ព័ត៌មានអន្ដរជាតិ
ហ្វាំងឡង់ ចាប់ផ្តើមចាក់វ៉ាក់សាំងជំងឺគ្រុនផ្តាសាយបក្សីដល់មនុស្ស
អាជ្ញាធរសុខាភិបាលហ្វាំងឡង់ គ្រោងចាក់វ៉ាក់សាំងជំងឺគ្រុនផ្តាសាយបក្សីឱ្យបានឆាប់នៅសប្តាហ៍ក្រោយ ដោយគោលដៅចម្បងគេគឺចាក់ឲ្យកម្មករមួយចំនួនដែលឧស្សាហ៍ប៉ះពាល់នឹងសត្វ។ នេះបើយោងតាមការចេញផ្សាយរបស់សារពត៌មាន CNA នៅថ្ងៃទី២៦ ខែ មិថុនា។
![](https://www.kampucheathmey.com/wp-content/uploads/2024/06/Flu-shot-1.jpg)
ប្រទេសស្ថិតនៅតំបន់ Nordic មួយនេះបានទិញវ៉ាក់សាំងសម្រាប់មនុស្ស ១០ ០០០នាក់ ដែលជាផ្នែកមួយនៃការទិញរួមគ្នារបស់សហភាពអឺរ៉ុប សម្រាប់វ៉ាក់សាំងរហូតដល់ ៤០លានដូសពីក្រុមហ៊ុនផលិត៉ាក់សាំង CSL Seqirus ហើយក្នុងចំណោមប្រទេសទាំង១៥ ហ្វាំងឡង់នឹងក្លាយជាប្រទេសដំបូងគេដែលដាក់ឱ្យប្រើប្រាស់វ៉ាក់សាំងនេះ។
បើយោងតាមវិទ្យាស្ថានហ្វាំងឡង់សម្រាប់សុខភាព និងសុខុមាលភាព (THL) បានឲ្យដឹងថា វ៉ាក់សាំងនេះនឹងត្រូវបានផ្តល់ជូនដល់មនុស្សអាយុ១៨ឆ្នាំឡើង ដែលអាចមានហានិភ័យខ្ពស់ពីការឆ្លងជំងឺគ្រុនផ្តាសាយបក្សីដោយសារតែការងារ ឬកាលៈទេសៈផ្សេងទៀត។
![](https://www.kampucheathmey.com/wp-content/uploads/2024/06/6789bb6f2df54d64b7081f5d0c79a72b.jpg)
គួរបញ្ជាក់ថាជំងឺគ្រុនផ្តាសាយបក្សី H5N1 បានសម្លាប់សត្វបក្សីរាប់រយលានក្បាលនៅទូទាំងពិភពលោកក្នុងរយៈពេលប៉ុន្មានឆ្នាំចុងក្រោយនេះ ហើយបាននិងកំពុងរីករាលដាលកាន់តែខ្លាំងឡើងទៅកាន់ថនិកសត្វ រួមទាំងសត្វគោនៅសហរដ្ឋអាមេរិក ហើយក្នុងករណីខ្លះឆ្លងដល់មនុស្សទៀតផង។
វ៉ាក់សាំងនេះសម្រាប់អ្នកដែលខ្លួនយល់ថាមានហានិភ័យ ដូចជាកម្មករនៅកសិដ្ឋានចិញ្ចឹមសត្វ អ្នកបច្ចេកទេសមន្ទីរពិសោធន៍ដែលគ្រប់គ្រងសំណាកជំងឺផ្តាសាយបក្សី និងពេទ្យសត្វដែលធ្វើការជាមន្ត្រីគ្រប់គ្រងសត្វនៅក្នុងតំបន់ដែលមានកសិដ្ឋានចិញ្ចឹមសត្វ។
![](https://www.kampucheathmey.com/wp-content/uploads/2024/06/2024-06-25t105316z_2_lynxmpek5o0eh_rtroptp_3_health-bird-flu.jpg)
ជាមួយគ្នានេះមនុស្សដែលធ្វើការនៅក្នុងទីជម្រកថែទាំសត្វស្លាបព្រៃ នៅក្នុងកសិដ្ឋានចិញ្ចឹមសត្វ ឬនៅក្នុងរោងចក្រកែច្នៃផលិតផលសត្វ ក៏នឹងត្រូវបានផ្តល់វ៉ាក់សាំងផងដែរ។
គួរបញ្ជាក់ផងថា ការរីករាលដាលនៃជំងឺគ្រុនផ្តាសាយបក្សីក្នុងចំណោមសត្វក្ងាន និងកញ្ជ្រោងនៅកសិដ្ឋានចិញ្ចឹមសត្វនៅហ្វាំងឡង់បាននាំឱ្យមានការសម្លាប់សត្វចំនួន ៤៨៥,.០០០ ក្បាលកាលពីឆ្នាំមុន តែត្រូវបានទប់ស្កាត់ការរីករាលដាលបានទាន់ពេលវេលា៕
![](https://www.kampucheathmey.com/wp-content/uploads/2024/06/71e4762d125545e881eed0e991b1140e.jpeg)
អត្ថបទ៖ ប៊ុន សុភាព
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព