ព័ត៌មានអន្ដរជាតិ

រុស្ស៊ី ថា អ៊ុយក្រែនប្រើអាវុធអាមេរិកសម្លាប់ជនស៊ីវិល

បានផុស

៤ ខែ មុន

នៅ

ថ្ងៃសុក្រ ៧ មិថុនា ២០២៤

ដោយ

ក្រសួងការបរទេសរុស្ស៊ី បានលើកឡើងថា មានការវាយប្រហារដោយគ្រាប់់រ៉ុក្កែតពីសំណាក់កងទ័ពអ៊ុយក្រែន មកលើតំបន់ភាគខាងត្បូងប្រទេសរុស្ស៊ី ដែលជាហេតុធ្វើឲ្យជនស៊ីវិលបាត់បង់ជីវិត មានទាំងកូនក្មេង និងស្ត្រី។ រុស្ស៊ី ថា អ្នកដែលគួរតែស្ដីបន្ទោសគឺ សហរដ្ឋអាមេរិក ដែលបានបើកដៃឲ្យអ៊ុយក្រែនប្រើប្រាស់អាវុធរបស់ខ្លួនសម្រាប់វាយប្រហារលើក្រុងមូស្គូ។

លោកស្រី Maria Zakharova អ្នកនាំពាក្យក្រសួងការបរទេសរុស្ស៊ី (រូបភាព៖ TASS)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Maria Zakharova អ្នកនាំពាក្យក្រសួងការបរទេសរុស្ស៊ី បាននិយាយនៅថ្ងៃសុក្រទី៧ ខែមិថុនា ថា ហេតុការណ៍នេះបានកើតឡើងកាលពីសប្ដាហ៍មុន ស្ថិតនៅតំបន់ Belgorod បន្ទាប់ពីអ៊ុយក្រែនបានប្រើប្រាស់អាវុធអាមេរិកចូលវាយប្រហារនៅលើអធិបតេយ្យភាពរបស់រុស្ស៊ី។ មន្ត្រីជាន់ខ្ពស់រូបនេះ បានបន្តទៀតថា ការបើកភ្លើងបៃតងឲ្យអ៊ុយក្រែន គឺប្រៀបដូចការប្រព្រឹត្តអំពើឃាតកម្មនៅលើកុមារ និងស្ត្រីភេទអ៊ីចឹងដែរ។ លោកស្រី បានបន្ថែមថា កម្ទេចនៃគ្រាប់រ៉ុក្កែត HIMARS ដែលបានវាយប្រហារនៅ Belgorod អាចយកទៅធ្វើជាព័ស្តុតាងជាក់ស្ដែងនៃអំពើឃាតកម្មរបស់អាមេរិកបាន។

យ៉ាងណាមិញ នៅក្នុងសេចក្ដីថ្លែងការណ៍ខាងលើ លោកស្រី Zakharova មិនបានផ្ដល់ជារូបភាព ឬតួលេខអ្នកស្លាប់នោះទេ។

ពាក់ព័ន្ធនឹងលើកឡើងបែបនេះ គេនៅមិនទាន់ឃើញមានការឆ្លើយតបពីសហរដ្ឋអាមេរិក និងរដ្ឋាភិបាលក្រុងកៀវនៅឡើយទេ៕

ដោយ៖ ឈាង