ព័ត៌មានអន្ដរជាតិ
យោធាអ៊ីស្រាអែល អនុម័តផែនការវាយសងសឹកក្រុមហេសបូឡា
យោធាអ៊ីស្រាអែល កាលពីថ្ងៃទី១៨ ខែមិថុនា បានប្រកាសថា ផែនការវាយសងសឹកទៅលើក្រុមហេសបូឡា ត្រូវបានអនុម័តរួចហើយ បន្ទាប់ពីភាពតានតឹងនៃជម្លោះព្រំដែនរវាងអ៊ីស្រាអែល និងលីបង់ កំពុងកើនឡើងកម្ដៅកាន់តែខ្លាំង។
ក្នុងសេចក្ដីថ្លែងការណ៍របស់យោធាអ៊ីស្រាអែល បានឲ្យដឹងថា ប្រតិបត្តិការវាយសងសឹកនេះ នឹងបង្កើតឡើងរួមគ្នាដោយបញ្ជាការទ័ពភាគខាងជើង ដែលមានលោក Ori Gordin ជាមេបញ្ជាការ និងនាយកដ្ឋានប្រតិបត្តិការ ដែលមានលោក Oded Basiuk ជាអ្នកដឹកនាំ។ យោធាអ៊ីស្រាអែល បានបន្តថា ការអនុម័តផែនការសងសឹកនេះ ធ្វើឡើងដើម្បីជាការបង្កើនការត្រៀមខ្លួនរបស់កងទ័ពអ៊ីស្រាអែលនៅលើសមរភូមិប្រយុទ្ធ។
ការប្រកាសស្ដីពីការអនុម័តនេះទៀតសោត ធ្វើឡើងចំពេលដែលបេសកជនអាមេរិកលោក Amos Hochstein កំពុងធ្វើទស្សនកិច្ចនៅរដ្ឋធានី Beirut ប្រទេសលីបង់ ក្នុងគោលបំណងអំពាវនាវឲ្យមានការកាត់បន្ថយជម្លោះនៅតាមបន្ទាត់ព្រំដែនយោធារវាងអ៊ីស្រាអែល និងលីបង់។ មុន១ថ្ងៃទៅលីបង់ លោក Hochstein ក៏បានទៅប្រទេសអ៊ីស្រាអែលផងដែរ។ នៅទីនោះ លោកបានជំរុញឲ្យភាគីជម្លោះដោះស្រាយបញ្ហារួមគ្នា តាមរយៈមធ្យោបាយការទូត ជៀសវាងបន្តបង្កើតជម្លោះប្រដាប់អាវុធថែមទៀត។
ភាពតានតឹងរវាងអ៊ីស្រាអែល និងលីបង់ បានចាប់ផ្ដើមឡើងកាលពីថ្ងៃទី៨ ខែតុលា ឆ្នាំ២០២៣ ក្រោយពីក្រុមហេសបូឡា ដែលមានការគាំទ្រដោយអ៊ីរ៉ង់ បានបើកការវាយប្រហារដោយរ៉ុក្កែតជាច្រើនគ្រាប់ទៅលើអ៊ីស្រាអែល មួយថ្ងៃបន្ទាប់ពីការវាយប្រហាររបស់ក្រុមហាម៉ាស។ ជាការសងសឹក អ៊ីស្រាអែល បានបាញ់កាំភ្លើងធំសំដៅទៅភាគអាគ្នេយ៍ប្រទេសលីបង់។ ចាប់តាំងពីពេលនោះមក ជម្លោះប្រដាប់អាវុធបាននិងកំពុងកើតឡើងស្ទើរជារៀងរាល់ថ្ងៃរវាងភាគីទាំងសងខាង។ យ៉ាងណាមិញ ការវាយប្រហារកាលពីពេលថ្មីៗនេះ កាន់តែមានទ្រង់ទ្រាយធំឡើងៗ បន្ទាប់ពីអ៊ីស្រាអែលបានសម្លាប់លោក Taleb Abdallah មេបញ្ជាការមួយរូបរបស់ក្រុមហេសបូឡា។
យោងតាមទីភ្នាក់ងារព័ត៌មាន Reuters បានឲ្យដឹងថា អ៊ីស្រាអែលបានបើកការវាយប្រហារ និងសម្លាប់ក្រុមប្រយុទ្ធ Hezbollah នៅលីបង់ ច្រើនជាង ៣០០នាក់ឯណោះ ដោយក្នុងនោះមានជនស៊ីវិលប្រហែល៨០នាក់ ដែលតួលេខនេះគឺជាចំនួនខ្ពស់បំផុតមួយគិតចាប់តាំងពីឆ្នាំ២០០៦ បន្ទាប់ពីជម្លោះរ៉ាំរ៉ៃរវាងភាគីទាំង២។ ដោយឡែក បើតាមអ៊ីស្រាអែលវិញ ក្រុមលីបង់បានវាយប្រហារនិងសម្លាប់ទាហានរបស់ខ្លួនអស់ចំនួន ១៨នាក់ និងជនស៊ីវិល ១០នាក់៕
ដោយ៖ ឈាង
អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់
គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់
ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន
ប័ណ្ណសម្គាល់ជលយានចំនួន៩៨ប័ណ្ណ ត្រូវបានប្រគល់ជូនពលរដ្ឋស្រុកកោះកុង
ភាពតានតឹងលើបញ្ហាដំឡើងពន្ធរបស់អឺរ៉ុប បង្កកង្វល់នៃ «សង្រ្គាមពាណិជ្ជកម្មអឺរ៉ុប-ចិន»
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
រាជដំណាក់ព្រះមហាក្សត្រខ្មែរ លើកំពូលភ្នំបូកគោ រង់ចាំអនុញ្ញាតពីព្រះបរមរាជវាំង ជួសជុលតាមគំរូដើមឡើងវិញ
រលកកម្ដៅ៥២អង្សា ប្រល័យជីវិតអ្នកចូលរួមធម្មយាត្រា Hajj ជាង១០០០នាក់ហើយ
ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង
-
សន្តិសុខសង្គម៤ ថ្ងៃ agoជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ agoប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ agoសមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ agoUpdate៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ agoសមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ agoសមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ agoស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ