ព័ត៌មានអន្ដរជាតិ
លោក Macron ព្រមានកើតសង្គ្រាមស៊ីវិល បើគណបក្សខ្លួន មិនឈ្នះឆ្នោត
តាមសេចក្តីរាយការណ៍របស់ Reuters កាលពីថ្ងៃអង្គារទី២៥ខែមិថុនាឆ្នាំ២០២៤ ប្រធានាធិបតីបារាំងលោក Emmanuel Macron កំពុងភ័យព្រួយថា ការបោះឆ្នោតនីតិបញ្ញត្តិនាពេលខាងមុខនេះ អាចបង្កឲ្យមានសង្គ្រាមស៊ីវិល ប្រសិនបើគណបក្សរបស់លោក ចាញ់ឆ្នោត។
ថ្លែងក្នុងបទសម្ភាសជាមួយកម្មវិធី Generation Do It Yourself, លោក Macron អះអាងថា ទាំងគណបក្សស្តាំនិយម National Rally និងគណបក្សឆ្វេងនិយម France Unbowed សុទ្ធតែដាក់ចេញនូវគោលនយោបាយខ្លាំងដៃដែលនឹងបង្កឲ្យមានភាពតានតឹង ហើយវោហារសាស្ត្ររបស់ពួកគេ នឹងបញ្ឆេះជម្លោះកាន់តែខ្លាំង។ ដូចនេះ មានតែក្រុមចម្រុះដែលគ្រប់គ្រងដោយគណបក្សនិយមកណ្តាលរបស់លោកប៉ុណ្ណោះ ដែលអាចការពារសេណារីយ៉ូបែបនេះបាន។
លោកសង្កត់ធ្ងន់ថា “នៅពេលអ្នកធុញទ្រាន់ ហើយជីវិតប្រចាំថ្ងៃជួបភាពលំបាកទៀតនោះ ច្បាស់ណាស់អ្នកអាចត្រូវបានគេល្បួងឲ្យបោះឆ្នោតជូនក្រុមជ្រុលនិយម ដែលអួតអាងមានដំណោះស្រាយលឿនៗ ប៉ុន្តែដំណោះស្រាយទាំងនោះ គឺពោរពេញដោយគ្រោះថ្នាក់បំផុត”។
លោក Macron បានគូសបញ្ជាក់ថា គោលនយោបាយរបស់គណបក្ស National Rally ចំពោះបញ្ហារបស់ប្រទេសបារាំង គឺលែងសូវឲ្យមនុស្សកាន់សាសនា ដែលជំរុញឆ្ពោះទៅរកសង្រ្គាមស៊ីវិល។ ដូចគ្នានេះ គណបក្ស France Unbowed ក៏ផ្សព្វផ្សាយពីសង្រ្គាមស៊ីវិលដែរ ព្រោះពួកគេកាត់បន្ថយមនុស្សលែងឲ្យកាន់សាសនា។
ការព្រមានរបស់លោក Macron កើតឡើងបន្ទាប់ពីប្រធានាធិបតីបារាំង រំលាយសភា ហើយអំពាវនាវឲ្យមានការបោះឆ្នោតជាបន្ទាន់ ក្រោយគណបក្ស National Rally ផ្តួលក្រុមចម្រុះកំពុងកាន់អំណាចនៅក្នុងការបោះឆ្នោតសភាអឺរ៉ុប។ ការបោះឆ្នោត ជុំទីមួយនឹងធ្វើឡើងនៅថ្ងៃអាទិត្យសប្តាហ៍នេះ ចំណែកជុំទីពីរ ប្រព្រឹត្តទៅនៅថ្ងៃទី៧ខែកក្កដា។
យោងយាមការស្ទង់មតិរបស់ Ipsos ដែលធ្វើឡើងកាលពីសប្តាហ៍មុន បានបង្ហាញថា គណបក្ស National Rally កំពុងមានសំឡេងនាំមុខចំនួន ៣៥.៥% ចំណែកគណបក្ស France Unbowed ឈរលេខពីរជាមួយសំឡេង ២៩.៥% ខណៈសម្ព័ន្ធភាពរបស់លោក Macron ឈរលេខបីមានសំឡេង ១៩.៥%៕
អត្ថបទ៖ សុខ សុវណ្ណ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា