ព័ត៌មានអន្ដរជាតិ

ប្រមុខ UN ព្រមានពីការប្រយុទ្ធគ្នាកាន់តែខ្លាំង រវាងអ៊ីស្រាអែលនិង ក្រុមហេសបូឡា

បានផុស

៣ ខែ មុន

នៅ

ថ្ងៃសៅរ៍ ២២ មិថុនា ២០២៤

ដោយ

តាមការចេញផ្សាយរបស់ទូរទស្សន៍ជាតិជប៉ុន, ក្នុងសន្និសីទសារព័ត៌មានមួយនៅទីស្នាក់ការអង្គការសហប្រជាជាតិ កាលពីថ្ងៃសុក្រទី២១ខែមិថុនាឆ្នាំ២០២៤ អគ្គលេខាធិការអង្គការសហប្រជាជាតិ លោក Antonio Guterres បានចេញការព្រមានអំពីហានិភ័យនៃជម្លោះកាន់តែខ្លាំងឡើងរវាងកងកម្លាំងអ៊ីស្រាអែល និងក្រុមហេសបូឡា នៅប្រទេសលីបង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Guterres បានឲ្យដឹងថា ប្រជាជនក្នុងតំបន់និងពិភពលោក មិនចង់ឱ្យប្រទេសលីបង់ក្លាយដូចជាតំបន់ ហ្គាហ្សាឡើយ ខណៈការផ្លាស់ប្តូរមួយរំពេចអាចបង្កមហន្តរាយហួសពីការគិត។

ការធ្វើសន្និសីទសារព័ត៌មាននេះកើតឡើង បន្ទាប់ពីក្រុមអ្នកប្រយុទ្ធហេសបូឡា តាំងចិត្តគាំទ្រកាន់តែខ្លាំងលើក្រុមហាម៉ាសតាមរយៈបង្កើនការវាយប្រហារជាមួយអ៉ីស្រាអែល ហើយនិយាយថាពួកគេនឹងមិនបញ្ឈប់ការប្រយុទ្ធឡើយ រហូតដល់អ៊ីស្រាអែលបញ្ចប់ការឈ្លានពានរបស់ខ្លួននៅតំបន់ហ្គាហ្សា។ ស្របពេលជាមួយគ្នានេះ កងកម្លាំងអ៊ីស្រាអែលក៏បានបន្តការវាយប្រហាររបស់ខ្លួនដែរ។

ចាប់តាំងពីជម្លោះជាមួយក្រុមហាម៉ាសបានចាប់ផ្តើមនៅក្នុងខែតុលាមក អ៉ីស្រាអែលបានសម្លាប់មេបញ្ជាការក្រុមហេសបូឡាជាច្រើននាក់ និងយុទ្ធជនយ៉ាងហោចណាស់ ៣០០នាក់។ នៅសប្តាហ៍នេះអ៉ីស្រាអែលក៏បានប្រកាសអនុម័តផែនការប្រតិបត្តិការសម្រាប់ការវាយលុកនៅក្នុងប្រទេសលីបង់ថែមទៀត។

គួរបញ្ជាក់ថាមេដឹកនាំអាមេរិកកំពុងស្វះស្វែងរកវិធី ដើម្បីរារាំការកើងឡើងនេះ ដោយរដ្ឋមន្ត្រីការបរទេសលោក Antony Blinken បានជួបកាលពីថ្ងៃព្រហស្បតិ៍នៅទីក្រុងវ៉ាស៊ីនតោនជាមួយមេដឹកនាំអ៊ីស្រាអែល ដើម្បីជំរុញឱ្យមានដំណោះស្រាយការទូតមួយ ដើម្បីធានាសុវត្ថិភាពរបស់ជនស៊ីវិលអ៊ីស្រាអែល និងលីបង់ និងសម្រាប់វឌ្ឍនភាពលើបទឈប់បាញ់នៅតំបន់ហ្គាហ្សា។ លើសពីនេះ ប្រធានាធិបតី Joe Biden ក៏បានបញ្ជូនបេសកជនពិសេសទៅជួបជាមួយមេដឹកនាំលីបង់ និងអ៊ីស្រាអែលដើម្បីចរចារបញ្ជប់ជម្លោះផងដែរ៕