ព័ត៌មានអន្ដរជាតិ
លោក Blinken រិះគន់សកម្មភាពចិន ដែលរារាំងហ្វីលីពីននៅសមុទ្រចិនខាងត្បូង
យោងតាមការចេញផ្សាយរបស់ទូរទស្សន៍ជាតិជប៉ុននៅថ្ងៃទី២០ ខែ មិថុនានេះ រដ្ឋមន្ត្រីការបរទេសអាមេរិកលោក Antony Blinken បានរិះគន់សកម្មភាពរបស់ចិនដែលរារាំងហ្វីលីពីននៅសមុទ្រចិនខាងត្បូង ថាជាការបំផ្លាញសន្តិភាព និងស្ថិរភាពក្នុងតំបន់។
![](https://www.kampucheathmey.com/wp-content/uploads/2024/06/2024-04-02T142537Z_1258540028_RC2EY6AO80UA_RTRMADP_3_FRANCE-USA_2024_04_02_22_34_35.jpg)
ក្រសួងការបរទេសអាមេរិកបានឲ្យដឹងថា លោក Blinken បានពិភាក្សាតាមទូរស័ព្ទជាមួយរដ្ឋមន្ត្រីការបរទេសហ្វីលីពីន Enrique Manalo កាលពីថ្ងៃពុធ ដោយលោក Blinken បានគូសបញ្ជាក់ពីការប្តេជ្ញាចិត្តរបស់សហរដ្ឋអាមេរិកចំពោះហ្វីលីពីនក្រោមសន្ធិសញ្ញាការពារទៅវិញទៅមករវាងសម្ព័ន្ធមិត្តទាំងពីរ។
កិច្ចពិភាក្សានេះបានធ្វើឡើងបន្ទាប់ពី បេសកកម្មរបស់ហ្វីលីពីនក្នុងការផ្គត់ផ្គង់តាមកប៉ាល់ទៅកាន់ប៉ុស្តិ៍យោធានៅថ្មប៉ប្រះទឹក The Second Thomas Shoal ត្រូវបានរំខានដោយនាវាឆ្មាំឆ្នេរសមុទ្រចិន ខណៈក្នុងហេតុការណ៍នោះ មានកងទ័ពជើងទឹកហ្វីលីពីនម្នាក់ ត្រូវរបួសធ្ងន់ ហើយយោធាហ្វីលីពីនហៅឧបទ្ទវហេតុនោះថាជាការវាយប្រហារដោយចេតនាពីសំណាក់ឆ្មាំសមុទ្រចិន។។
![](https://www.kampucheathmey.com/wp-content/uploads/2024/06/4423811-323823318-1.jpg)
បើយោងតាមការចេញផ្សាយវីដេអូថ្មីកាលពីថ្ងៃពុធបានបង្ហាញពីបុគ្គលិកឆ្មាំឆ្នេរសមុទ្រចិនវាយប្រហារនាវាហ្វីលីពីនជាមួយនឹងដំបង ខណៈទូកឆ្មាំឆ្នេរតូចៗក៏ត្រូវបានគេឃើញបើកចូលក្នុងនាវាផងដែរ។
គួរបញ្ជាក់ថាទីក្រុងវ៉ាស៊ីនតោនបានអំពាវនាវម្តងហើយម្តងទៀតឱ្យប្រទេសចិនមានការអត់ធ្មត់លើដែនទឹកនៅជិត The Second Thomas Shoal ប៉ុន្តែការអំពាវនាវនេះហាក់ដូចជាមិនមានសញ្ញានៃការបន្ថយភាពតានតឹងនោះទេ៕
![](https://www.kampucheathmey.com/wp-content/uploads/2024/06/19-blinken-ghcv-videoSixteenByNine3000-scaled.jpg)
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព