ព័ត៌មានអន្ដរជាតិ
យីហោ Dior រងរឿងអាស្រូវ ថា ផលិតកាបូបអន់បោកទំនុកចិត្តអ្នកប្រើប្រាស់
ឧស្សាហកម្មម៉ូដពិភពលោក មានការភ្ញាក់ផ្អើលយ៉ាងខ្លាំងចំពោះរឿងអាស្រូវរបស់ម៉ាកយីហោម៉ូដប្រណីតរបស់បារាំងគឺ Christian Dior នៅពេលដែលប្រេនមានកេរ្តិ៍ឈ្មោះល្បីនេះ ស្រាប់តែក្លាយជាអ្នកបោកប្រាស់នៅក្នុងភ្នែករបស់អ្នកដើរតាមម៉ូដ។
មែនទែនទៅ រឿងអាស្រូវរបស់ Dior ត្រូវបានលាតត្រដាងដោយប្រព័ន្ធផ្សព្វផ្សាយអន្តរជាតិ កាលពីថ្ងៃទី ១០ ខែមិថុនា។ មូលហេតុមកពីដំណាក់កាលផលិត និងតម្លៃពិតនៃការផលិតកាបូបប្រណីតដែលមានស្លាកយីហោ Dior។ ជាក់ស្តែង យោងតាមព័ត៌មានរបស់ JTBC (ប្រទេសកូរ៉េ) កាបូប Dior មានតម្លៃពិតប្រាកដត្រឹមតែ ៦០ ដុល្លារប៉ុណ្ណោះ ប៉ុន្តែនៅពេលដែលវាទៅដល់ដៃអ្នកតាមដានម៉ាកនេះ ចំនួនបានកើនឡើងរាប់រយដងដល់ ២,៩០០ដុល្លារ។
នេះបានបង្កើតកំហឹងយ៉ាងឆាប់រហ័សក្នុងឧស្សាហកម្មម៉ូដ។ អ្នកប្រើប្រាស់តែងតែសម្តែងការខកចិត្តរបស់ពួកគេ និងរិះគន់ Dior ចំពោះការបោកបញ្ឆោតអតិថិជន និងការបង្កើនតម្លៃនៃទំនិញដែលមានគុណភាពអន់។
![](https://www.kampucheathmey.com/wp-content/uploads/2024/06/image-1289-1024x768.png)
ទោះជាយ៉ាងណាក៏ដោយ រឿងអាស្រូវនេះមិនបានឈប់ត្រឹមនេះទេ នៅពេលដែលវីដេអូឃ្លិបមួយថតពីដំណើរការផលិតរបស់ Dior នៅក្នុងប្រទេសអ៊ីតាលី ត្រូវបានប្រព័ន្ធផ្សព្វផ្សាយបង្ហោះភ្លាមៗ។ ក្រឡេកមកមើលវីដេអូឃ្លិបវិញ ពិតជាគួរឲ្យភ្ញាក់ផ្អើលមែនទែន ដែលម៉ាកយីហោសម្លៀកបំពាក់មួយដាក់ស្លាកថាជាផលិតផលប្រណិត មានបរិយាកាសផលិតកម្មអន់ខ្លាំង។ សម្ភារសម្រាប់ធ្វើកាបូបជាបន្តបន្ទាប់ត្រូវបានគរពេញដោយធូលី ហើយកន្លែងរស់នៅរបស់បុគ្គលិកក៏មានសភាពអាក្រក់ដូចគ្នា។ ប៉ុន្តែអ្វីដែលគួរឲ្យភ្ញាក់ផ្អើលជាងនេះទៅទៀតនោះគឺថា កាបូបថោកៗមានស្លាកថា ផលិតនៅប្រទេសអ៊ីតាលី តាមពិតគឺធ្វើឡើងដោយកម្មករអន្តោប្រវេសន៍ខុសច្បាប់។
យោងតាមសារព័ត៌មាន Milano Today បានរាយការណ៍ថា ដោយសារតែ Dior ចង់កាត់បន្ថយថ្លៃដើមផលិតកម្ម ពួកគេបានប្រើប្រាស់ភាគីទីបីដែលជាក្រុមហ៊ុនខ្មោចនៅក្នុងប្រទេសចិន ដើម្បីជួលកម្មករអន្តោប្រវេសន៍ខុសច្បាប់ (អ្នកទាំងនេះភាគច្រើនជាជនជាតិចិន និងហ្វីលីពីន)។ កម្មករខុសច្បាប់ទាំងនេះត្រូវធ្វើការ និងរស់នៅក្នុងតំបន់ផលិតកម្មដែលមានជីវភាពក្រីក្រ និងគ្មានការធានាសុវត្ថិភាពការងារ ហើយវាមិនខុសទេក្នុងការប្រៀបធៀបកន្លែងផលិតរបស់ Dior ក្នុងប្រទេសអ៊ីតាលីទៅនឹងអនាធិបតេយ្យសម្រាប់កម្មករ។ ឆ្លៀតយកប្រយោជន៍ពីការពិតដែលថាពួកគេជាជនអន្តោប្រវេសន៍គ្មានឯកសារ និងជាកម្មករខុសច្បាប់ Dior និងក្រុមហ៊ុនខ្មោចបានបង្ខំឲ្យប្រាក់ឈ្នួលទាប ប៉ុន្តែត្រូវធ្វើការ២៤ម៉ោង ។
បន្ទាប់ពីការស៊ើបអង្កេតជាង ៣ ខែដោយទីភ្នាក់ងារការពារការងារ Milan ភស្តុតាងជាច្រើនដែលចងក្រងឯកសាររឿងអាស្រូវរបស់ Dior នៅក្នុងប្រទេសអ៊ីតាលី ត្រូវបានផ្សព្វផ្សាយជាសាធារណៈដោយ Carabinieri ដោយមិនបាត់បង់ព័ត៌មានលម្អិតតែមួយ។ តុលាការទីក្រុង Milan ក៏បានបើកការកាត់ក្តីយ៉ាងឆាប់រហ័សសម្រាប់ម៉ាកសម្លៀកបំពាក់ប្រណីតនេះ។ ចៅក្រមបានចេញបញ្ជាឲ្យអនុវត្តវិធានការការពារផ្នែករដ្ឋបាលរបស់តុលាការ ប្រឆាំងនឹងរោងចក្រផលិតកាបូប Dior ក្នុងប្រទេសអ៊ីតាលី។ លើសពីនេះ ម៉ាកម៉ូដលំដាប់ខ្ពស់ក៏ត្រូវស្ថិតក្រោមការគ្រប់គ្រងរបស់អ្នកគ្រប់គ្រងតុលាការរយៈពេល ១ ឆ្នាំ។
បច្ចុប្បន្ន Dior មិនទាន់មានការឆ្លើយតបជាផ្លូវការអំពីការបន្លំអ្នកប្រើប្រាស់ និងកេងប្រវ័ញ្ចកម្លាំងពលកម្មទេ។ ភាគហ៊ុនរបស់ម៉ាកនេះកំពុងធ្លាក់ចុះយ៉ាងខ្លាំង ហើយកេរ្តិ៍ឈ្មោះរបស់វាស្ទើរតែសូន្យនៅក្នុងក្រសែភ្នែករបស់អ្នកដើរតាមម៉ូដ។ សូម្បីតែទីផ្សារកូរ៉េ ដែលប្រើប្រាស់កាបូប Dior ច្រើនជាងគេទីពីរនៅអាស៊ីបានចាប់ផ្តើមងាកមុខចេញដូចគ្នា ។ ពួកគេមានអារម្មណ៍ថាចាញ់បោកគេ ដោយសារពួកគេត្រូវចំណាយប្រាក់ច្រើនដងដើម្បីទទួលបានកាបូបដែលមានគុណភាពទាប៕
![](https://www.kampucheathmey.com/wp-content/uploads/2024/06/image-1286.png)
អត្ថបទ៖ សាង ស្រីល័ក្ខ
ចុចអាន៖Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក