ព័ត៌មានអន្ដរជាតិ
លោក បៃដិន មិនឲ្យអ៊ុយក្រែន យកអាវុធអាមេរិក បាញ់វិមានក្រឹមឡាំង ដាច់ខាត
ត្បិតតែសហរដ្ឋអាមេរិក បើកដៃឲ្យអ៊ុយក្រែន ប្រើប្រាស់អាវុធរបស់ខ្លួនយកទៅវាយប្រហារចូលដីរុស្ស៊ីក៏ពិតមែន ប៉ុន្តែលោក ចូ បៃដិន ប្រកាសថា ទីក្រុងវ៉ាស៊ីនតោន មិនអនុញ្ញាតឲ្យទីក្រុងកៀវ បាញ់លើគោលដៅចូលជ្រៅក្នុងប្រទេសរុស្ស៊ីពេកទេ រួមទាំងវិមានក្រឹមឡាំងក្នុងទីក្រុងមូស្គូផងដែរ។

លោកអះអាងបែបនេះក្នុងបទសម្ភាសន៍ជាមួយសារព័ត៌មាន ABC News កាលពីថ្ងៃព្រហស្បតិ៍ទី៦ខែមិថុនា ដោយលោកបញ្ជាក់ថា “អ៊ុយក្រែន អាចប្រើអាវុធអាមេរិកបាញ់ចូលរុស្ស៊ីបានមែន ប៉ុន្តែកុំបាញ់ចូលជ្រៅពេក ពោលគឺបាញ់កៀកៗព្រំដែនបានហើយ។ ទីក្រុងកៀវ អាចបាញ់ចូលព្រំដែនរុស្ស៊ី តែលើទីតាំងដែលរុស្ស៊ីប្រើដើម្បីដាក់កាំភ្លើងបាញ់លើខ្លួនប៉ុណ្ណោះ។ យើងមិនអនុញ្ញាតឲ្យអ៊ុយក្រែនបាញ់ចូលដីរុស្ស៊ីដល់ ៣២០គីឡូម៉ែត្រទេ ហើយក៏មិនអនុញ្ញាឲ្យវាយប្រហារទីក្រុងមូស្គូនិងវិមានក្រឹមឡាំងដែរ”។
កាលពីសប្តាហ៍ មានសារព័ត៌មានចុះផ្សាយព្រោងព្រាតអំពីការសម្រេចចិត្តរបស់អាមេរិក បើកភ្លើងខៀវឲ្យអ៊ុយក្រែន វាយប្រហារចូលទៅក្នុងប្រទេសរុស្ស៊ី ហើយក្រោយមក រឿងនេះ ត្រូវបានបញ្ជាក់ដោយរដ្ឋមន្ត្រីការបរទេសអាមេរិកលោក Antony Blinken ផ្ទាល់តែម្តង។

ព្រោះតែទង្វើដ៏គឃ្លើននេះហើយ ទើបធ្វើឲ្យរុស្ស៊ី ក្តៅស្លឹកត្រចៀក ដោយលោកប្រធានាធិបតី វ្ល៉ាឌីមៀរ ពូទីន ប្រកាសឆ្លើយតប ដល់ថ្នាក់ហ៊ានអះអាងថា ទីក្រុងមូស្គូនឹងផ្តល់អាវុធដល់ប្រទេសទាំងឡាយណា ដែលចង់វាយប្រហារលើគោលដៅរបស់លោកខាងលិច។
លោកបានប្រាប់អ្នកសារព័ត៌មាននៅខាងក្រៅវេទិកាសេដ្ឋកិច្ចអន្តរជាតិ St Petersburg (SPIEF) កាលពីថ្ងៃព្រហស្បតិ៍ទី៦ខែមិថុនាថា “សកម្មភាពបែបនេះ អាចនាំឲ្យមានបញ្ហាធ្ងន់ធ្ងរ។ ប្រសិនបើនរណាម្នាក់គិតថា វាអាចទៅរួចក្នុងការផ្គត់ផ្គង់អាវុធបែបនេះទៅកាន់តំបន់សង្រ្គាមដើម្បីវាយប្រហារទឹកដីរបស់យើងនិងបង្កើតបញ្ហាសម្រាប់យើងនោះ ហេតុអ្វីយើងគ្មានសិទ្ធិផ្គត់ផ្គង់អាវុធប្រភេទដូចគ្នានេះ ទៅកាន់កន្លែងផ្សេងៗនៃពិភពលោក ដើម្បីវាយប្រហារពួកគេបាន? នេះគឺជាឆ្លើយតប”។

មិនត្រឹមប៉ុណ្ណឹង ថ្មីៗនេះ អតីតប្រធានាធិបតីរុស្ស៊ីលោក Dmitry Medvedev ក៏ប្រកាសក្តែងៗដែរថា ទីក្រុងមូស្គូ នឹងជួយផ្តត់ផ្គង់អាវុធដល់ប្រទេសទាំងឡាយណាឲ្យតែជាសត្រូវរបស់អាមេរិក។ នេះគឺដើម្បីឆ្លើយតបទៅនឹងសកម្មភាពដែលឥតកោតក្រែងរបស់ទីក្រុងវ៉ាស៊ីនតោន និងសម្ព័ន្ធមិត្ត ដែលបញ្ជូនអាវុធទៅឲ្យអ៊ុយក្រែន។
យ៉ាងណា ទោះផ្តល់អាវុធមែន តែសហរដ្ឋអាមេរិក និងសម្ព័ន្ធមិត្តនៅតែប្រកែកថា ការជួយដល់អ៊ុយក្រែន មិនធ្វើឲ្យពួកគេក្លាយជាភាគីជម្លោះជាមួយរុស្ស៊ីទេ ហើយតែងដាក់កំហិតលើការប្រើប្រាស់អាវុធទាំងនោះជានិច្ច៕
អត្ថបទ៖ សុខ សុវណ្ណ
ចុចអាន៖ លោក Medvedev៖ ប្រទេសណាក៏ដោយ ឲ្យតែជាសត្រូវអាមេរិក, រុស្ស៊ី នឹងជួយអាវុធទាំងអស់

-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ៥ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត
-
សន្តិសុខសង្គម២ ថ្ងៃ ago
របួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍
-
ជីវិតកម្សាន្ដ៤ ថ្ងៃ ago
មិនដឹងមានវិបត្តិអ្វី! Justin Bieber ប្រែស្គមស្គាំង ដើរម្នាក់ឯង ដូចមនុស្សមានបញ្ហាផ្លូវចិត្ត