ព័ត៌មានអន្ដរជាតិ
ស្លាប់៨នាក់ ក្នុងការវាយប្រហារតាមអាកាសរបស់អ៊ីស្រាអែល លើមណ្ឌលផ្ដល់ជំនួយ UNRWA នៅហ្គាហ្សា
យោងតាមការចេញផ្សាយរបស់សារពត៌មាន Al Jazeera នៅថ្ងៃទី ២៤ ខែ មិថុនាបានឲ្យដឹងថា មនុស្សចំនួន ៨ នាក់បានស្លាប់ក្នុងការវាយប្រហារតាមអាកាសរបស់អ៊ីស្រាអែល នៅជិតមណ្ឌលផ្តល់ជំនួយដែលជាទីស្នាក់ការកណ្តាលដ៏សំខាន់របស់ទីភ្នាក់ងារអង្គការសហប្រជាជាតិសម្រាប់ជនភៀសខ្លួនប៉ាឡេស្ទីន (UNRWA) នៅតំបន់ហ្គាហ្សា។
![](https://www.kampucheathmey.com/wp-content/uploads/2024/06/2024-06-23t153415z_1_lynxmpek5m04p_rtroptp_3_israel-palestinians-gaza-unrwa.png)
កាវាយប្រហារតាមអាកាសកាលពីថ្ងៃអាទិត្យ បានវាយប្រហារច្រកទ្វារសំខាន់របស់ UNRWA នៅហ្គាហ្សាភាគខាងជើងដោយក៏បណ្តាលឱ្យប្រជាជនប៉ាឡេស្ទីនជាច្រើននាក់រងរបួសផងដែរ។
ថ្មីៗនេះ អ៉ីស្រអែលបានបង្កើនការវាយប្រហារឥតដកដៃ ដែលធ្វើឲ្យជនភៀសខ្លួនប៉ាឡេស្ទីនស្លាប់និងរបួសរាប់សិបនាក់។ បើយោងតាមក្រសួងសុខាភិបាលនៅហ្គាហ្សាបានឲ្យដឹងថា សរុបជារួមមានជនជាតិប៉ាឡេស្ទីនចំនួន ១០១ នាក់ត្រូវបានសម្លាប់ និង ១៦៩នាក់រងរបួស ត្រឹមក្នុងរយៈពេល ២៤ម៉ោងចុងក្រោយ។
ស្របពេលជាមួយគ្នានេះ អ៊ីស្រាអែលក៏វាយប្រហារលើការចែកជំនួយ និងសម្ភារៈបរិក្ខាររបស់អង្គការសហប្រជាជាតិបើទោះបីជាមានការថ្កោលទោសជាអន្តរជាតិ និងអំពាវនាវឱ្យមានបទឈប់បាញ់ជាបន្ទាន់ និងការបង្កើនជំនួយ ដើម្បីទប់ទល់នឹងផលវិបាកដ៏គ្រោះថ្នាក់នៃការខ្វះអាហារ ប្រេងឥន្ធនៈ និងថ្នាំពេទ្យទៅកាន់តំបន់ហ្គាហ្សាក៏ដោយ។
![](https://www.kampucheathmey.com/wp-content/uploads/2024/06/66775c353e2e1.image_.jpg)
យោងតាម UNRWA ការវាយប្រហារចំនួន ៤៤៥លើក ដោយយោធាអ៊ីស្រាអែល បានធ្វើឱ្យខូចខាតដល់ទីតាំង១៨៨ផ្សេងគ្នារបស់អង្គការសហប្រជាជាតិចាប់តាំងពីការចាប់ផ្តើមនៃសង្រ្គាម។ យ៉ាងហោចណាស់មានជនភៀសខ្លួនប៉ាឡេស្ទីន ៥០០នាក់ត្រូវបានសម្លាប់ពេលកំពុងស្នាក់នៅក្នុងបរិវេណនោះ ដោយមាន១,៥៤៧ នាក់បានរងរបួស។យោធាអ៊ីស្រាអែលក៏បានសម្លាប់បុគ្គលិកអង្គការសហប្រជាជាតិចំនួន ១៩៣ នាក់ផងដែរ ចាប់តាំងពីថ្ងៃទី ៧ ខែតុលាមក។
ទន្ទឹមនឹងនេះ ជំនួយកំពុងរាំងស្ទះនិងខូចខាតនៅខាងក្រៅតំបន់ហ្គាហ្សាដោយសារនីតិវិធីស្មុគស្មាញដែលបង្កើតឡើងដោយយោធាអ៊ីស្រាអែល និងបញ្ហាប្រឈមផ្នែកសន្តិសុខនៃប្រតិបត្តិការនៅខាងក្នុងតំបន់ហ្គាហ្សាកំពុងរារាំងប្រជាជនប៉ាឡេស្ទីនដែលរងគ្រោះពីការទទួលបានជំនួយ៕
![](https://www.kampucheathmey.com/wp-content/uploads/2024/06/AFP__20240621__34Y23XE__v1__HighRes__PalestinianIsraelConflict-1718961397.png)
អត្ថបទ៖ ប៊ុន សុភាព
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៥ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី