ព័ត៌មានអន្ដរជាតិ
ពូទីន៖ រុស្ស៊ី ឥតចេះខ្វះអាវុធទេ មិនបាច់ទៅពឹងអ្នកណាឡើយ
ថ្លែងទៅកាន់អ្នកកាសែតពាក់ព័ន្ធការគ្រប់គ្រងអាវុធរបស់ក្រសួងការពារជាតិរុស្ស៊ី លោកប្រធានាធិបតី វ្ល៉ាឌីមៀរ ពូទីន បញ្ជាក់យ៉ាងច្បាស់ថា ទីក្រុងមូស្គូ មិនខ្វះទេអាវុធដើម្បីធានាសន្តិសុខជូនជាតិ ហើយមិនចាំបាច់ទៅពឹងអ្នកណាឡើយ។
លោកថា “គ្រប់យ៉ាងដូចជាការផ្គត់ផ្គង់អាវុធដល់កងទ័ព និងការបញ្ជាទិញគ្រឿងសឹកសំខាន់ៗ គឺអាស្រ័យលើក្រសួងការពារជាតិ។ រឿងនេះ យើងអាចពឹងផ្អែកលើខ្លួនឯងបាន។ គ្មាននរណាមកជួយយើង ឬបរិច្ចាគអ្វីឡើយ។ យើងអាចធ្វើវាបាន ហើយទទួលជោគជ័យទៀតផង”។
សូមបញ្ជាក់ថា រុស្ស៊ី បានសម្រុកបង្កើនឧស្សាហកម្មការពារជាតិ ស្របពេលភ្លើងសង្គ្រាមជាមួយអ៊ុយក្រែន នៅតែបន្តឆាបឆេះ ហើយកាលពីខែឧសភាកន្លងទៅ ប្រធានក្រុមហ៊ុនការពារជាតិ Rostec លោក Sergey Chemezov អះអាងថា ការផលិតគ្រាប់កាំភ្លើងធំ បានកើនឡើង ១០ ដង រីឯការផលិតកាំភ្លើងខ្លីបានកើនឡើង ១៤ ដង។
មិនត្រឹមប៉ុណ្ណឹង ការផលិតគ្រាប់សម្រាប់រថក្រោះ និងយានប្រយុទ្ធថ្មើរជើង ក៏ហក់ឡើង ៩០០%, កាំភ្លើងធំកើន៦០០% និងគ្រាប់បែកសម្រាប់ប្រព័ន្ធរ៉ុកកែតពហុមុខងារ ក៏កើនឡើង៨០០%ផងដែរ។
យ៉ាងណាក្តី សមត្ថភាពឧស្សាហកម្មការពារជាតិរបស់រុស្ស៊ី កំពុងចោទជាក្តីបារម្ភយ៉ាងខ្លាំងក្នុងចំណោមអ្នកគាំទ្រលោកខាងលិច ព្រោះថា អ៊ុយក្រែន គឺពឹងផ្អែកសឹងតែទាំងស្រុងលើជំនួយយោធាបរទេសក្នុងជម្លោះជាមួយទីក្រុងមូស្គូនេះ។
កាលពីខែកុម្ភៈ កាសែត The Guardian រាយការណ៍ថា កំណើននៃផលិតកម្មឧស្សាហកម្មការពារជាតិរបស់រុស្ស៊ី គឺខ្ពស់ជាងអ្វីដែលអ្នកជំនាញលោកខាងលិច សន្និដ្ឋានទៅទៀត។
គ្មានអ្វីត្រូវសង្ស័យឡើយ សហរដ្ឋអាមេរិក គឺជាអ្នកផ្តល់ជំនួយធំបំផុតរបស់ទីក្រុងកៀវ ពោលគិតត្រឹមពេលនេះគឺជួយអស់ទឹកប្រាក់ ៥៣.៨៩ពាន់លានដុល្លារហើយ ចំណែក អាល្លឺម៉ង់ស្ថិតនៅលំដាប់ទី២ជួយអស់ ១០.៩២ពាន់លានដុល្លារនិងចក្រភពអង់គ្លេស ឈរលេខ៣ ជួយអស់៩.៤២ ពាន់លានដុល្លារ៕
អត្ថបទ៖ សុខ សុវណ្ណ
ចុចអាន៖ រុស្ស៊ី-កូរ៉េខាងជើង នឹងជួយគ្នា បើបរទេសណា ហ៊ានឈ្លានពាន
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា