ព័ត៌មានអន្ដរជាតិ
រុស្ស៊ី កំពុងឆ្ពោះទៅវាយលុកដណ្ដើមយកទីក្រុងដ៏សំខាន់របស់អ៊ុយក្រែនមួយទៀត
ក្នុងជម្លោះរវាងរុស្ស៊ីនិងអ៊ុយក្រែនដែលមានរយៈពេលជាងពីរឆ្នាំមកនេះ កងកម្លាំងរុស្ស៊ីដណ្ដើមបានគោលដៅជាច្រើន ខណៈថ្មីៗនេះរុស្ស៊ីហាក់ដូចជាកំពុងឆ្ពោះទៅរកគោលដៅថ្មីក្នុងការដណ្តើមយកទីក្រុង Chasiv Yar របស់អ៊ុយក្រែន។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Reuters នៅថ្ងៃទី១០ ខែ មិថុនានេះ។
ទីក្រុង Chasiv Yar របស់អ៊ុយក្រែន មានចម្ងាយប្រហែល ២០គីឡូម៉ែត្រនៅភាគខាងលិចនៃ Bakhmut ជាទីក្រុងមួយដែលកងកម្លាំងរុស្ស៊ីដណ្ដើមបានកាលពីមួយឆ្នាំមុនបន្ទាប់ពីការប្រយុទ្ធជាច្រើនខែ។ បើយោងតាមប្រព័ន្ធផ្សព្វផ្សាយអ៊ុយក្រែន Ukrainska Pravda ដែលដកស្រង់ប្រភពយោធា បានឲ្យដឹងថា កងកម្លាំងរុស្ស៊ីបានចាប់ផ្តើមកាន់កាប់ស្រុកមួយតាមបណ្តោយព្រែកជីកក្បែរទីក្រុង Chasiv Yar ។
ខណៈក្នុងរយៈពេលមួយសប្តាហ៍កន្លងមកនេះ មានករណីបាញ់ផ្លោងជាង១,៥០០ ករណីនៅជាយក្រុង Chasiv Yar ពីភាគខាងជើងទៅភាគខាងត្បូង ដោយការកត់សម្គាល់ឃើញថារុស្ស៊ីបង្កើនការទម្លាក់គ្រាប់បែកពីលើអាកាស បាញ់មីស៊ីលពីចម្ងាយ ប្រើយន្តហោះគ្មានមនុស្សបើក និងបង្កើនកម្លាំងរបស់ពួកគេដើម្បីឆ្ពោះទៅរកគោលដៅថ្មីជាបន្តបន្ទាប់។
គួរបញ្ជាក់ថា តំបន់ភាគខាងកើតអ៊ុយក្រែនដែលចាប់តាំងពីទីក្រុង Avdiivka បានធ្លាក់មកលើកងទ័ពរុស្ស៊ីកាលពីខែកុម្ភៈហើយរុស្ស៊ីក៏បានបើកការលុកលុយឆ្លងព្រំដែនចូលទៅក្នុងផ្នែកខ្លះនៃតំបន់ Kharkiv ភាគឦសានបន្តទៀតនិងទាញយកផលប្រយោជន៍ ចំពេលដែលអ៊ុយក្រែនខ្វះខាតធនធានកងកម្លាំងនិង អាវុធ បន្ទាប់ពីជំនួយយោធាអាមេរិកត្រូវបានពន្យាពេល។ ទោះបីជាយ៉ាងណាថ្មីៗនេះ អ៊ុយក្រែនហាក់ទទួលបានការគាំទ្រពីប្រទេសនានាផ្នែកយោធាជាច្រើន ជាពិសេសអាមេរិក បូករួមនិងការអនុញ្ញាតឲ្យប្រើអាវុធពិសេសៗដែលមានគ្រោះថ្នាក់វាយប្រហាររុស្ស៊ីដែលនឹងជួយបង្កើនសមត្ថភាពអ៊ុយក្រែនបន្ថែមទៀត៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៤ ម៉ោង ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៧ ម៉ោង ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan