ព័ត៌មានអន្ដរជាតិ
ដឹងកូរ៉េខាងជើង ដឹកអាវុធឲ្យរុស្ស៊ី ប៉ុន្មានកុងតឺន័រហើយ ដើម្បីយកទៅច្បាំងនៅអ៊ុយក្រែន?
ខណៈសង្គ្រាមអូសបន្លាយមិនដឹងថ្ងៃណាអាចបញ្ចប់ រុស្ស៊ីកំពុងមានតម្រូវការសព្វាវុធជាច្រើនបន្តបន្ទាប់ទៀត ដើម្បីយកទៅធ្វើសឹកសង្គ្រាមនៅអ៊ុយក្រែន ហើយមួយនៅក្នុងចំណោមអ្នកផ្គត់ផ្គង់អាវុធដ៏សំខាន់របស់ក្រុងមូស្គូ គឺប្រទេសកូរ៉េខាងជើង។ បើតាមរបាយការណ៍របស់កូរ៉េខាងត្បូង និងសហរដ្ឋអាមេរិក បានឲ្យដឹងថា ក្រុងព្យុងយ៉ាងបាននិងកំពុងដឹកសព្វាវុធឲ្យរុស្ស៊ីក្នុងចំនួនមិនតិចនោះទេ ដោយយ៉ាងហោចណាស់ក៏មាន ១ម៉ឺនកុងតឺន័រដែរ។
អាមេរិក បានចោទប្រកាន់កូរ៉េខាងជើង ជាលើកដំបូង ថាបានចាប់ផ្ដើមលក់អាវុធឲ្យរុស្ស៊ី តាំងពីខែកញ្ញា ឆ្នាំ២០២២កន្លងទៅ ពោលគឺរយៈពេល៧ខែបន្ទាប់ពីផ្ទុះមានសង្គ្រាមនៅអ៊ុយក្រែន។ យ៉ាងណាមិញ នៅកាលណោះកូរ៉េខាងជើងបានបដិសេធមិនទទួលស្គាល់នោះឡើយ។
បន្ទាប់មកនៅចុងខែសីហា ឆ្នាំ២០២៣ សេតវិមានបានព្រមានលោក វ៉្លាឌឺមៀ ពូទីន មេដឹកនាំរុស្ស៊ី និងលោក គីម ជុងអ៊ុន មេដឹកនាំកូរ៉េខាងជើង ដោយចោទថា អ្នកទាំង២បានលួចចរចារឿងផ្គត់ផ្គង់អាវុធដោយសម្ងាត់។ រួចមកនៅក្នុងខែកញ្ញា លោក គីម ជុងអ៊ុន ក៏បានទៅធ្វើទស្សនកិច្ចនៅតំបន់ភាគកើតប្រទេសរុស្ស៊ី ហើយប៉ុន្មានសប្ដាហ៍បន្ទាប់ មន្ត្រីអាមេរិក ក៏បានប្រកាសថា កូរ៉េខាងជើងបានលួចដឹកអាវុធជាង ១០០០កុងតឺន័រឲ្យទៅរដ្ឋាភិបាលក្រុងមូស្គូ សម្រាប់ប្រើប្រាស់នៅក្នុងសង្គ្រាម។ លុះមកដល់ខែមីនា ឆ្នាំ២០២៤ អាមេរិកបានបញ្ជាក់ថា អាវុធដែលកូរ៉េខាងជើងលួចដឹកឲ្យទៅរុស្ស៊ី មានជិត៧០០០កុងតឺន័រហើយ។
ចំណែកឯកូរ៉េខាងត្បូងវិញ បានរៀបរាប់ថា អាវុធដែលកូរ៉េខាងជើង ដឹកទៅរុស្ស៊ី អាចជាប្រភេទគ្រាប់កាំភ្លើងធំប្រវែង ១៥២មិល្លីម៉ែត្រ ក្នុងចំនួន ៣លានគ្រាប់ ឬក៏ជាប្រភេទគ្រាប់រ៉ុក្កែតប្រវែង ១២២មិល្លីម៉ែត្រ ក្នុងចំនួនច្រើនជាង ៥០ម៉ឺនគ្រាប់។ លោក Shin Wok-sik រដ្ឋមន្ត្រីក្រសួងការពារជាតិកូរ៉េខាងត្បូង បានធ្វើការប៉ាន់ស្មានកាលពីពេលថ្មីៗនេះថា ចំនួនអាវុធដែលដោះដូររវាងក្រុងព្យុងយ៉ាង និងក្រុងមូស្គូ បានកើនឡើងដល់ខ្ទង់ ១ម៉ឺនកុងតឺន័រហើយ។ បន្ថែមពីនេះ កូរ៉េខាងត្បូង ថា អាវុធដែលដោះដូរ អាចមានដូចជា មីស៊ីលប្រឆាំងរថក្រោះ មីស៊ីលបាញ់ទៅអាកាស កាំភ្លើងធំ កាំភ្លើងវែង ប្រព័ន្ធបាញ់រ៉ុក្កែត និងគ្រាប់កាំភ្លើងធំ ជាដើម។
កាលពីខែមករា ដើមឆ្នាំ២០២៤ សេតវិមាន បានឲ្យដឹងថា រុស្ស៊ីចាប់ផ្ដើមប្រើប្រាស់មីស៊ីលបាលិស្ទិករយៈចម្ងាយខ្លីប្រភេទ Hwasong-11A វាយប្រហារលើអ៊ុយក្រែន ដែលគ្រឿងសព្វាវុធប្រភេទនេះត្រូវបានផលិតដោយកូរ៉េខាងជើង។
សូមបញ្ជាក់ថា បើទោះជាមានការចោទប្រកាន់ជាច្រើនហូរហែយ៉ាងណាក៏ដោយ ក៏សម្ព័ន្ធមិត្តទាំង២ បានបដិសេធមិនព្រមទទួលស្គាល់ការដោះដូរគ្រឿងសព្វាវុធទាំងអស់នេះឡើយ៕
ដោយ៖ ឈាង
ស្រាបៀរ Heineken® បាននាំមកនូវផលិតផលថែរក្សាស្បែក Heineken® Smootheriser ដែលមានចំនួនកំណត់មកប្រទេសកម្ពុជា
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?