ព័ត៌មានអន្ដរជាតិ
ដំណឹងល្អ! អាមេរិក ធ្វើតេស្តវ៉ាក់សាំងជំងឺអេដស៍ ជោគជ័យ១០០%
ជាដំណឹងល្អសម្រាប់ពិភពលោក ព្រោះថា បើតាមការចុះផ្សាយរបស់សារព័ត៌មាន Fierce Pharma កាលពីថ្ងៃសៅរ៍ទី២២ខែមិថុនាឆ្នាំ២០២៤, ក្រុមហ៊ុនជីវឱសថអាមេរិក Gilead Sciences Inc. អះអាងថា វ៉ាក់សាំងពិសោធន៍របស់ខ្លួនបានបង្ហាញប្រសិទ្ធភាព ១០០% បង្ការការឆ្លងមេរោគអេដស៍ចំពោះស្ត្រី។
ក្រុមហ៊ុនបានធ្វើការសាកល្បងនេះ ដោយប្រើថ្នាំចាក់ពីរដងក្នុងមួយឆ្នាំឈ្មោះ Lenacapavir លើស្ត្រីប្រហែល ៥ ៣០០នាក់ អាយុចន្លោះពី១៦ទៅ២៥ឆ្នាំ នៅប្រទេសអាហ្វ្រិកខាងត្បូងនិងអ៊ូហ្គង់ដា។
ក្នុងសេចក្តីប្រកាសព័ត៌មានដែលចេញផ្សាយនៅលើគេហទំព័ររបស់ខ្លួន ក្រុមហ៊ុនបញ្ជាក់ថា “ការសាកល្បងបង្ការមេរោគអេដស៍ដំណាក់កាលទី៣ ដែលមិនធ្លាប់មានពីមុនមកគឺបានបង្ហាញលទ្ធផលដ៏ភ្ញាក់ផ្អើលគឺ ការឆ្លងសូន្យ។ លទ្ធផលនេះគឺក្រោយពេលអ្នកចូលរួមសាកល្បងទាំងអស់ ចាក់ថ្នាំ Lenacapavir ២ដងក្នុងមួយឆ្នាំ ហើយនេះជាលទ្ធផលដែល គ្រប់គ្នានឹកស្មានមិនដល់ទាល់តែសោះ។
លោក Merdad Parsey ប្រធានផ្នែកវេជ្ជសាស្រ្តក្រុមហ៊ុន Gilead Sciences និយាយថា “ក្រោយរកឃើញគ្មានការឆ្លងនិងប្រសិទ្ធភាព១០០%, វ៉ាក់សាំង Lenacapavir ចាក់ពីរដងក្នុងមួយឆ្នាំ បានបង្ហាញពីសក្តានុពលរបស់ខ្លួន ជាអាវុធថ្មីដ៏សំខាន់ ជួយការពារការឆ្លងមេរោគអេដស៍។ ថ្នាំនេះ នឹងសម្រេចបានគោលដៅ ឆ្ពោះទៅរកការបញ្ចប់ការរីករាលដាលនៃមេរោគអេដស៍សម្រាប់មនុស្សគ្រប់រូបនៅគ្រប់ទីកន្លែង។
ទោះបីជាយ៉ាងណាក៏ដោយ វ៉ាក់សាំងនេះមិនថោកទេ ព្រោះថា បើយោងតាមរដ្ឋបាលចំណីអាហារនិងឱសថអាមេរិក (FDA), វាអាចមានតម្លៃប្រហែល ៤២ ២៥០ដុល្លារ ហើយក៏មិនទាន់ដឹងកាលបរិច្ឆេទដាក់លក់លើទីផ្សារដែរ។
យោងតាមស្ថិតិជាសកល, បច្ចុប្បន្ននេះ មានមនុស្សប្រហែល៣៩លាននាក់នៅទូទាំងពិភពលោក បានឆ្លងមេរោគអេដស៍ ក្នុងនោះមាន ១.៥លាននាក់ជាកុមារ ហើយអ្វីដែលគេបារម្ភគឺថា គ្រាន់តែទ្វីបអាហ្រ្វិក គឺមានមនុស្សឆ្លងដល់ទៅ ២៥.៦លាននាក់ទៅហើយ៕
អត្ថបទ៖ សុខ សុវណ្ណ
ចុចអាន៖ អ្នកផ្ទុកមេរោគអេដស៍ និងជំងឺអេដស៍ នៅខេត្តព្រះសីហនុ ជាង ៩៤០ នាក់ ទទួលបានប័ណ្ណក្រីក្រ
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៥ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី