ព័ត៌មានអន្ដរជាតិ

រុស្ស៊ី បញ្ចេញវីដេអូអួតពីសមត្ថភាពដ្រូនរបស់ខ្លួន អាចសណ្ដោងមនុស្ស និងបាញ់មីស៊ីល

បានផុស

៣ ថ្ងៃ មុន

នៅ

ថ្ងៃអង្គារ ១៨ មិថុនា ២០២៤

ដោយ

យោធារុស្ស៊ី កំពុងសាកល្បងនូវសមត្ថភាពដ្រូនរបស់ខ្លួន សម្រាប់ប្រើប្រាស់នៅក្នុងសង្គ្រាមប្រយុទ្ធជាមួយអ៊ុយក្រែន។ គិតចាប់តាំងពីខែមករា ឆ្នាំ២០២៤ មកទល់នឹងពេលនេះ ក្រសួងការពារជាតិរុស្ស៊ី បានបង្ហោះវីដេអូនៅលើបណ្ដាញសង្គម បង្អួតពីដ្រូនចំនួន២ប្រភេទហើយ ដោយដ្រូនថ្មីចុងក្រោយនេះអាចសណ្ដោងមនុស្សទៅលើអាកាសបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដ្រូនខ្នាតធំរបស់រុស្ស៊ី ត្រូវគេឲ្យឈ្មោះថា “Perun”។ រុស្ស៊ី ថា ដ្រូនប្រភេទនេះមានស្លាបចំនួន ៨ ត្រួតពីលើគ្នា ហើយមានសមត្ថភាពសណ្ដោងបានដល់ ២០០គីឡូក្រាមឯណោះ ដែលអនុញ្ញាតឲ្យរដ្ឋាភិបាលក្រុងមូស្គូអាចដឹកជញ្ជូនសម្ភារៈយោធាទៅទ័ពជួរមុខបានយ៉ាងងាយ ជាពិសេសគឺជំនួយផ្នែកវេជ្ជសាស្ត្រ។ បន្ថែមពីនេះ វាក៏ទំនងជាអាចដឹកក្រុមទាហានរុស្ស៊ី ដើម្បីលួចវាយឆ្មក់ទ្រង់ទ្រាយតូចលើអ៊ុយក្រែនផងដែរ។

ដ្រូនមួយប្រភេទទៀតដែលធ្លាប់បង្ហាញកាលពីដើមឆ្នាំគឺជា ប្រភេទដ្រូនដែលមានស្លាបចំនួន ៤ មានបំពាក់ប្រព័ន្ធប្រឆាំងគ្រាប់មីស៊ីលរថក្រោះ ហើយវាមានសមត្ថភាពអាចបាញ់ទាំងនៅលើដី និងពេលហោះលើអាកាស។

ក្រសួងការពារជាតិរុស្ស៊ី បានប្រកាសថា ដ្រូនទាំងនេះ ត្រូវបានប្រើប្រាស់បច្ចេកវិទ្យាផលិតនៅក្នុងស្រុក ដោយមិនមានការចម្លងពីបរទេសនោះទេ។

ដ្រូន Perun របស់រុស្ស៊ី ត្រូវគេចាត់ទុកថាជាគូប្រជែង និងមានភាពស្រដៀងគ្នាច្រើនទៅដ្រូន Baba Yaga របស់អ៊ុយក្រែន។ យ៉ាងណាមិញ រុស្ស៊ី បានអះអាងថា ដ្រូនរបស់ខ្លួនមានសមត្ថភាពដឹកជញ្ជូនខ្លាំងជាងដ្រូនរបស់អ៊ុយក្រែន៕

សូមទស្សនាវីដេអូខាងក្រោម៖