ព័ត៌មានអន្ដរជាតិ
ការវាយប្រហារភេរវកម្មបណ្តាក់គ្នាដ៏រន្ធត់នៅរុស្ស៊ី ផ្តាច់ជីវិតមនុស្សរាប់សិបនាក់
សេចក្តីរាយការណ៍របស់ AP នៅថ្ងៃចន្ទទី២៤ខែមិថុនា ការវាយប្រហារភេរវកម្មបណ្តាក់គ្នាទៅលើមន្ត្រីប៉ូលិស និងវិហារសាសនាគ្រិស្ត ក្នុងសាធារណរដ្ឋ Dagestan ភាគខាងត្បូងប្រទេសរុស្ស៊ី បានផ្តាច់ជីវិតប៉ូលិស១៥នាក់ និងជនស៊ីវិលរាប់សិបនាក់ទៀត។
![](https://www.kampucheathmey.com/wp-content/uploads/2024/06/image-1294.png)
តាមសេចក្តីរាយការណ៍ ខ្មាន់កាំភ្លើងមិនស្គាល់មុខមួយក្រុម បានបើកការបាញ់ប្រហារទៅលើអគារនានាដោយអាវុធស្វ័យប្រវត្តិ និងថែមទាំងដុតកម្ទេចព្រះវិហារមួយចំនួនផងដែរ មុនពេលរត់គេចពីកន្លែងកើតហេតុ។
ហេតុការណ៍នេះកើតឡើងក្នុងទីក្រុង Derbent និង Makhachkala អំឡុងពិធីបុណ្យ Pentecost ខណៈអ្នកស្លាប់រួមមាន ប៉ូលិស អាចារ្យ និងសន្តិសុខ។ ខ្មាន់កាំភ្លើងចំនួន៦នាក់ ក៏ត្រូវសម្លាប់នៅនឹងកន្លែងផងដែរ ហើយប៉ូលិសកំពុងតាមរកអ្នកផ្សេងទៀត។
![](https://www.kampucheathmey.com/wp-content/uploads/2024/06/image-1295-1024x683.png)
ត្បិតតែហេតុផលនៅពីក្រោយរឿងរ៉ាវដ៏រន្ធត់នេះ មិនទាន់ត្រូវបានបញ្ជាក់ច្បាស់ក៏ដោយ ប៉ុន្តែគេដឹងថា សាធារណរដ្ឋ Dagestan នេះ ធ្លាប់មានប្រវត្តិនៃការវាយប្រហាររបស់ក្រុមអ្នកកាន់សាសនាឥស្លាម ហើយភ្លាមៗ អាជ្ញាធររុស្ស៊ី ក៏មិនទាន់ផ្តល់ព័ត៌មានលម្អិតឲ្យជាក់លាក់ជាងនេះដែរ ដោយរង់ចាំការស៊ើបអង្កេតសិន។
សូមបញ្ជាក់ថា Dagestan គឺជាតំបន់ក្រីក្របំផុតមួយនៃប្រទេសរុស្ស៊ី ហើយសម្បូរជនមូស្លីមណាស់។ នៅចន្លោះឆ្នាំ២០០៧ដល់២០១៧ អង្គការជីហាដឈ្មោះ Caucasus Emirate និង Islamic Emirate of the Caucasus បានបើកការវាយប្រហារនៅទីនេះ ក៏ដូចជាសាធារណរដ្ឋ Chechnya, Ingushetia និង Kabardino-Balkaria ដែលស្ថិតនៅជិតៗនោះផងដែរ។
![](https://www.kampucheathmey.com/wp-content/uploads/2024/06/image-1293-1024x576.png)
ក្រុមទាំងនេះ ក៏អះអាងទទួលខុសត្រូវចំពោះការវាយប្រហារនៅសាលប្រគំតន្ត្រី Crocus City ក្បែរទីក្រុងមូស្គូកាលពីខែមីនាផងដែរ ប៉ុន្តែរុស្ស៊ី បានចង្អុលចំៗទៅលើអ៊ុយក្រែននិងលោកខាងលិចទៅវិញ។
លើសពីនេះ កាលពីបីខែមុន ស្ថាប័នសន្តិសុខរុស្ស៊ី FSB រាយការណ៍ថា ខ្លួនក៏បានរារាំងផែនការរបស់កក្រុមរដ្ឋឥស្លាម ដែលនឹងវាយប្រហារវិហារគ្រិស្តនៅក្នុងទីក្រុងមូស្គូដែរ៕
អត្ថបទ៖ សុខ សុវណ្ណ
ចុចអាន៖ រុស្ស៊ី ចង្អុលចំមុខ ៣ប្រទេស នៅពីក្រោយការវាយប្រហារភេរវកម្ម ដ៏ឃោរឃៅ
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២០ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ