ព័ត៌មានអន្ដរជាតិ
ឥណ្ឌា ឲ្យរុស្ស៊ីឈប់កេណ្ឌពលរដ្ឋខ្លួន យកទៅធ្វើសង្គ្រាមនៅអ៊ុយក្រែន
ក្រសួងការបរទេសក្រុងញូវដេលី បានប្រកាសកាលពីថ្ងៃទី១១ ខែមិថុនា ថា ជនជាតិឥណ្ឌាចំនួន២នាក់ទៀតហើយ ត្រូវបានសម្លាប់ បន្ទាប់ពីចាញ់ល្បួងរបស់រុស្ស៊ីឲ្យចូលទៅធ្វើជាទ័ពច្បាំងគ្នានៅអ៊ុយក្រែន។ ប្រការនេះហើយទើបរដ្ឋាភិបាលឥណ្ឌាបានប្រកាសឲ្យក្រុងមូស្គូបញ្ឈប់សកម្មភាពកេណ្ឌប្រជាជនឥណ្ឌាយកទៅធ្វើជាទាហានទៀត។ ឥណ្ឌា បានចាត់ទុកទង្វើនេះមិនសមស្របសោះឡើយក្នុងភាពជាដៃគូចងសម្ព័ន្ធមិត្តនឹងគ្នា។
ក្នុងសេចក្ដីថ្លែងការណ៍របស់ក្រសួងការបរទេសឥណ្ឌា បានរៀបរាប់ថា “យើងសោកស្ដាយក្នុងការបញ្ជាក់ថា ជនជាតិឥណ្ឌា២នាក់ ត្រូវបានជ្រើសរើសដោយកងទ័ពរុស្ស៊ី ហើយត្រូវបានសម្លាប់កាលពីពេលថ្មីៗនេះនៅក្នុងជម្លោះកំពុងកើតមានរវាងរុស្ស៊ី និងអ៊ុយក្រែន។ យើងសូមចូលរួមរំលែកទុក្ខយ៉ាងក្រៀមក្រំបំផុតចំពោះក្រុមគ្រួសារនៃសព។ ស្ថានទូតរបស់យើងនៅមូស្គូ បានជំរុញឲ្យអាជ្ញាធររុស្ស៊ី រួមទាំងក្រសួងការពារជាតិ ឲ្យធ្វើមាតុភូមិនិវត្តន៍នៃអដ្ឋិធាតុអ្នកស្លាប់ឲ្យបានឆាប់ៗនេះ”។ បន្ថែមពីនេះ ក្រសួងការបរទេសឥណ្ឌា ក៏បានក្រើនរឭកដល់ប្រជាជនខ្លួនឲ្យប្រុងប្រយ័ត្ន នៅរាល់ពេលស្វែងរកការងារធ្វើនៅក្នុងប្រទេសរុស្ស៊ី។
ប្រជាជនឥណ្ឌា ដែលត្រូវបានសម្លាប់ក្នុងសង្គ្រាមរុស្ស៊ី-អ៊ុយក្រែន បើគិតទាំងលើកនេះ មានចំនួនសរុប ៤នាក់ ខណៈដែលរបាយការណ៍បង្ហាញថា យ៉ាងហោចណាស់ក៏មានជនជាតិឥណ្ឌាប្រមាណ ១០០នាក់ ត្រូវបានកងទ័ពរុស្ស៊ីជួលឲ្យទៅច្បាំង ហើយក្នុងនោះមាន២០នាក់ បានទាក់ទងឲ្យស្ថានទូតឥណ្ឌាប្រចាំប្រទេសរុស្ស៊ីជួយធ្វើមាតុភូមិនិវត្តន៍ឲ្យពួកគេ។
បើតាមការរៀបរាប់របស់ជនជាតិឥណ្ឌាមួយចំនួនដែលត្រូវគេយកទៅច្បាំងនៅរុស្ស៊ី បានឲ្យដឹងថា ពួកគេត្រូវបានគេល្បួងតាមរយៈវីដេអូបង្ហោះនៅលើយូធូប ដោយភ្នាក់ងាររុស្ស៊ីដែលមានមូលដ្ឋាននៅឌូបៃ។ នៅពេលទៅដល់រុស្ស៊ី ពួកគេត្រូវបានបង្ខំឲ្យចុះកិច្ចសន្យា ហើយទទួលយកការហ្វឹកហាត់រយៈពេល១៥ថ្ងៃ មុនត្រូវបញ្ជូនទៅសមរភូមិជួរមុខ៕
ដោយ៖ ឈាង
អានបន្ថែម៖ ស្រីលង្កា ចាត់វិធានការឈប់ឲ្យប្រជាជនចាញ់បោកគេ យកទៅធ្វើសង្គ្រាមនៅរុស្ស៊ី
១៩ ថ្ងៃដើមខែមករា ថៃទទួលភ្ញៀវទេសចរបរទេស ២,១ លាននាក់
លោក ឥត សារ៉ាត់ ស្នើសមាជិកគណបក្សប្រជាជន ក្នុងក្រុងសៀមរាបបន្តបម្រើប្រជាជនដោយយកចិត្តទុកដាក់
វៀតណាម អញ្ជើញរដ្ឋមន្ត្រីការបរទេសអាមេរិក មកបំពេញទស្សនកិច្ច ដើម្បីពង្រឹងទំនាក់ទំនង
ឯកឧត្តម ហ៊ុន ម៉ានី៖ ការចូលរួមការងារស្ម័គ្រចិត្តមិនត្រឹមតែជាប្រយោជន៍ដល់សង្គមតែដើម្បីអភិវឌ្ឍបុគ្គលម្នាក់ៗឲ្យកាន់តែរឹងមាំ
អត្រាកំណើតនៅប្រទេសថៃ ធ្លាក់ចុះក្រោម៥០ម៉ឺននាក់ មិនធ្លាប់មានក្នុងរយៈពេល៨០ឆ្នាំ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់