ព័ត៌មានអន្ដរជាតិ
រុស្ស៊ី ព្រមានពីគ្រោះថ្នាក់ បើអាមេរិក នៅតែបន្តជួយអាវុធដល់ អ៊ុយក្រែន
អំឡុងកិច្ចសន្ទនាតាមទូរស័ព្ទរវាងរដ្ឋមន្ត្រីការពារជាតិរុស្ស៊ីនិងប្រមុខការពារអាមេរិក កាលពីថ្ងៃអង្គារទី២៥ខែមិថុនាឆ្នាំ២០២៤ ភាគីរុស្ស៊ី បានព្រមានទៅទីក្រុងវ៉ាស៊ីនតោន អំពីគ្រោះថ្នាក់នៃសង្គ្រាមកាន់តែរីករាលដាល ប្រសិនបើភាគីអាមេរិក នៅតែបន្តជួយអាវុធអ៊ុយក្រែន។
![](https://www.kampucheathmey.com/wp-content/uploads/2024/06/image-1392-1024x386.png)
តាមការចុះផ្សាយរបស់ RT, រដ្ឋមន្ត្រីការពារជាតិរុស្ស៊ីលោក Andrey Belousov បានប្រាប់ទៅប្រមុខមន្ទីរបញ្ចកោណលោក Lloyd Austin ថា ស្ថានការណ៍ពិតជាមានគ្រោះថ្នាក់ខ្លាំងណាស់ ហើយភ្លើងសង្គ្រាមនឹងកាន់តែឆេះឆាបឆួល បើអាមេរិក មិនព្រមឈប់ផ្តល់អាវុធទៅឲ្យកងកម្លាំងរបស់លោក វ្ល៉ាឌីមៀរ ហ្សេលេនស្គី ទេនោះ។
ទោះបីជាយ៉ាងណាក៏ដោយ ក្រៅពីការព្រមាននេះ ប្រមុខការពារជាតិនៃប្រទេសមហាអំណាចនុយក្លេអ៊ែរទាំងពីរ ក៏ពិភាក្សាគ្នាអំពីភាពចាំបាច់នៃការរក្សាទំនាក់ទំនងផងដែរ ទោះប្រទេសទាំងពីរមានភាពរកាំរកូសជាមួយគ្នាក៏ពិតមែន។
![](https://www.kampucheathmey.com/wp-content/uploads/2024/06/image-1393.png)
កិច្ចសន្ទនារយៈពេល២ម៉ោងនេះ គឺជាជំនួបតាមទូរស័ព្ទតទល់គ្នាលើកដំបូងរវាងលោក Lloyd Austin ជាមួយលោក Andrey Belousov ដែលបានឡើងកាន់តំណែងរដ្ឋមន្ត្រីការពារជាតិរុស្ស៊ីជំនួសលោក Sergey Shoigu កាលពីខែមុន។
កិច្ចសន្ទនានេះទៀតសោត កើតឡើងមិនយូរប៉ុន្មានបន្ទាប់ពី ជនជាតិរុស្ស៊ី៤នាក់ត្រូវបានសម្លាប់ និងរាប់រយនាក់រងរបួស អំឡុងការវាយប្រហាររបស់អ៊ុយក្រែន នៅតំបន់គ្រីមៀ ដែលទីក្រុងមូស្គូ ចង្អុលចំឈ្មោះថា អាមេរិក ជាអ្នកនៅពីក្រោយខ្នងរៀបចំផែនការ។
![](https://www.kampucheathmey.com/wp-content/uploads/2024/06/image-1394.png)
ជុំវិញរឿងនេះ ក្រសួងការពារជាតិរុស្ស៊ីបានចេញសេចក្តីប្រកាសថា មីស៊ីលដែលអ៊ុយក្រែនប្រើគឺជាប្រភេទ ATACMS ផ្គត់ផ្គង់ដោយសហរដ្ឋអាមេរិក ហើយការវាយប្រហារនោះ គឺត្រូវបានរៀបចំឡើងដោយអ្នកឯកទេសអាមេរិក សុទ្ធសាធតែម្តង។
កន្លងមក សហរដ្ឋអាមេរិកធ្លាប់អនុញ្ញាតឲ្យទីក្រុងកៀវ ប្រើប្រាស់អាវុធលោកខាងលិចមួយចំនួនសម្រាប់ការវាយប្រហារចូលជ្រៅទៅក្នុងប្រទេសរុស្ស៊ី ប៉ុន្តែលោក វ្ល៉ាឌីមៀរ ពូទីន ក៏គំរាមម្តងហើយម្តងទៀតផងដែរ ថា ទីក្រុងមូស្គូនឹងសងសឹកចំពោះប្រទេសណាក៏ដោយ ឲ្យតែជួយអាវុធដល់អ៊ុយក្រែន បាញ់ចូលដីរុស្ស៊ី៕
អត្ថបទ៖ សុខ សុវណ្ណ
ចុចអាន៖ រុស្ស៊ី ចង្អុលចំមុខអាមេរិក ថែមគំរាមសងសឹកឥតប្រណី ក្រោយការវាយប្រហារនៅ គ្រីមៀ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ