ព័ត៌មានអន្ដរជាតិ
រុស្ស៊ី-កូរ៉េខាងជើង នឹងជួយគ្នា បើបរទេសណា ហ៊ានឈ្លានពាន
ដំណើរទស្សនកិច្ចរបស់ប្រធានាធិបតីរុស្ស៊ីលោក វ្ល៉ាឌីមៀរ ពូទីន នៅប្រទេសកូរ៉េខាងជើង បានបញ្ចប់ហើយ ប៉ុន្តែអ្វីដែលគេចាប់អារម្មណ៍ខ្លាំងគឺកិច្ចព្រមព្រៀងមួយ ដែលបញ្ជាក់ថា សម្ព័ន្ធមិត្តទាំងពីរ នឹងជួយគ្នាទៅវិញទៅមក បើប្រទេសណាមួយត្រូវបរទេសឈ្លានពាន។
តាមសេចក្តីរាយការណ៍របស់ RT កាលពីថ្ងៃពុធទី១៩ខែមិថុនាឆ្នាំ២០២៤, លោក ពូទីន និងលោក គីម ជុងអ៊ុន បានចុះហត្ថលេខាលើកិច្ចព្រមព្រៀងជាច្រើនជាមួយគ្នាដូចជាទំនាក់ទំនង វប្បធម៌ ទេសចរណ៍ ពាណិជ្ជកម្ម សេដ្ឋកិច្ច និងសន្តិសុខ ជាដើម។
ដោយហៅវាថាជា “កិច្ចព្រមព្រៀងវិជ្ជមានប្រកបដោយផ្លែផ្កា”, លោកពូទីន និយាយថា “ឯកសារស្តីពីភាពជាដៃគូគ្រប់ជ្រុងជ្រោយ ដែលយើងបានចុះហត្ថលេខានៅថ្ងៃនេះ គឺសម្ព័ន្ធមិត្តទាំងពីរ នឹងជួយគ្នាទៅវិញទៅមក ក្នុងករណីមានការឈ្លានពានប្រឆាំងនឹងភាគីណាមួយ”។
លោកបន្តថា ទីក្រុងមូស្គូ គាំទ្រដល់ចេតនារបស់ទីក្រុងព្យុងយ៉ាង ក្នុងការការពារសន្តិសុខនិងអធិបតេយ្យរបស់ខ្លួន ពីការឈ្លានពានរបស់លោកខាងលិច។ ប្រទេសនេះ ចាត់ទុកសហរដ្ឋអាមេរិក និងសម្ព័ន្ធមិត្តរបស់គេ ថាជាអ្នកទទួលខុសត្រូវចំពោះភាពតានតឹងខ្លាំងឡើងៗ នៅក្នុងតំបន់។ ការឃោសនារបស់លោកខាងលិច មិនអាចលាក់បាំងចេតនាភូមិសាស្ត្រនយោបាយដ៏គឃ្លើនរបស់ពួកគេបានទៀតទេ រួមទាំងនៅអាស៊ីភាគពាយព្យផងដែរ។
មុនដំណើរទស្សនកិច្ចនេះ ប្រធានាធិបតីរុស្ស៊ី ធ្លាប់បានព្រមានទៅលោកសេរីរួចមកអំពីគោលបំណងរបស់ទីក្រុងកៀវ ក្នុងការប្រើអាវុធបស្ចិមប្រទេសដើម្បីវាយប្រហារចូលជ្រៅនៅក្នុងប្រទេសរុស្ស៊ី។ លោកក៏ព្រមាននៅដើមខែមិថុនាដែរថា ប្រសិនបើរឿងនេះកើតឡើងមែន ទីក្រុងមូស្គូ អាចជួយសព្វាវុធដូចគ្នា ទៅឲ្យសត្រូវរបស់លោកខាងលិច ដែលអាចបាញ់កម្ទេចទីតាំងយោធារបស់សហរដ្ឋអាមេរិក និងសម្ព័ន្ធមិត្តរបស់ពួកគេ។
សូមជម្រាបជាថ្មី លោក ពូទីន បានចាប់ផ្តើមដំណើរទស្សនកិច្ចផ្លូវរដ្ឋ នៅប្រទេសកូរ៉េខាងជើង កាលពីថ្ងៃពុធទី១៩ខែមិថុនា ដែលនេះជាដំណើរទស្សនកិច្ចលើកដំបូងក្នុងរយៈពេល២៤ឆ្នាំ។ ក្រោយចាកចេញពីទីក្រុងព្យុងយ៉ាង លោក ពូទីន ក៏បន្តដំណើរទៅវៀតណាម ទៀតសម្រាប់ដំណើរទស្សនកិច្ចផ្លូវរដ្ឋ តាមការអញ្ជើញរបស់លេខាបក្សវៀតណាមលោក Nguyen Phu Trong។
ទោះបីជាយ៉ាងណាក៏ដោយ ជុំវិញដំណើរទស្សនកិច្ចនៅកូរ៉េខាងជើង, សហគមន៍អន្តរជាតិបានបង្ហាញក្តីកង្វល់ជាពន់ពេក ដោយអគ្គលេខាធិការអង្គការណាតូ លោក Jens Stoltenberg និយាយថា សម្ព័ន្ធមិត្តយោធាមួយនេះ បារម្ភបំផុតអំពីរឿងម្យ៉ាងគត់ នោះគឺរុស្ស៊ីអាចផ្តល់ជំនួយដល់កម្មវិធីមីស៊ីលនិងនុយក្លេអ៊ែររបស់កូរ៉េខាងជើង៕
អត្ថបទ៖ សុខ សុវណ្ណ
ចុចអាន៖ រុស្ស៊ី-កូរ៉េខាងជើង ចុះកិច្ចព្រមព្រៀងភាពជាដៃគូយុទ្ធសាស្ត្រគ្រប់ជ្រុងជ្រោយ
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ