ព័ត៌មានអន្ដរជាតិ
កុមារជាង ២ម៉ឺននាក់ បាត់ខ្លួនក្នុងសង្គ្រាមហ្គាហ្សា
យោងតាមអង្គការជំនួយអង់គ្លេស Save the Children បានឲ្យដឹងថា កុមារជាង ២០ ០០០នាក់កំពុងបាត់ខ្លួននៅក្នុងតំបន់ហ្គាហ្សា ដោយសារសង្គ្រាមអ៊ីស្រាអែលនិងក្រុមហាម៉ាស។ នេះបើយោងតាមការចេញផ្សាយរបស់ទីភ្នាក់ងារពត៌មាន Al Jazeera នៅថ្ងៃទី ២៥ ខែ មិថុនា។
![](https://www.kampucheathmey.com/wp-content/uploads/2024/06/palestine_children_aid.jpg)
នៅក្នុងរបាយការណ៍របស់ខ្លួន អង្គការនេះបង្ហាញថា កុមារទាំងនោះទំនងជាត្រូវជាប់នៅក្រោមគំនរបាក់បែក អាចកប់ក្នុងផ្នូរដែលគ្មានដាក់សញ្ញាសម្គាល់ អាចស្លាប់ដោយផ្ទុះគ្រាប់បែក អាចត្រូវកងកម្លាំងអ៊ីស្រាអែលឃាត់ខ្លួន ឬបាត់ខ្លួននៅក្នុងភាពវឹកវរនៃជម្លោះ។
ស្របពេលជាមួយគ្នានោះ អង្គការនេះបញ្ជាក់ថា ខ្លួនពិតជាពិបាកបំផុតក្នុងការប្រមូលទិន្នន័យ និងផ្ទៀងផ្ទាត់ព័ត៌មានព្រោះតែស្ថានភាពសង្គ្រាមនៅហ្គាហ្សា ហាក់មិនថមថយឡើយ។
![](https://www.kampucheathmey.com/wp-content/uploads/2024/06/2024-06-21T174922Z_585322603_RC2QF8AWBVN2_RTRMADP_3_ISRAEL-PALESTINIANS-RAFAH-1719010060.jpg)
ចំណែកអង្គការមូលនិធិកុមាររបស់អង្គការសហប្រជាជាតិ (UNICEF) ក៏បានឲ្យដឹងនៅក្នុងរបាយការណ៍មួយកាលពីដើមឆ្នាំនេះដែរថា អ៊ីស្រាអែលបានសម្លាប់កុមារជាង ១៤ ០០០នាក់នៅតំបន់ហ្គាហ្សា ចាប់តាំងពីថ្ងៃទី ៧ខែតុលាមក ខណៈអ្នកផ្សេងទៀតកំពុងទទួលរងកង្វះអាហារូបត្ថម្ភធ្ងន់ធ្ងរ ដល់ថ្នាក់កុមារខ្វះសូម្បីយំក៏គ្មានកម្លាំងយំដែរ។
ទន្ទឹមនោះ កុមារប៉ាឡេស្ទីនប្រហែល ២៥០ នាក់ក៏កំពុងបាត់ខ្លួនផងដែរនៅក្នុងតំបន់ West Bank គិតត្រឹមថ្ងៃទី ៩ ខែមិថុនា ហើយលោក Jeremy Stoner នាយកអង្គការ Save the Children ប្រចាំតំបន់មជ្ឈិមបូព៌ា កំពុងអំពាវនាវឱ្យមានការស៊ើបអង្កេតឯករាជ្យលើស្ថានភាពជុំវិញកុមារដែលបាត់ខ្លួននៅហ្គាហ្សា និងរកការទទួលខុសត្រូវ៕
![](https://www.kampucheathmey.com/wp-content/uploads/2024/06/231025-gaza-sj1135jpg-a83647.webp)
អត្ថបទ៖ ប៊ុន សុភាព
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានអន្ដរជាតិ២ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១៧ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤