ព័ត៌មានអន្ដរជាតិ
រុស្ស៊ី បញ្ចេញវីដេអូអួតពីសមត្ថភាពដ្រូនរបស់ខ្លួន អាចសណ្ដោងមនុស្ស និងបាញ់មីស៊ីល
យោធារុស្ស៊ី កំពុងសាកល្បងនូវសមត្ថភាពដ្រូនរបស់ខ្លួន សម្រាប់ប្រើប្រាស់នៅក្នុងសង្គ្រាមប្រយុទ្ធជាមួយអ៊ុយក្រែន។ គិតចាប់តាំងពីខែមករា ឆ្នាំ២០២៤ មកទល់នឹងពេលនេះ ក្រសួងការពារជាតិរុស្ស៊ី បានបង្ហោះវីដេអូនៅលើបណ្ដាញសង្គម បង្អួតពីដ្រូនចំនួន២ប្រភេទហើយ ដោយដ្រូនថ្មីចុងក្រោយនេះអាចសណ្ដោងមនុស្សទៅលើអាកាសបាន។
![](https://www.kampucheathmey.com/wp-content/uploads/2024/06/pokazany-kadry-vozmozhnostei-rossiiskogo-udarno-transportnogo-bpla-perun-7wayo0gt-1718471821.t.webp)
ដ្រូនខ្នាតធំរបស់រុស្ស៊ី ត្រូវគេឲ្យឈ្មោះថា “Perun”។ រុស្ស៊ី ថា ដ្រូនប្រភេទនេះមានស្លាបចំនួន ៨ ត្រួតពីលើគ្នា ហើយមានសមត្ថភាពសណ្ដោងបានដល់ ២០០គីឡូក្រាមឯណោះ ដែលអនុញ្ញាតឲ្យរដ្ឋាភិបាលក្រុងមូស្គូអាចដឹកជញ្ជូនសម្ភារៈយោធាទៅទ័ពជួរមុខបានយ៉ាងងាយ ជាពិសេសគឺជំនួយផ្នែកវេជ្ជសាស្ត្រ។ បន្ថែមពីនេះ វាក៏ទំនងជាអាចដឹកក្រុមទាហានរុស្ស៊ី ដើម្បីលួចវាយឆ្មក់ទ្រង់ទ្រាយតូចលើអ៊ុយក្រែនផងដែរ។
ដ្រូនមួយប្រភេទទៀតដែលធ្លាប់បង្ហាញកាលពីដើមឆ្នាំគឺជា ប្រភេទដ្រូនដែលមានស្លាបចំនួន ៤ មានបំពាក់ប្រព័ន្ធប្រឆាំងគ្រាប់មីស៊ីលរថក្រោះ ហើយវាមានសមត្ថភាពអាចបាញ់ទាំងនៅលើដី និងពេលហោះលើអាកាស។
ក្រសួងការពារជាតិរុស្ស៊ី បានប្រកាសថា ដ្រូនទាំងនេះ ត្រូវបានប្រើប្រាស់បច្ចេកវិទ្យាផលិតនៅក្នុងស្រុក ដោយមិនមានការចម្លងពីបរទេសនោះទេ។
ដ្រូន Perun របស់រុស្ស៊ី ត្រូវគេចាត់ទុកថាជាគូប្រជែង និងមានភាពស្រដៀងគ្នាច្រើនទៅដ្រូន Baba Yaga របស់អ៊ុយក្រែន។ យ៉ាងណាមិញ រុស្ស៊ី បានអះអាងថា ដ្រូនរបស់ខ្លួនមានសមត្ថភាពដឹកជញ្ជូនខ្លាំងជាងដ្រូនរបស់អ៊ុយក្រែន៕
សូមទស្សនាវីដេអូខាងក្រោម៖
ដោយ៖ ឈាង
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ