ព័ត៌មានអន្ដរជាតិ
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
តាមការចុះផ្សាយរបស់ Daily Mail កាលពីថ្ងៃចន្ទទី២៤ខែមិថុនាឆ្នាំ២០២៤, ក្រុមអ្នកវិទ្យាសាស្ត្របានព្រមានថា ព្យុះខ្សាច់ដ៏ធំពីតំបន់សាហារ៉ា នឹងហោះឆ្លងកាត់មហាសមុទ្រអាត្លង់ទិក សំដៅទៅវាយប្រហារសហរដ្ឋអាមេរិក នៅចុងសប្តាហ៍នេះហើយ។
![](https://www.kampucheathmey.com/wp-content/uploads/2024/06/image-1374-1024x576.png)
តាមការព្រមានពីក្រុមអ្នកវិទ្យាសាស្ត្រ, ព្យុះខ្សាច់សាហារ៉ា នឹងទៅដល់ឆ្នេរសមុទ្រភាគខាងត្បូងរដ្ឋហ្វ្លរីដា និងឈូងសមុទ្រម៉ិកស៊ិក រួចឆ្ពោះទៅភាគខាងត្បូងរដ្ឋតិចសាស់ ចន្លោះពីថ្ងៃព្រហស្បតិ៍ ទៅដល់ថ្ងៃអាទិត្យ។
ជុំវិញរឿងនេះដែរ អ្នកជំនាញបានជូនដំណឹងថា អ្នករដ្ឋហ្វ្លរីដាដែលមានបញ្ហាសុខភាពដូចជាជំងឺហឺតនិងផ្លូវដង្ហើម គួរប្រុងប្រយ័ត្ន កុំចេញទៅណាឬធ្វើសកម្មភាពខាងក្រៅផ្ទះឲ្យសោះ បើមិនចាំបាច់។
![](https://www.kampucheathmey.com/wp-content/uploads/2024/06/image-1375-1024x504.png)
ព្យុះខ្សាច់សាហារ៉ា ឬគេអាចហៅម្យ៉ាងទៀតថា ស្រទាប់ខ្យល់សាហារ៉ា (SAL) គឺកកើតនៅលើវាលខ្សាច់សាហារ៉ារៀងរាល់រដូវផ្ការីក។ ព្យុះនេះ ជាការពូនផ្តុំភាគល្អិតនៃខ្សាច់ហើយតាមធម្មតា វាលេចចេញជារូបរាង រៀងរាល់៣ទៅ៥ថ្ងៃម្តង រហូតឈានដល់កម្រិតកំពូលនៅពាក់កណ្តាលខែមិថុនា ដល់ពាក់កណ្តាលខែសីហា ទៅវាយប្រហាររដ្ឋហ្វ្លរីដា ធ្វើឲ្យផ្ទៃមេឃឡើងពណ៌លឿង និងបង្កជាផលប៉ះពាល់ផ្នែកសុខភាពយ៉ាងធ្ងន់ធ្ងរដល់ប្រជាជន។
ទោះបីជាយ៉ាងណាក៏ដោយ វេជ្ជបណ្ឌិតបានណែនាំថា ប្រជាពលរដ្ឋត្រូវការពារខ្លួនដោយបិទបង្អួច និងទ្វារ ឬពាក់ម៉ាសពេលចេញក្រៅ និងដាក់ថ្នាំព្យាបាលជំងឺផ្សេងៗនៅតាមខ្លួន។
![](https://www.kampucheathmey.com/wp-content/uploads/2024/06/image-1376-1024x649.png)
សូមបញ្ជាក់ថា ក្រៅពីព្យុះខ្សាច់ ក្រុមអ្នកព្យាករបានព្រមានថា ២០២៤នេះ គឺជាឆ្នាំដែលសហរដ្ឋអាមេរិក នឹងត្រូវជួបប្រទះព្យុះសកម្មបំផុតក្នុងកំណត់ត្រា ពោលគឺថា គ្រាន់តែព្យុះដែលគេដាក់ឈ្មោះឲ្យត្រឹមត្រូវ មានរហូតដល់ទៅ២៤ទៅហើយ ហើយក្នុងនោះ មាន១១ព្យុះដែលគេព្រមានថា នឹងវិវឌ្ឍខ្លួនទៅជាព្យុះកំណាច មានឥទ្ធិពលខ្លាំង បង្កមហន្តរាយធំធេង៕
អត្ថបទ៖ សុខ សុវណ្ណ
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព