ព័ត៌មានអន្ដរជាតិ
រុស្ស៊ី ព្រមានបារាំង ឲ្យប្រយ័ត្នខ្លួន កុំហ៊ានលូកដៃចូលសង្គ្រាមអ៊ុយក្រែន ជ្រៅពេក
តាមការចុះផ្សាយរបស់សារព័ត៌មាន TASS អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានព្រមានឲ្យបារាំងប្រយ័ត្នខ្លួន បើហ៊ានតែលូកដៃចូលកាន់តែជ្រៅ ចូលទៅក្នុងជម្លោះនៅអ៊ុយក្រែន។

ថ្លែងក្នុងសន្និសីទសារព័ត៌មានកាលពីថ្ងៃព្រហស្បតិ៍ទី១៣ខែមិថុនា លោកស្រីនិយាយថា បារាំងកាន់តែបានដៃធ្វើអន្តរាគមន៍ក្នុងជម្លោះអ៊ុយក្រែន ហើយប្រសិនបើមិនព្រមឈប់ទេ នោះច្បាស់ជាបង្កឲ្យមានជម្លោះដោយផ្ទាល់ជាមួយទីក្រុងមូស្គូ ជាក់ជាមិនខានឡើយ។
តាមការបញ្ជាក់ពីលោកស្រី បារាំងបានចូលខ្លួនពាក់ព័ន្ធក្នុងជម្លោះនេះ កាន់តែខ្លាំងឡើងៗ ហើយប្រកាន់ជំហរដែលនាំឲ្យស្ថានការណ៍កាន់តែយ៉ាប់យ៉ឺន។ អាចនឹងមានជម្លោះដោយផ្ទាល់ជាមួយរុស្ស៊ី ហើយបើរឿងនេះកើតឡើងមែន វាមិនមែនបង្កការលំបាកផ្នែកសន្តិសុខត្រឹមអឺរ៉ុបទេ តែវាគឺជះផលអវិជ្ជមានដល់ពិភពលោកទាំងមូលតែម្តង។

ការគំរាមរបស់អ្នកនាំពាក្យរូបនេះ កើតឡើងបន្ទាប់ពីរដ្ឋាភិបាលទីក្រុងប៉ារីស តែងតែបញ្ចេញវោហារសាសបញ្ឆេះឲ្យស្ថានការណ៍ក្តៅឆួលដូចជាការបញ្ជូនទ័ពណាតូ ទៅជួយអ៊ុយក្រែន ប្រយុទ្ធជាមួយកងកម្លាំងរបស់លោក វ្ល៉ាឌីមៀរ ពូទីន ជាដើម ថ្វីបើសមាជិកអង្គការនេះមួយចំនួនជាពិសេសសហរដ្ឋអាមេរិក បានបដិសេធក៏ដោយ។
គេមើលឃើញថា តាំងពីសង្គ្រាមរុស្ស៊ី-អ៊ុយក្រែន ផ្ទុះឡើងនៅខែកុម្ភៈឆ្នាំ២០២២មក, បារាំងបានក្លាយជាប្រទេសមួយ ក្នុងចំណោមប្រទេសអឺរ៉ុបជាច្រើន ដែលចេញមុខចេញមាត់គាំទ្រលើសលប់លើអ៊ុយក្រែន។

ទោះបីជាយ៉ាងណាក៏ដោយ ទីក្រុងមូស្គូបានថ្កោលទោសគំនិតរបស់បារាំង ដល់ថ្នាក់អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev ហ៊ានប្រកាសថា ទីក្រុងមូស្គូនឹងប្រើប្រាស់អាវុធនុយក្លេអ៊ែរបាញ់លើលោកខាងលិចទៀតផង ប្រសិនបើទាហានណាតូណាម្នាក់ លេចវត្តមាននៅអ៊ុយក្រែន។
រុស្សីក៏បញ្ជាក់ដែរថា ខ្លួននឹងចាត់ទុកទាហានបារាំងនៅអ៊ុយក្រែនជា “គោលដៅស្របច្បាប់” សម្រាប់ការវាយប្រហារ ទោះពួកគេនៅទីនេះ ដើម្បីបណ្តុះបណ្តាលកងទ័ពទីក្រុងកៀវក៏ដោយ៕
អត្ថបទ៖ សុខ សុវណ្ណ
ចុចអាន៖ លោក Macron ប្រកាសបញ្ជូនយន្តហោះចម្បាំង ទៅឲ្យ អ៊ុយក្រែន

-
ព័ត៌មានអន្ដរជាតិ១៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?