ព័ត៌មានអន្ដរជាតិ
អាមេរិក អំពាវនាវឲ្យបោះឆ្នោតលើសំណើបទឈប់បាញ់នៅហ្គាហ្សាក្នុងក្រុមប្រឹក្សាសន្តិសុខ UN
សហរដ្ឋអាមេរិក កាលពីថ្ងៃទី៩ ខែមិថុនា បានស្នើសុំឲ្យមានការបោះឆ្នោតនៅក្រុមប្រឹក្សាសន្តិសុខអង្គការសហប្រជាជាតិលើបទឈប់បាញ់៣ដំណាក់កាលសម្រាប់សង្គ្រាមកំពុងមាននៅតំបន់ហ្គាហ្សា។ នេះបើយោងតាមលោក Nate Evans អ្នកនាំពាក្យអាមេរិកប្រចាំការនៅ UN។
លោក Evans ថា សំណើបទឈប់បាញ់៣ដំណាក់កាលនេះ ត្រូវបានប្រកាសចេញដោយលោក ចូ បៃឌិន ប្រធានាធិបតីអាមេរិក និងរៀបចំឡើងដោយអ៊ីស្រាអែល។ មន្ត្រីអាមេរិករូបនេះ បានរៀបរាប់ថា “ដូចដែលយើងបានសង្កត់ធ្ងន់ម្ដងហើយម្ដងទៀត ការអនុវត្តកិច្ចព្រមព្រៀងនេះនឹងជួយឲ្យមានបទឈប់បាញ់ភ្លាមៗ ការដោះលែងចំណាប់ខ្មាំង ការដកកងកម្លាំងទ័ពអ៊ីស្រាអែលពីតំបន់ដែលមានប្រជាជនរស់នៅសម្រាប់ដំណាក់កាលដំបូង ការកើនឡើងភ្លាមៗនៃជំនួយមនុស្សធម៌ និងការស្ដារឡើងវិញនូវសេវាមូលដ្ឋាន ព្រមទាំងការឲ្យជនស៊ីវិលប៉ាឡេស្ទីនត្រឡប់ទៅកាន់ភាគខាងជើងហ្គាហ្សាវិញ រួមទាំងការត្រួសត្រាយផ្លូវឆ្ពោះទៅកាន់ភាពបញ្ចប់វិបត្តិទាំងស្រុង និងផែនការកសាងឡើងវិញដោយមានការគាំទ្រពីអន្តរជាតិក្នុងរយៈពេលច្រើនឆ្នាំ”។
លោក Evans បានបញ្ជាក់ថា អ៊ីស្រាអែល បានទទួលយកសំណើនេះរួចហើយ នៅឡើយចាំតែក្រុមប្រឹក្សាសន្តិសុខអង្គការសហប្រជាជាតិបើកឱកាសនិយាយចរចាប៉ុណ្ណោះជាមួយភាគីជម្លោះទាំងសងខាងម្ដងម្នាក់ៗ។
បើតាមប្រភពចេញពីអង្គការសហប្រជាជាតិ បានបង្ហើបឲ្យដឹងថា ការបោះឆ្នោតលើបទឈប់បាញ់អាចនឹងត្រូវដាក់ចូលក្នុងរបៀបវារៈរបស់ក្រុមប្រឹក្សាសន្ដិសុខ នាដើមសប្ដាហ៍នេះ។
សូមបញ្ជាក់ថា អ៊ីស្រាអែល បានបន្តការវាយលុកដ៏ឃោរឃៅរបស់ខ្លួនលើតំបន់ហ្គាហ្សា ចាប់តាំងពីការវាយប្រហារកាលពីថ្ងៃទី៧ ខែតុលា ដោយក្រុមហាម៉ាសប៉ាឡេស្ទីន ទោះបីជាមានដំណោះស្រាយពីក្រុមប្រឹក្សាសន្តិសុខអង្គការសហប្រជាជាតិទាមទារឲ្យមានបទឈប់បាញ់ជាបន្ទាន់ក៏ដោយ។
ចាប់តាំងពីពេលនោះមក ជនជាតិប៉ាឡេស្ទីនជាង ៣៧ ០០០ នាក់ ត្រូវបានសម្លាប់នៅក្នុងហ្គាហ្សា ដែលភាគច្រើនជាស្ត្រី និងកុមារ ហើយជិត ៨៤ ៥០០នាក់ ផ្សេងទៀតបានរងរបួស។ នេះបើយោងតាមអាជ្ញាធរសុខាភិបាលក្នុងតំបន់ហ្គាហ្សា។
ក្នុងរយៈ៨ខែធ្លាក់ចូលក្នុងភ្លើងសង្គ្រាម តំបន់ហ្គាហ្សាដ៏ធំល្វឹងល្វើយ ត្រូវរងការបំផ្លិចបំផ្លាញយ៉ាងដំណំ បូករួមទាំងភាពជាប់គាំងនៃការដឹកជញ្ជូនចំណីអាហារ ទឹកស្អាត និងថ្នាំពេទ្យ៕
ដោយ៖ ឈាង
អានបន្ថែម៖ បទឈប់បាញ់៣ដំណាក់កាល របស់អាមេរិក សម្រាប់បិទបញ្ចប់សង្គ្រាមនៅហ្គាហ្សា មានអ្វីខ្លះ?
ខេមរ: សិរីមន្ត សោកស្ដាយទង្វើអ្នកចម្រៀងជំនាន់ថ្មីមួយចំនួនលេងសៀកបំភ័ន្តភ្នែកអ្នកគាំទ្រ
មិនចាញ់សោះ Man United កក់កៅអី១៦ក្រុមចុងក្រោយ Europa League
កម្ពុជាអនុម័តស្តងដារជាតិចំនួន២១បន្ថែមទៀត ដើម្បីលើកកម្ពស់ផលិតផលក្នុងស្រុក
ចំណាប់ខ្មាំងថៃ ៥នាក់ និងអ៊ីស្រាអែល ៣នាក់ ត្រូវក្រុមហាម៉ាស ដោះលែងឲ្យមានសេរីភាព
អគ្គិភ័យ ឆេះតូបលក់ចាប់ហួយស្លាប់ក្មេងប្រុសពីរនាក់ក្នុងអណ្ដាតភ្លើង
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
អគ្គិភ័យ ឆេះតូបលក់ចាប់ហួយស្លាប់ក្មេងប្រុសពីរនាក់ក្នុងអណ្ដាតភ្លើង
ជាង ១០ ថ្ងៃចុងក្រោយនេះ រមណីយដ្ឋានភ្នំសំពៅស្ងប់ស្ងាត់ អាជីវករឆ្ងល់គ្រប់គ្នាបាត់ភ្ញៀវទៅណា?
សិល្បៈទស្សនីយភាព ល្ខោនបាមោជ្ជទ័យ រឿង “កុលាបប៉ៃលិន” នឹងរៀបចំសម្តែងម្តងទៀត ខែក្រោយនេះ
ធ្លាយពាក្យចចាមអារ៉ាមថា Liu Yifei រៀបការជាមួយឪពុកចិញ្ចឹមស្ងាត់ៗ
-
ចរាចរណ៍៦ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៤ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ២ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២០ ម៉ោង agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ព័ត៌មានជាតិ៣ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ៣ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៤ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក