ព័ត៌មានអន្ដរជាតិ
រដ្ឋមន្ត្រីលីបង់ បដិសេធរឿងដែលថា ក្រុមហេសបូឡា ផ្ទុកមីស៊ីល និងរ៉ុក្កែតនៅព្រលានយន្តហោះ
ក្រសួងដឹកជញ្ជូនលីបង់ បានធ្វើសន្និសីទកាសែតកាលពីថ្ងៃទី២៣ ខែមិថុនា ថា មិនមានការលួចផ្ទុកគ្រឿងសព្វាវុធនោះទេនៅព្រលានយន្តហោះអន្តរជាតិរដ្ឋធានី Beirut ខណៈជម្លោះប្រដាប់អាវុធកំពុងកើនកម្ដៅខ្លាំងរវាងក្រុមយោធាហេសបូឡា និងប្រទេសអ៊ីស្រាអែល។
លោក Ali Hamieh រដ្ឋមន្ត្រីក្រសួងដឹកជញ្ជូនលីបង់ បានបដិសេធចំពោះអត្ថបទព័ត៌មានមួយ ដែលចេញផ្សាយដោយសារព័ត៌មានអង់គ្លេស The Telegrahp ដែលថា ក្រុមហេសបូឡា បានផ្ទុកគ្រាប់មីស៊ីល និងគ្រាប់រ៉ុក្កែតជាច្រើននៅព្រលានយន្តហោះ។ លោករដ្ឋមន្ត្រី និយាយថា “ខ្ញុំកំពុងធ្វើសន្និសីទសារព័ត៌មាននេះ ដើម្បីបញ្ជាក់ឲ្យច្បាស់ថា អ្វីគ្រប់យ៉ាងដែលបានសរសេរនៅក្នុង The Telegraph គឺជារឿងមិនពិត ហើយខ្ញុំសូមនិយាយថា មិនមានអាវុធនាំចូល ឬនាំចេញពីព្រលានយន្តហោះ Beirut នោះទេ”។
នៅក្នុងសន្និសីទនេះ លោក Hamieh បានអញ្ជើញឲ្យអគ្គរដ្ឋទូត និងក្រុមអ្នកកាសែត ដើរត្រួតពិនិត្យបរិវេណទាំងអស់នៅទូទាំងព្រលានយន្តហោះ Beirut។
គួររំឭកថា The Telegrah បានចុះផ្សាយថា ក្រុមហេសបូឡា បានលួចប្រើប្រាស់ព្រលានយន្តហោះ Beirut សម្រាប់ផ្ទុកអាវុធខ្នាតធំ ដែលត្រូវបានផ្គត់ផ្គង់ដោយប្រទេសអ៊ីរ៉ង់។ អាវុធទាំងនោះ មានដូចជា មីស៊ីលប៉ាលិស្ទិក មីស៊ីលបាញ់រថគ្រោះ និងគ្រាប់រ៉ុក្កែត។ សារព័ត៌មានអង់គ្លេសមួយនេះ បានឲ្យដឹងទៀតថា កងកម្លាំងអ៊ីស្រាអែល បានព្រមានថា យុទ្ធសាស្ត្រនៃការផ្ទុកអាវុធទាំងនេះនៅក្នុងតំបន់ស៊ីវិល នឹងអាចប៉ះពាល់ខ្លាំងចំពោះប្រជាជនស្លូតត្រង់។ អ៊ីស្រាអែល ថា ប្រសិនបើហេសបូឡាបើកការវាយប្រហារបាញ់ចេញពីព្រលានយន្តហោះនេះមែន នោះអ៊ីស្រាអែលនឹងគ្មានជម្រើសទេ គឺមានតែបាញ់តបត ហើយអាចបង្កជាហានិភ័យធ្ងន់ធ្ងរដល់ជនស៊ីវិល និងបង្កឲ្យមានការថ្កោលទោសពីអន្តរជាតិមិនខាន។
សូមបញ្ជាក់ថា ភាពតានតឹងរវាងអ៊ីស្រាអែល និងលីបង់ បានចាប់ផ្ដើមឡើងកាលពីថ្ងៃទី៨ ខែតុលា ឆ្នាំ២០២៣ ក្រោយពីក្រុមហេសបូឡា ដែលមានការគាំទ្រដោយអ៊ីរ៉ង់ បានបើកការវាយប្រហារដោយរ៉ុក្កែតជាច្រើនគ្រាប់ទៅលើអ៊ីស្រាអែល មួយថ្ងៃបន្ទាប់ពីការវាយប្រហាររបស់ក្រុមហាម៉ាស។ ជាការសងសឹក អ៊ីស្រាអែល បានបាញ់កាំភ្លើងធំសំដៅទៅភាគអាគ្នេយ៍ប្រទេសលីបង់។ ចាប់តាំងពីពេលនោះមក ជម្លោះប្រដាប់អាវុធបាននិងកំពុងកើតឡើងស្ទើរជារៀងរាល់ថ្ងៃរវាងភាគីទាំងសងខាង។ យ៉ាងណាមិញ ការវាយប្រហារកាលពីពេលថ្មីៗនេះ កាន់តែមានទ្រង់ទ្រាយធំឡើងៗ បន្ទាប់ពីអ៊ីស្រាអែលបានសម្លាប់លោក Taleb Abdallah មេបញ្ជាការមួយរូបរបស់ក្រុមហេសបូឡា។
យោងតាមទីភ្នាក់ងារព័ត៌មាន AFP បានឲ្យដឹងថា អ៊ីស្រាអែលបានបើកការវាយប្រហារ និងសម្លាប់ក្រុមប្រយុទ្ធ Hezbollah នៅលីបង់ ប្រមាណ ៤៨០នាក់ ដោយក្នុងនោះមានជនស៊ីវិលប្រហែល៩៣នាក់ ដែលតួលេខនេះគឺជាចំនួនខ្ពស់បំផុតមួយគិតចាប់តាំងពីឆ្នាំ២០០៦ បន្ទាប់ពីជម្លោះរ៉ាំរ៉ៃរវាងភាគីទាំង២។ ដោយឡែក បើតាមអ៊ីស្រាអែលវិញ ក្រុមលីបង់បានវាយប្រហារនិងសម្លាប់ទាហានរបស់ខ្លួនអស់ចំនួន ១៥នាក់ និងជនស៊ីវិល ១១នាក់៕
ដោយ៖ ឈាង
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?