ព័ត៌មានអន្ដរជាតិ
សមាជិក NATO ២៣ប្រទេស អាចសម្រេចគោលនយោបាយចំណាយ ២% នៃ GPD លើយោធា
ប្រទេសចំនួន២៣ ដែលស្ថិតនៅក្នុងចំណោមសមាជិកទាំង៣២របស់អង្គការណាតូ (NATO) កំពុងសម្រេចបាននូវគោលនយោបាយ ក្នុងការចំណាយថវិកាជាតិ ២% នៃ GDP សរុបនៅក្នុងប្រទេស ទៅលើវិស័យការពារជាតិ សម្រាប់ឆ្នាំ២០២៤។ នេះបើយោងតាមការប្រកាសរបស់លោក ចូ បៃឌិន ប្រធានាធិបតីអាមេរិក នៅថ្ងៃទី១៩ ខែមិថុនា។
![](https://www.kampucheathmey.com/wp-content/uploads/2024/06/cropped-NATO-1024x537.jpg)
លោក ចូ បៃឌិន បានប្រកាសថា តួលេខដែលជាកំណត់ត្រាថ្មីរបស់អង្គការណាតូ មានចំនួនកើនឡើងច្រើនជាង២ដង បើធៀបនឹងតួលេខកាលពីខែមករា ឆ្នាំ២០២១។ ប្រធានាធិបតីវ័យ៨១ឆ្នាំរូបនេះ បានបន្តថា បើគិតជាការចំណាយលើវិស័យការពារជាតិសរុបរបស់សមាជិកណាតូទាំងអស់ គឺមានការកើនឡើងចំនួន ១៨% ដែលជាកំណើនច្រើនបំផុតមិនធ្លាប់មាន ក្នុងរយៈពេលជាច្រើនទសវត្សកន្លងមកនេះ។
ចំណែកលោក Jens Stoltenberg អគ្គលេខាធិការអង្គការណាតូ បានឲ្យដឹងថា គោលការណ៍ ២% នៃ GDP សម្រាប់វិស័យការពារជាតិនេះ ធ្វើឡើងកាលពីកិច្ចប្រជុំឆ្នាំ២០១៤ នៅក្នុងប្រទេសវេលស៍។ យ៉ាងណាមិញ នៅកាលណោះ មានប្រទេសតិចតួចបំផុត ដែលអាចសម្រេចគោលនយោបាយនេះ។ មន្ត្រីជាន់ខ្ពស់របស់ណាតូរូបនេះ បាននិយាយតទៀតថា “កាលពី៥ឆ្នាំកន្លងទៅ មានសម្ព័ន្ធមិត្តតិចជាង ១០ប្រទេសប៉ុណ្ណោះ ដែលបានចំណាយ ២% នៃ GDP នៅលើវិស័យការពារជាតិ”។
សូមបញ្ជាក់ថា កិច្ចប្រជុំកំពូលអង្គការណាតូលើកទី៧៥ នឹងរៀបចំឡើងចាប់ពីថ្ងៃទី៩ ដល់ថ្ងៃទី១១ ខែកក្កដាខាងមុខ ដោយមានសហរដ្ឋអាមេរិកគឺជាម្ចាស់ផ្ទះ។ ជំនួបលើកនេះ នឹងផ្ដោតសំខាន់លើដំណោះស្រាយចំពោះបញ្ហាសង្គ្រាមនៅអ៊ុយក្រែន និងការត្រៀមបោះឆ្នោតរបស់សហរដ្ឋអាមេរិក នាខែវិច្ឆិកាខាងមុខ៕
ដោយ៖ ឈាង
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ