ព័ត៌មានអន្ដរជាតិ
ហេតុអ្វី គីម ជុងអ៊ុន ជូនកាដូសត្វឆ្កែមួយគូ ឲ្យលោក ពូទីន?
កាលពីថ្ងៃពុធទី១៨ខែមិថុនាឆ្នាំ២០២៤ ប្រធានាធិបតីរុស្ស៊ី វ្ល៉ាឌីមៀរ ពូទីន បានមកដល់ប្រទេសកូរ៉េខាងជើង ក្នុងដំណើរទស្សនកិច្ចលើកដំបូង នារយៈពេល២៤ឆ្នាំចុងក្រោយ ដោយបានចុះហត្ថលេខាលើកិច្ចព្រមព្រៀងសំខាន់ៗជាច្រើន ហើយក៏ពាំនាំយកកាដូ ៣មុខ ជូនលោក គីម ជុងអ៊ុន ផងដែរ។
![](https://www.kampucheathmey.com/wp-content/uploads/2024/06/image-1121.png)
កាដូទាំង៣មុខដែលលោក ពូទីន ជូនលោក គីម មានដូចជារថយន្តប្រណីត១គ្រឿងម៉ាក Aurus Senat, ឈុតផឹកតែ១ឈុត និងកូនកាំបិតកងទ័ព១ដើម។
ទោះបីជាយ៉ាងណាក៏ដោយ មុនពេលចាកចេញពីកូរ៉េខាងជើង ទៅវៀតណាម លោក គីម មិនឲ្យលោក ពូទីន ទៅដោយដៃទទេឡើយ ពោលមេដឹកនាំកូរ៉េខាងជើង ក៏មានកាដូជូនប្រធានាធិបតីរុស្ស៊ីវិញដែរ នោះគឺជាសត្វឆ្កែពូជ Pungsan មួយគូ។
![](https://www.kampucheathmey.com/wp-content/uploads/2024/06/image-1122.png)
ហេតុអ្វីលោក គីម ជូនសត្វឆ្កែពូជនេះទៅលោក ពូទីន?
តាមការបញ្ជាក់, Pungsan គឺជាពូជឆ្កែប្រមាញ់ ដែលមានដើមកំណើតចេញមកពីតំបន់ភាគខាងជើងនៃឧបទ្វីបកូរ៉េ ហើយសត្វឆ្កែប្រភេទនេះ គឺល្បីឈ្មោះដោយសារភាពវៃឆ្លាតនិងភាពស្មោះត្រង់របស់វា។ ជាពិសេសវាត្រូវបានចាត់ទុកថាជាសម្បត្តិជាតិរបស់ប្រទេសកូរ៉េខាងជើង ទៀតផង។
![](https://www.kampucheathmey.com/wp-content/uploads/2024/06/image-1124.png)
មូលហេតុនៅពីក្រោយកាដូមួយនេះគឺថា លោកពូទីន ជាមនុស្សស្រឡាញ់ចូលចិត្តសត្វ ជាពិសេសសត្វឆ្កែតែម្តង។ មិនមែនតែលោកគីមទេ មេដឹកនាំប្រទេសផ្សេងៗ ក៏តែងផ្តល់សត្វឆ្កែដល់គាត់ដែរ ហើយគាត់ខ្លួនឯងផ្ទាល់ ក៏ផ្តល់សត្វឆ្កែដល់ក្មេងៗតែញឹកផងដែរ ឲ្យតែមានការស្នើសុំ។
យ៉ាងណាក្តី នេះមិនមែនទើបលើកដំបូងទេ ដែលកូរ៉េខាងជើង ផ្តល់កាដូបែបនេះ ទៅឲ្យប្រមុខដឹកនាំបរទេស។ ជាក់ស្តែង កាលពីឆ្នាំ២០១៨ ទីក្រុងព្យុងយ៉ាង ក៏ជូនសត្វឆ្កែពូជ Pungsan នេះមួយគូឈ្មោះ Gomi និង Songgang ឲ្យអតីតប្រធានាធិបតីកូរ៉េខាងត្បូងលោក មូន ចេអ៊ីន ផងដែរ ខណៈពេលនោះ ទំនាក់ទំនងរវាងបងប្អូនកូរ៉េខាងទាំងពីរ ហាក់មិនយ៉ាប់យ៉ឺនខ្លាំងដូចបច្ចុប្បន្នឡើយ៕
អត្ថបទ៖ សុខ សុវណ្ណ
ចុចអាន៖ ពូទីន ធ្វើតៃកុង បើករថយន្តជូន គីម ជុងអ៊ុន ដើរកម្សាន្ត
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ