ព័ត៌មានអន្ដរជាតិ
តៃវ៉ាន់ ថា ខ្លួនរៀនសូត្រពីអ៊ុយក្រែន ទប់ស្កាត់ការឈ្លានពានពីបរទេស
តៃវ៉ាន់ កំពុងតាមដានសង្គ្រាមរវាងរុស្ស៊ី និងអ៊ុយក្រែន យ៉ាងយកចិត្តទុកដាក់ ហើយក៏បានរៀនសូត្រពីរដ្ឋាភិបាលក្រុងកៀវ ដើម្បីជាការរៀបចំខ្លួនទប់ស្កាត់ការឈ្លានពានពីមហាយក្សចិន។ នេះបើយោងតាមការប្រកាសរបស់លោកស្រី Hsiao Bi-khim អនុប្រធានាធិបតីតៃវ៉ាន់ ថ្លែងទៅកាន់សារព័ត៌មាន The i របស់អង់គ្លេស កាលពីថ្ងៃទី២០ ខែមិថុនា ឆ្នាំ២០២៤។
![](https://www.kampucheathmey.com/wp-content/uploads/2024/06/Hsia-Bi-khim-2_Courtesy-of-AP_CLR-1200x675-1-1024x576.jpg)
អនុប្រធានាធិបតីតៃវ៉ាន់ បាននិយាយថា “យើងកំពុងរៀនពីការការពាររបស់អ៊ុយក្រែន ដែលកម្លាំងប្រយុទ្ធតូចជាង អាចមានភាពរហ័សរហួន និងសម្របខ្លួនបានល្អ”។ លោកស្រី បន្តថា ដរាបណាចិនមិនទាន់បញ្ឈប់បំណងប្រើប្រាស់កម្លាំងយោធាប្រឆាំងតៃវ៉ាន់ នោះតៃវ៉ាន់នឹងនៅតែបន្តបង្កើនកម្លាំងការពារជាតិឲ្យកាន់តែរឹងមាំឡើងថែមទៀត តាមរយៈការធ្វើកំណែទម្រង់ និងវិមជ្ឈការរចនាសម្ព័ន្ធបញ្ជាការយោធា។ លោកស្រី Bi-khim បានបញ្ជាក់ទៀតថា ដោយយកគំរូតាមអ៊ុយក្រែនដែលរងការឈ្លានពានពីរុស្ស៊ី តៃវ៉ាន់មិនអាចមើលស្រាលលើពាក្យថា សន្ដិភាព បានទេ ហើយតៃវ៉ាន់នឹងត្រូវតែបន្ថែមកញ្ចប់ថវិកាការពារជាតិឲ្យបានទ្វេដង សម្រាប់ត្រៀមខ្លួនឲ្យរួចរាល់ទប់ទល់នឹងមហាយក្សចិន បើសិនជាសង្គ្រាមផ្ទុះឡើងមែន។
អ្នកនយោបាយវ័យ៥២ឆ្នាំរបស់តៃវ៉ាន់ បានសង្កត់ធ្ងន់ដែរថា រដ្ឋាភិបាលក្រុងតៃប៉ុ ក៏បានបន្ថែមរយៈពេលនៃការហ្វឹកហាត់ និងកាតព្វកិច្ចយោធា ដោយពីមុនត្រូវធ្វើរយៈពេល៤ខែ តែឥលូវត្រូវធ្វើដល់១ឆ្នាំពេញឯណោះ។
សូមបញ្ជាក់ថា លោក Joseph Wu រដ្ឋមន្ត្រីក្រសួងការបរទេសតៃវ៉ាន់ ធ្លាប់បានប្រកាសកាលពីខែឧសភាកន្លងទៅថា ប្រសិនបើអ៊ុយក្រែនចាញ់សង្គ្រាម នោះវាប្រៀបដូចជាការលើកទឹកចិត្តនៃឥទ្ធិពលផ្ដាច់ការឲ្យចិននឹងនៅតែបន្តមានមហិច្ឆតា ចង់បង្កើនអំណាចខ្លួននៅឥណ្ឌូប៉ាស៊ីហ្វិក ដែលជាការគំរាមកំហែងយ៉ាងសាហាវមួយសម្រាប់សហគមន៍អន្តរជាតិ៕
ដោយ៖ ឈាង
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ