ព័ត៌មានអន្ដរជាតិ
កាណាដា ជម្លៀសអ្នកទោសកម្រិតធ្ងន់ជាង២០០នាក់ពីគុក ព្រោះភ្លើងឆេះព្រៃខ្លាំង
មន្ត្រីកាណាដា បានជម្លៀសអ្នកទោសចំនួន ២២៥នាក់ ចេញពីពន្ធនាគារកម្រិតធ្ងន់ Port-Cartier នៅទីក្រុង Quebec ដោយសារតែនៅតំបន់ក្បែរនោះកំពុងកើតមានភ្លើងឆេះព្រៃយ៉ាងសន្ធោរសន្ធៅ។ នេះបើយោងតាមសេចក្ដីថ្លែងការណ៍របស់មណ្ឌលកែប្រែកាណាដា CSC កាលពីថ្ងៃទី២៣ ខែមិថុនា ឆ្នាំ២០២៤។
![](https://www.kampucheathmey.com/wp-content/uploads/2024/06/quebec-wildfires-245201226-16x9_0-ezgif.com-avif-to-jpg-converter.jpg)
លោកស្រី Anne Kelly ប្រធានមណ្ឌល CSC បានប្រកាសថា ការជម្លៀសខ្លួននេះ មិនមានបញ្ហាចោទអ្វីនោះទេ ពោលគឺទទួលបានជោគជ័យល្អ ហើយពន្ធនាគារ Port-Cartier នៅទីក្រុង Quebec ត្រូវបានបិទជាបណ្ដោះអាសន្ន ខណៈដែលអ្នកទោសទាំងអស់កំពុងស្ថិតនៅក្នុងពន្ធនាគារមួយកន្លែងថ្មីផ្សេងទៀតដែលមានសុវត្ថិភាព។
ពន្ធនាគារ Port-Cartier គឺជាពន្ធនាគារសម្រាប់ទោសកម្រិតធ្ងន់បំផុត ដែលឃុំឃាំងអ្នកទោសឧក្រិដ្ឋកម្ម និងក្រុមឃាតកល្បីៗជាច្រើនប្រចាំប្រទេសកាណាដា។
ការជម្លៀសក្រុមអ្នកទោសលើកនេះ ធ្វើឡើងដំណាលគ្នាជាមួយការជម្លៀសខ្លួនប្រជាជនកាណាដាប្រមាណជាង ១០០០នាក់ផងដែរពីទីក្រុង Quebec បន្ទាប់ពីការប្រកាសអាសន្នករណីភ្លើងឆេះព្រៃ ដែលពិបាកក្នុងការទប់ស្កាត់ និងមានការគំរាមកំហែងខ្លាំងចំពោះសហគមន៍។
![](https://www.kampucheathmey.com/wp-content/uploads/2024/06/newFile-13-ezgif.com-avif-to-jpg-converter-1024x768.jpg)
សូមបញ្ជាក់ថា ករណីភ្លើងឆេះព្រៃនៅក្នុងឆ្នាំ២០២៤ នេះ មិនទាន់ចាត់ទុកជាករណីធ្ងន់ធ្ងរបំផុតនោះឡើយ បើធៀបនឹងឆ្នាំ២០២៣កន្លងទៅ ដែលភ្លើងឆេះព្រៃបានកើតឡើងខ្លាំងក្លាបំផុតនៅក្នុងប្រវត្តិសាស្ត្រប្រទេសកាណាដា ហើយបានបំផ្លិចបំផ្លាញផ្ទៃដីអស់ជាង ១៦លានហិកតា ជម្លៀសប្រជាជនជាង១៥ម៉ឺននាក់ និងសម្លាប់មនុស្សយ៉ាងហោចណាស់អស់ជាង ៩០នាក់ ក្នុងនោះមានអ្នកពន្លត់អគ្គិភ័យចំនួន ៨៦នាក់៕
ដោយ៖ ឈាង
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព