ព័ត៌មានអន្ដរជាតិ
រុស្ស៊ី-វៀតណាម ចុះកិច្ចព្រមព្រៀងជាង ១០ អំឡុងដំណើរទស្សនកិច្ចលោក ពូទីន នៅហាណូយ
ក្រោយបញ្ចប់បេសកកម្មនៅកូរ៉េខាងជើង លោក វ៉្លាឌឺមៀ ពូទីន បានឈានជើងទៅដល់ប្រទេសវៀតណាមហើយ នៅថ្ងៃទី២០ ខែមិថុនា ឆ្នាំ២០២៤ ដើម្បីបន្តដំណើរទស្សនកិច្ចផ្លូវរដ្ឋរវាងប្រទេសសម្ព័ន្ធមិត្តទាំង២។
បើយោងតាមការចុះផ្សាយរបស់សារព័ត៌មានរដ្ឋរុស្ស៊ី RBC, រដ្ឋាភិបាលក្រុងមូស្គូ និងរដ្ឋាភិបាលក្រុងហាណូយ បានចេញនូវសេចក្ដីថ្លែងការណ៍រួមគ្នា ក្នុងការពង្រឹងភាពជាដៃគូយុទ្ធសាស្ត្រ និងការចុះហត្ថលេខាលើកិច្ចព្រមព្រៀងជាង ១០ឯកសារឯណោះ។ សារព័ត៌មាន RBC បានឲ្យដឹងថា ក្នុងចំណោមកិច្ចព្រមព្រៀងទាំងនោះ មានមួយស្ដីពីការបង្កើតមជ្ឈមណ្ឌលបច្ចេកវិទ្យានុយក្លេអ៊ែរនៅវៀតណាម។ យ៉ាងណាមិញ ចំពោះកិច្ចព្រមព្រៀងដទៃទៀត មិនទាន់មានការបង្ហាញឲ្យដឹងនៅឡើយទេ តែ RBC ថា វានឹងផ្ដោតសំខាន់លើកិច្ចសហប្រតិបត្តិការវិស័យការពារជាតិ និងសន្តិសុខ។
ក្រៅពីចុះកិច្ចព្រមព្រៀងខាងលើ លោក ពូទីន ទំនងជាជួបពិភាក្សាបន្ថែមទៀតក្រៅផ្លូវការជាមួយប្រធានាធិបតីវៀតណាម និងមន្ត្រីជាន់ខ្ពស់មួយចំនួន។
លោក ពូទីន ធ្លាប់ទៅប្រទេសវៀតណាម៤ដងរួចមកហើយ ក្នុងនោះមាន៣ដងស្ថិតក្នុងក្របខ័ណ្ឌនៃដំណើរទស្សនកិច្ចផ្លូវការនិងរដ្ឋក្នុងឆ្នាំ២០០១, ២០០៦ ឆ្នាំ ២០១៣ ចំណែកមួយដងទៀតគឺក្នុងឆ្នាំ២០១៧ នៅពេលលោកមកទីក្រុង Da Nang ដើម្បីចូលរួមកិច្ចប្រជុំកំពូល APEC។
វៀតណាម បានបង្កើតទំនាក់ទំនងការទូតជាមួយរុស្ស៊ីដែលជាអតីតសហភាពសូវៀត ក្នុងឆ្នាំ១៩៥០។ ក្រោយមក ប្រទេសទាំងពីរ បានអភិវឌ្ឍទំនាក់ទំនងទៅជាភាពជាដៃគូយុទ្ធសាស្ត្រគ្រប់ជ្រុងជ្រោយក្នុងឆ្នាំ២០១២ ហើយប្រទេសទាំងពីរ បានចុះហត្ថលេខាលើកិច្ចព្រមព្រៀងសហប្រតិបត្តិការជាង ១០០ ក្នុងវិស័យសេដ្ឋកិច្ច ពាណិជ្ជកម្ម វិនិយោគ សន្តិសុខ និងការពារជាតិ៕
ដោយ៖ ឈាង
ចុចអាន៖ លោក ពូទីន មកដល់ វៀតណាម ដើម្បីចាប់ផ្តើមដំណើរទស្សនកិច្ចដ៏សំខាន់
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា