ព័ត៌មានអន្ដរជាតិ
ឥណ្ឌា រងគ្រោះដោយរលកកម្តៅ អូសបន្លាយពេលយូរបំផុត ក្នុងប្រវត្តិសាស្រ្ត
តាមសេចក្តីរាយការណ៍របស់ NDTV នៅថ្ងៃអង្គារទី១១ខែមិថុនា ប្រទេសឥណ្ឌា កំពុងរងគ្រោះដោយរលកកម្តៅដែលអូសបន្លាយពេលយូរបំផុតមិនធ្លាប់ជួបប្រទះសោះក្នុងប្រវត្តិសាស្រ្ត។
តំបន់រងគ្រោះធ្ងន់ធ្ងរបំផុត គឺភាគខាងជើងប្រទេស ដែលរលកកម្តៅបានវាយប្រហារយ៉ាងចាស់ដៃ ចាប់តាំងពីពាក់កណ្តាលខែឧសភាមកម្ល៉េះ ពោលគឺសីតុណ្ហភាពជាមធ្យមបានកើនលើស ៤៥អង្សាទៅទៀត ខណៈអ្នកជំនាញអាកាសធាតុរដ្ឋ ព្រមានថា កម្តៅមិនទាន់បញ្ចប់ត្រឹមនេះទេ ហើយប្រជាជននឹងត្រូវស៊ូទ្រាំជាមួយអាកាសធាតុ អាក្រក់ជាបន្តទៀត។
បើគិតចាប់ពីខែមីនាដល់ខែឧសភាឆ្នាំនេះ ឥណ្ឌា បានកត់ត្រាចំនួនមនុស្សស្លាប់ ៥៦នាក់ដោយកម្តៅ និងមានករណី Heat Stroke ជិត ២៥ ០០០ករណីទៀត។
កាលពីថ្ងៃទី២៩ខែឧសភា ទីក្រុង Mungeshpur បានកត់ត្រាសីតុណ្ហភាពក្នុងកម្រិតខ្ពស់បំផុតឈានដល់ ៥២.៩អង្សាសេ ខណៈនៅថ្ងៃដដែលនោះ ទីក្រុងចំនួន១៧ទៀត បានជួបប្រទះសីតុណ្ហភាព ៤៩អង្សាសេ។
ប្រធាននាយកដ្ឋានឧតុនិយមឥណ្ឌា លោក Mrutyunjay Mohapatra បាននិយាយក្នុងបទសម្ភាសជាមួយកាសែត Indian Express ថា “នេះគឺជារលកកម្តៅអូសបន្លាយពេលដ៏យូរបំផុតព្រោះវាវាយប្រហារសឹងតែ២៤ថ្ងៃទៅហើយ នៅក្នុងតំបន់ផ្សេងៗនៃប្រទេសឥណ្ឌា”។
ទោះបីជាយ៉ាងណាក៏ដោយ កម្តៅនឹងធូរស្រាលវិញពេលដែលរដូវភ្លៀងមូសុងប្រចាំឆ្នាំចូលមកដល់ ប៉ុន្តែលោក Mohapatra ក៏ព្រមានដែរថា មុនរដូវនោះមកដល់ ប្រជាជនគួរតែត្រៀមខ្លួនចំពោះករណីអាក្រក់ណាមួយដែលនឹងកើតឡើង។
សូមបញ្ជាក់ថា ឥណ្ឌាគឺជាប្រទេសបញ្ចេញឧស្ម័នផ្ទះកញ្ចក់ធំបំផុតលំដាប់ទីបីលើពិភពលោក ប៉ុន្តែទីក្រុងញូវដែលី ក៏ប្តេជ្ញាចិត្តកាត់បន្ថយការបំភាយឧស្ម័នដល់សូន្យនៅត្រឹមឆ្នាំ២០៧០ផងដែរ៕
អត្ថបទ៖ សុខ សុវណ្ណ
ចុចអាន៖ ត្រឹម៣ថ្ងៃ រលកកម្តៅកាចសាហាវ ផ្តាច់ជីវិតមនុស្ស ជាង ៥០នាក់ នៅឥណ្ឌា
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ