ព័ត៌មានអន្ដរជាតិ
ច្បាស់ការណ៍! អនុប្រធានាធិបតីម៉ាឡាវី បាត់បង់ជីវិតក្នុងហេតុការណ៍ធ្លាក់យន្តហោះ
ប្រធានាធិបតីម៉ាឡាវី លោក Lazarus Chakwera បានប្រកាសនៅល្ងាចថ្ងៃអង្គារទី១១ ខែមិថុនា ថា លោក Saulos Chilima រួមជាមួយអ្នកដំណើរ៩នាក់ផ្សេងទៀត បានទទួលមរណភាពហើយនៅក្នុងហេតុការណ៍ធ្លាក់យន្តហោះនៅក្នុងព្រៃមួយកន្លែង ស្ថិតនៅភាគខាងជើងប្រទេស ដោយសារតែកត្តាអាកាសធាតុមិនល្អ។
យន្តហោះរបស់លោកអនុប្រធានាធិបតីម៉ាឡាវី បានបាត់ចេញពីប្រព័ន្ធរ៉ាដា កាលពីព្រឹកថ្ងៃទី១០ ក្រោយហោះចេញពីរដ្ឋធានី Lilongwe សំដៅទៅកាន់ព្រលានអន្តរជាតិ Mzuzu ដែលមានរយៈចម្ងាយប្រមាណជា ៣៨០គីឡូម៉ែត្រ។ នៅលើយន្តហោះក៏មានភរិយារបស់អតីតប្រធានាធិបតីម៉ាឡាវីលោក Bakili Muluzi ផងដែរ។ ដំណើរលើកនេះ មានគោលបំណងទៅចូលរួមនៅក្នុងពិធីបុណ្យសពអតីតមន្ត្រីរដ្ឋាភិបាលមួយរូប។
បន្ទាប់ពីបាត់ខ្លួន រដ្ឋាភិបាលម៉ាឡាវី ព្រមទាំងបណ្ដាអន្តរជាតិមួយចំនួន បាននាំគ្នាធ្វើបេសកកម្មជួយសង្គ្រោះ និងរុករក រហូតឃើញបំណែកយន្តហោះដែលត្រូវបានបំផ្លិចបំផ្លាញទាំងស្រុងនៅក្បែរកូនភ្នំមួយកន្លែង នៅក្នុងតំបន់ព្រៃ Chikangawa។
ប្រធានាធិបតីម៉ាឡាវី បានរៀបរាប់ថា “ការរុករក និងប្រតិបត្តិការជួយសង្គ្រោះ ដែលខ្ញុំបានបញ្ជាឲ្យស្វែងរកយន្តហោះដែលបាត់ និងបានដឹកលោកអនុប្រធានាធិបតីរបស់យើង និងមនុស្ស៩នាក់ទៀត ត្រូវបានបញ្ចប់ហើយ។ យន្តហោះត្រូវបានរកឃើញ។ ហើយខ្ញុំពិតជាពិបាកចិត្តខ្លាំងណាស់ និងសោកស្ដាយ ដែលត្រូវជម្រាបអ្នករាល់គ្នាថា វាបានក្លាយជាសោកនាដកម្មដ៏សៅហ្មងមួយបាត់ទៅហើយ”។
ការិយាល័យប្រធានាធិបតីម៉ាឡាវី បានប្រកាសកាន់ទុក្ខទូទាំងប្រទេសចំពោះមរណភាពរបស់លោក Saulos Chilima និងមន្ត្រីអមដំណើរចំនួន៩រូបផ្សេងទៀត រយៈពេល២១ថ្ងៃ រាប់ចាប់ពីថ្ងៃទី១១ ខែមិថុនា ដល់ថ្ងៃទី១ ខែកក្កដា។
សូមបញ្ជាក់ថា លោក Chilima ធ្លាប់ធ្វើជាអនុប្រធានាធិបតីចំនួន២លើក ដោយលើកទី១នៅក្នុងឆ្នាំ២០១៤ ដល់ឆ្នាំ២០១៩ ដោយកាលណោះមានលោក Peter Mutharika ជាប្រធានាធិបតី និងលើកទី២ គិតចាប់តាំងពីឆ្នាំ២០២០ ក្រោមការគ្រប់គ្រងរបស់លោក Chakwera។ លោកក៏ធ្លាប់ធ្វើជាសេដ្ឋកិច្ចវិទូ ហើយធ្លាប់ក្លាយជាជនជាតិម៉ាឡាវីដំបូងគេបង្អស់ ដែលបានបង្កើតក្រុមហ៊ុនទូរគមនាគមន៍មួយហៅថា Airtel Malawi៕
ដោយ៖ ឈាង
អានបន្ថែម៖ យន្តហោះដឹកអនុប្រធានាធិបតីម៉ាឡាវី បាត់ចេញពីប្រព័ន្ធរ៉ាដា
នៅរាត្រីថ្ងៃសៅរ៍ទី០៨ ខែកុម្ភៈនេះ ភ្ញៀវជាតិ-អន្តរជាតិមកដើរលេងកំសាន្តនៅផ្លូវថ្មើរជើង (Walk Street) ច្រើន បើប្រៀបធៀប សប្តាហ៍មុន
លោក ឃួង ស្រេង ៖ សិទ្ធិមនុស្ស ត្រូវបានសម្តេចតេជោ ហ៊ុន សែន ផ្តល់ជូនប្រជាជនកម្ពុជាតាំងពីឆ្នាំ១៩៧៩មកម្ល៉េះ
តុលាការដោះលែង បុគ្គល ពេជ ពិសិដ្ឋ ឱ្យមានសេរីភាពឡើងវិញ បន្ទាប់ពីទទួលស្គាល់កំហុសថាបានប្រមាថថ្នាក់ដឹកនាំរដ្ឋាភិបាល
មីនតោន ដែលអ្នកកាសែតដោះដឹកតាមម៉ូតូឱ្យប៉ូលិស ត្រូវបានស៊ីម៉ាក់ចុះទៅយក÷ មេស៊ីម៉ាក់ ប្រាប់ឱ្យរាយការណ៍ពីបញ្ហាគ្រាប់មិនទាន់ផ្ទុះជាជាងដោះដោយខ្លួនឯង
សម្តេចធិបតី ឱ្យអង្គការចាត់តាំងយុវជនគណបក្សប្រជាជនកម្ពុជានៅក្រៅប្រទេស ជួយស្រាយបញ្ហាដែលខ្មែរនៅក្រៅប្រទេសជួបប្រទះ
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
អ្នកសិល្បៈនិងសាធារណជន សម្តែងក្តីបារម្ភ ក្រោយដឹងដំណឹង នាយ កុយ មានបញ្ហាសុខភាពត្រូវវះកាត់ជាបន្ទាន់
សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម
នគរបាលបញ្ជាក់់ពីមូលហេតុនៃការឃាត់ខ្លួនអ្នកកាសែតមួយរូបក្រោយដោះមីនតោនដឹកតាមម៉ូតូយកទៅឲ្យសមត្ថកិច្ច
យន្តហោះមួយគ្រឿង ធ្លាក់លើផ្លូវ រួចបុកជាមួយរថយន្តក្រុង នៅ ប្រេស៊ីល
-
សន្តិសុខសង្គម១ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ២ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១៥ ម៉ោង agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?