ព័ត៌មានអន្ដរជាតិ
ហ្វីលីពីន ប្រាប់ចិនថា កុំបានតែនិយាយតែអត់ធ្វើ
រដ្ឋាភិបាលហ្វីលីពីន កាលពីថ្ងៃទី១៩ ខែមិថុនា បានជំរុញឲ្យមហាយក្សចិនបញ្ចៀសនូវរាល់សកម្មភាពរបស់ខ្លួន ដែលអាចបង្កគ្រោះថ្នាក់ដល់ក្រុមនាវិក និងកប៉ាល់ នៅលើផ្ទៃសមុទ្រចិនខាងត្បូង។ បន្ថែមពីនេះ ហ្វីលីពីន និយាយថា សន្តិភាពមិនអាចសម្រេចបាននោះទេ ប្រសិនបើចិននិយាយផ្សេង តែធ្វើផ្សឹង នៅក្នុងជម្លោះដែនទឹកមួយនេះ។
ក្រសួងការបរទេសហ្វីលីពីន បានថ្កោលទោសចំពោះទង្វើរបស់ក្រុងប៉េកាំងថា “ខុសច្បាប់ និងឈ្លានពាន” នៅក្នុងការប៉ះទង្គិចគ្នារវាងកប៉ាល់ប្រទេសទាំង២នៅលើសមុទ្រចិនខាងត្បូង ដែលបានកើតឡើងកាលពីថ្ងៃទី១៧ ខែមិថុនាកន្លងទៅ ហើយបណ្ដាលឲ្យកងទ័ពជើងទឹកហ្វីលីពីនម្នាក់រងរបួសធ្ងន់ធ្ងរ ព្រមទាំងបង្កការខូចខាតដល់កប៉ាល់របស់ក្រុងម៉ានីល។
ហ្វីលីពីន បានរៀបរាប់ថា ខ្លួនកំពុងខិតខំប្រឹងប្រឹង ដើម្បីបង្កើតឲ្យបាននូវកិច្ចសន្ទនា និងការពិភាក្សាជាមួយប្រទេសចិន ពាក់ព័ន្ធនឹងជម្លោះដែនសមុទ្រ ដែលកំពុងកើនកម្ដៅគួរឲ្យកត់សម្គាល់។ យ៉ាងណាមិញ ហ្វីលីពីន បន្តថា ការចង់បានសន្តិភាពស្ថិតតែនៅលើបបូរមាត់ចិន តែជាក់ស្ដែងទង្វើដែលបង្ហាញមកគឺខុសស្រឡះពីនិយមន័យនៃសន្តិភាពទៅវិញ។
ចិន និងហ្វីលីពីន បានធ្វើជំនួប និងយល់ព្រមគ្នាលើការបង្កើនទំនាក់ទំនងដែនសមុទ្រ កាលពីខែមករា ដើមឆ្នាំ២០២៤។ ប៉ុន្តែមកទល់នឹងពេលនេះ ភាពតានតឹងរវាងប្រទេសទាំង២ហាក់មិនថមថយអ្វីឡើយ តែបែរជាកាន់តែថ្នើងថ្នាក់នឹងគ្នា ក៏ដូចជាការបង្កជម្លោះជាហូរហែមិនដាច់ស្រេចទាល់តែសោះ។
ក្រៅតែពីហ្វីលីពីន ទាំងចក្រភពអង់គ្លេស កាណាដា និងសហរដ្ឋអាមេរិក ក៏បានធ្វើការថ្កោលទោសផងដែរចំពោះទង្វើ និងការទាមទាររបស់ក្រុងប៉េកាំងនៅលើដែនសមុទ្រចិនខាងត្បូង ជាពិសេសនោះគឺការបង្កើតច្បាប់ថ្មីដោយឯកឯង ក្នុងការឃាត់ខ្លួនជនបរទេស ដែលបានចូលមកដែនសមុទ្រចិនខាងត្បូង ដោយមិនចាំបាច់កាត់ទោសជាមុន។ ច្បាប់ថ្មីរបស់ចិននេះ បានចូលជាធរមានកាលពីថ្ងៃទី១៥ ខែមិថុនាកន្លងទៅ។
ពាក់ព័ន្ធនឹងបញ្ហាជម្លោះដែនសមុទ្ររវាងហ្វីលីពីន និងចិន លោក Athony Blinken រដ្ឋមន្ត្រីក្រសួងការបរទេសអាមេរិក បានធ្វើការពិភាក្សាគ្នាមួយតាមរយៈទូរសព្ទជាមួយរដ្ឋាភិបាលក្រុងម៉ានីល ហើយអាមេរិកក៏បានបញ្ជាក់ឡើងវិញនូវការប្ដេជ្ញាចិត្តរបស់ខ្លួនជួយដោះស្រាយបញ្ហាជម្លោះនេះ ក្រោមសន្ធិសញ្ញាការពារជាតិរវាងសម្ព័ន្ធមិត្តទាំង២។
សូមបញ្ជាក់ថា សមុទ្រចិនខាងត្បូង ប្រៀបដូចជាសាច់ខ្លាញ់មួយដុំ ដែលមានសក្ដានុពលខ្លាំងចំពោះចរាចរណ៍ទំនិញអន្តរជាតិក្នុងតម្លៃជាង ៣ទ្រីលានដុល្លារឯណោះជាប្រចាំឆ្នាំ។ ចិនបានទាមទារអធិបតេយ្យភាពភាគច្រើននៅលើសមុទ្រចិនខាងត្បូង ដោយក្នុងនោះបូករួមទាំងផ្ទៃទឹកដែលត្រូវបានអះអាងដោយ ហ្វីលីពីន វៀតណាម ឥណ្ឌូណេស៊ី ម៉ាឡេស៊ី និងព្រុយណេ ផងដែរ។ ជាចំណាត់ការរបស់ហ្វីលីពីន ក្រុងម៉ានីលបានដាក់នាវាចម្បាំង១គ្រឿងនៅតំបន់ Second Thomas Shoal ចាប់តាំងពីឆ្នាំ១៩៩៩មកម៉្លេះ ដើម្បីបង្ហាញជាការជំទាស់ចំពោះការទាមទាររបស់ចិន៕
ដោយ៖ ឈាង
លោក នេត្រ ភក្រ្តា ៖ អ្នកផលិត មាតិកា គឺបានដើរតូនាទីសំខាន់ណាស់មិនមែនត្រឹមតែជាអ្នកនាំនូវការកំសាន្ត ចំណេះដឹង
សម្ដេចធិបតី និងលោកជំទាវ ចេញថ្លៃព្យាបាលទាំងស្រុងដល់នាយតាក់ស៊ី កំពុងមានជំងឺទឹកនោមផ្អែម ខ្សោយតម្រងនោម
នាយ តាក់ស៊ី រំភើបនិងដឹងគុណប្រមុខថ្នាក់ដឹកនាំកម្ពុជា ដែលឧបត្ថម្ភការព្យាបាលលោក នៅមន្ទីរពេទ្យព្រះកេតុមាលា ទាំងស្រុង
គូស្នេហ៍អ្នកផលិតមាតិកា មួយគូទៀតហើយ ចង់លាពាក្យថា “សង្សារ” ធ្វើជាដៃគូជីវិត (មានវីដេអូ)
នាយឧត្តមសេនីយ៍ មាស វីរិទ្ធ អាជ្ញាធរគ្រប់ថ្នាក់ មេភូមិ មេឃុំ ទទួលចំណេះដឹងលើការងារផ្សព្វផ្សាយ អប់រំ និងការប្រើប្រាស់App NoDrug
វៀតណាម នឹងរំលាយចោលក្រសួងចំនួន ៥
ត្រាំ ព្រមានក្រុមហាម៉ាស ថា នឹងជួបអាសន្នធំ បើមិនដោះលែងចំណាប់ខ្មាំង មុនគាត់ចូលកាន់តំណែង
ក្រោយឮថាលែងប្រពន្ធមកយក Janie តួប្រុស Aum ចេញមុខបកស្រាយភ្លាមៗ
មហាជនស្ញប់ស្ញែងសមត្ថភាពលោក ហេង ប៊ុនលាភ និងចាត់ទុកជាធនធានអ្នកសិល្បៈមួយរូប មិនគួរមើលរំលង
សម្ដេចធិបតី និងលោកជំទាវ ចេញថ្លៃព្យាបាលទាំងស្រុងដល់នាយតាក់ស៊ី កំពុងមានជំងឺទឹកនោមផ្អែម ខ្សោយតម្រងនោម
-
ព័ត៌មានជាតិ៤ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៦ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
សេដ្ឋកិច្ច៣ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ជីវិតកម្សាន្ដ៤ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ព័ត៌មានជាតិ៥ ថ្ងៃ agoEmirates នឹងតភ្ជាប់កម្ពុជាទៅកាន់១៤៨ គោលដៅក្នុង៨០ ប្រទេសនៅលើសកលលោក
-
ព័ត៌មានជាតិ២ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
បច្ចេកវិទ្យា១ សប្តាហ៍ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា