ព័ត៌មានអន្ដរជាតិ
ហ្វីលីពីន កាត់ទោសប៉ូលិស៤នាក់ ពាក់ព័ន្ធអំពើឃាតកម្មក្នុងសង្គ្រាមប្រឆាំងគ្រឿងញៀនរបស់ Duterte
ប៉ូលិសហ្វីលីពីនចំនួន ៤នាក់ ត្រូវបានរកឃើញថាមានពិរុទ្ធ កាលពីថ្ងៃទី១៨ ខែមិថុនា ពីបទសម្លាប់មនុស្ស២នាក់ អំឡុងពេលចុះអនុវត្តច្បាប់ប្រយុទ្ធប្រឆាំងគ្រឿងញៀនកាលពីអាណត្តិប្រធានាធិបតីលោក Rodrigo Duterte។
យោងតាមការចុះផ្សាយដោយសារព័ត៌មាន AFP, មន្ត្រីទាំង៤រូប ត្រូវបានកាត់ទោសឲ្យជាប់ពន្ធនាគាររយៈពេល១០ឆ្នាំ សម្រាប់អំពើឃាតកម្មកើតឡើងនៅក្នុងតំបន់អនាធិបតេយ្យមួយកន្លែងនៃរដ្ឋធានីម៉ានីល កាលពីឆ្នាំ២០១៦កន្លងទៅ។ ជនរងគ្រោះ គឺជាឪពុក និងកូនប្រុស ដែលត្រូវក្រុមប៉ូលិសបាញ់សម្លាប់ ទាំងដែលរូបគេទាំង២នាក់មិនជាប់ពាក់ព័ន្ធសោះឡើយជាមួយគ្រឿងញៀន ឬក៏មានអាវុធនៅក្នុងដៃសម្រាប់តតាំងជាមួយប៉ូលិស។
លោកស្រី Mary Ann Domingo ភរិយាជនរងគ្រោះ បានប្រាប់ថា ក្រោយការកាត់ទោសនេះ គាត់មានអារម្មណ៍ថាយុត្តិធម៌នៅតែមាន ហើយគាត់សង្ឃឹមថា ការកាត់ក្ដីនៅតែបន្តធ្វើឡើងទៀត ព្រោះមិនមែនមានតែគាត់ម្នាក់ទេ ដែលធ្លាប់ទទួលរងនូវអយុត្តិធម៌ ដោយនៅសល់ជនរងគ្រោះជាច្រើនទៀតកំពុងរង់ចាំយុត្តិធម៌ពីប្រព័ន្ធតុលាការ។
ប៉ូលិស ដែលត្រូវកាត់ទោស មានឈ្មោះ Virgilio Cervantes, Arnel de Guzman, Johnston Alacre និង Artemio Saguros។ ក្រៅតែពីជាប់ពន្ធនាគារ អ្នកទាំង៤ក៏ត្រូវតុលាការបង្គាប់ឲ្យបង់ប្រាក់សំណងចំនួន ៣០ម៉ឺនប៉េសូ ឬស្មើនឹងជាង ៥១០០ដុល្លារ ក្នុងម្នាក់ៗទៅកាន់ក្រុមគ្រួសារជនរងគ្រោះផងដែរ។
សូមបញ្ជាក់ថា ជនសង្ស័យគ្រឿងញៀនរាប់ពាន់នាក់ ត្រូវបានសម្លាប់ដោយក្រុមប៉ូលិស និងខ្មាន់កាំភ្លើងអាថ៌កំបាំង នៅក្នុងយុទ្ធនាការបង្ក្រាបគ្រឿងញៀនដ៏ធំបំផុតរបស់លោក Duterte កាលពីអំឡុងឆ្នាំ២០១៦ ដល់ឆ្នាំ២០២២។ ការបង្ក្រាបដែលឆក់យកជីវិតមនុស្សអស់ជាង ៦០០០នាក់នេះ ត្រូវបានគេរិះគន់ថា ជាការសម្លាប់ក្រៅប្រព័ន្ធតុលាការរបស់រដ្ឋាភិបាលហ្វីលីពីន ហើយបច្ចុប្បន្ន តុលាការឧក្រិដ្ឋកម្មអន្តរជាតិ ICC កំពុងស៊ើបអង្កេតអំពីករណីឃាតកម្មទាំងអស់នេះ៕
ដោយ៖ ឈាង
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?