពសម្រាប់អ៊ុយក្រែនដូចជា ការដកទ័ពរុស្ស៊ីចេញពីទឹកដីរបស់អ៊ុយក្រែន ការដោះដូរអ្នកទោសជាមួយរុស្ស៊ី បញ្ហាថាមពល និងសន្តិសុខនុយក្លេអ៊ែរ ក៏ដូចជាការបញ្ជូនកុមារទៅកាន់ប្រទេសរុស្ស៊ីវិញជាដើម ខណៈកិច្ចប្រជុំនោះទៀតសោតក៏រួមមានសំណើផ្សេងៗផ្អែកលើធម្មនុញ្ញអង្គការសហប្រជាជាតិ និងគោលការណ៍សំខាន់ៗនៃច្បាប់អន្តរជាតិផងដែរ ៕
ដោយ ៖ សុខ ជីវ័ន្ត
ចុចអាន ៖ តើមហាមិត្ត រុស្ស៊ី ណាខ្លះប្រកាសមិនចូលរួមកិច្ចប្រជុំកំពូលស្ដីពីសន្តិភាព អ៊ុយក្រែន?
-
ព័ត៌មានជាតិ៦ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១៧ ម៉ោង ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៧ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ